ඝාතනය කරන අයුරු සජීවී ලෙස අන්තර්ජාලයට එක් කරමින් පුද්ගලයින් දෙදෙනකු ඝාතනය කළ බව කියන ඇමෙරිකාවේ ඔක්ලහෝමාහී පුද්ගලයෙකු සොයා මෙහෙයුම් ආරම්භ කළ බව එරට පොලිසිය කියයි.

මයිකල් වාන්ස් (38) නම් ඔහු පොලිස් නිලධාරීන් දෙදෙනකුට ද පහර දී තුවාල කර තිබෙන අතර එය ෆේස්බුක් හරහා සජීවි ලෙස අන්තර්ජාලයට එක් කර තිබිණි.පොලිස් රථයක් සොරකම් කළ ඔහු තම හිතවතුන් දෙදෙනකුද ඝාතනය කර ඇතැයි බලධාරීහු පවසති.ඔහු සතුව ඒකේ 47 වර්ගයේ ගිනි අවියක්ද ඇති බව කියති.

ඔහු ගොඩනැගිලි කොන්ත්‍රාත්කරුවෙකු වන අතර ඔහු කාන්තාවකට වෙඩි තබා ඇයගේ මෝටර් රථය පැහැරගෙන තිබේ.මීට දින කිහිපයකට පෙර ඔහු වෙළදසැලක දී වෙඩිතැබීමක් සිදුකර එක් අයෙකුට තුවාල සිදු කළේය.

ඔහු ස්ත්‍රී දූෂණ චෝදනා යටතේ බන්ධනාගාරගත කර ඇති අතර ඉන් නිදහස් වී ඇත්තේ මීට සති කිහිපයකට පෙරයි.එමෙන්ම ඔහු විවිධ චෝදනා යටතේ කිහිප වතාවක් සිරගත කළ අයෙකි.

ඔහුට රෝගී තත්ත්වයක් ඇති බව පොලිසිය පවසන නමුත් ඔහුගේ රෝගී තත්ත්වය පිළිබඳ වෛද්‍ය වාර්තා නිකුත් කර නැත.මීට පෙර ඔහුට විරුද්ධව ගොනු කර ඇති නඩුවක් ලබන මාසයේදී විභාගයට ගැනීමට නියමිතයි.

ffrfrg