ඇමෙරිකාව ප්රමුඛ බටහිර රටවල විරෝධය මැද ඉරානය පෙරේදා (7) ඇෆ්ගන් දේශසීමාවට යාබද ප්රදේශයක හමුදා අභ්යාසයක් ආරම්භ කළේය. ඉරාන විප්ලවීය හමුදා ආඥාපති මොහොමඞ් පක්පූර් එරට ‘ෆාස්’ පුවත් සේවය සමඟ සම්මුඛ සාකච්ඡාවකට එක් වෙමින් කියා සිටියේ ඉරාන/ඇෆ්ගන් දේශසීමාවේ කවාට් පළාතේදී හමුදා අභ්යාසය පැවැත්වූ බවය. කවාට් පළාත පිහිටා ඇත්තේ ඇෆ්ගනිස්තානයේ සිට කිලෝමීටර් 60 ක් දුරින් යැයි ‘ෆාස්’ පුවත් සේවය වාර්තා කරයි. හමුදා ආඥාපති මොහොමඞ් පක්පූර් වැඩිදුරටත් කියා සිටියේ ඇමෙරිකාව ප්රමුඛ බටහිර රටවලින් ප්රහාරයක් එල්ල වුවහොත් තමන්ට ඊට මුහුණ දීමට ශක්තියක් ඇති බව පෙන්වීම එම හමුදා අභ්යාසයේ අරමුණ බවය. හමුදා අභ්යාසයේදී නව අවි ආයුධ කිහිපයක් අත්හදා බැලූ බව ද හමුදා ආඥාපතිවරයා පවසයි. ඉරානය මීට දින කිහිපයකට පෙර ඉරානය අසල පිහිටි හෝමූස් සමුද්ර සන්ධියේ නාවික අභ්යාසයක් පැවැත්වීය. දස දින නාවික අභ්යාසයක් වූ එයට ඇමෙරිකාවේ සහ ඇමෙරිකාවේ ගැත්තකු වන ඊශ්රායලයේ දැඩි විරෝධයක් එල්ල විය. ඉරානයේ ‘හිතුවක්කාර න්යෂ්ටික වැඩසටහන’ ඇමෙරිකාව ප්රමුඛ බටහිර රටවල දැඩි විරෝධයකට ලක් ව ඇති අතර ඇමෙරිකාව චෝදනා කරන්නේ ඉරානය පරමාණු බෝම්බ නිපදවන බවය. එම චෝදනා සැලකිල්ලට ගෙන මේ වනවිට ඉරානයට දැඩි සම්බාධක පැනවීමක් ද සිදු කර ඇත. ඇමෙරිකාව ප්රමුඛ බටහිර රටවල් යම් හෙයකින් ඉරානයට පහර දුන්නොත් එවැනි ප්රහාරයකට තමන්ට මුහුණ දීමට ශක්තියක් ඇතැයි පෙන්වීම ඉරානයේ මෙම හමුදා සහ නාවික අභ්යාසවල අරමුණ වෙයි. හෝමූස් සමුද්ර සන්ධියේ නාවික අභ්යාසය පවත්වමින් ඉරානය ලෝකයාට කියා සිටියේ යම් හෙයකින් ඇමෙරිකාව පහර දුන්නොත් හෝමූස් සමුද්ර සන්ධිය වසා දමන්න තමන්ට ශක්තියක් ඇති බවය. මැද පෙරදිග තෙල් ප්රවාහන කටයුතුවලින් සියයට 30 කට වැඩි ප්රමාණයක් සිදුවන්නේ එම හෝමූස් සමුද්ර සන්ධිය හරහාය. හෝමූස් සමුද්ර සන්ධියේ නාවික අභ්යාසයට විරෝධය පළ කරමින් ඉරානයට එරෙහිව තව තවත් සම්බාධක පැනවීමටත්, ඉරානයේ තෙල් ගනුදෙනුවලට බාධක පමුණුවන්නත් ඇමෙරිකාව ඉකුත් සතියේ කටයුතු කළේය. මේ වනවිට ඉරානයට එරෙහි ආර්ථික සම්බාධක රැසක් පනවා ඇත. හෝමූස් සමුද්ර සන්ධිය වසා දමා තෙල් සැපැයුම්වලට බාධා කිරීමට ඉරානයට හැකියාව ඇති නමුත් පැය කීපයක් ඇතුළතදී වසා දැමෙන එම සමුද්ර සන්ධිය යළි විවෘත කරන බව ඇමෙරිකා ජනාධිපති බැරැක් ඔබාමා පවසයි. ජනපති ඔබාමා මේ බව කියා සිටියේ ඉකුත් 5 වැනිදා ඇමෙරිකා හමුදාවේ ඉදිරි වැඩපිළිවෙළ ගැන එරට හමුදා ප්රධානීන් සමඟ පෙන්ටගනයේදී (ඇමෙරිකා යුද දෙපාර්තමේන්තුවේදී) සාකච්ඡා කිරීමෙන් අනතුරුවය.
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
සීඝ්රයෙන් පරිවර්තනය වෙමින් පවතින ශ්රී ලංකාවේ සෞඛ්ය සේවා ක්ෂේත්රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P
ඇෆ්ගන් දේශසීමාව අසල ඉරානය යුද අභ්යාසයක්