සිය මිත්තනියගේ ගෙය බිද මුදල් සොරකම් කිරීමට ගිය මුණුබුරෙකු ගැන ඇමරිකාවේ ඇල්බකර්කි නගරයෙන් වාර්තා වේ.

රූපවාහිනිය නරඹමින් සිට ඇති මිත්තනිය නිවසෙන් කිසියම් ශබ්දයක් ඇසී විපරම් කර බලන විටදී

නිවසට ඇතුළු වී සිටි සොරා දැක ඇත.සොරාගේ ඇදුමේ ඇයට හුරුපුරුදු බවක් විය.තමන් මීට සති කිහිපයකට පෙර සිය ආදරණිය මුණුබුරු තෝමස්ට තෑගි දුන්නේ මෙවැනිම ඇදුමක් නේදැයි ඇයට සිහි විණි.

වැඩිදුර විපරම් කිරීමට යාමේදී සොරා ඇය දැක පළා යන්නේ ඇයද පෙරළාගෙනය.බිමට වැටුණු මුහුණ බැද සිටි රෙදි කැබැල්ලද යළි පැළද ගැනීමට සොරාට අමතකය.මිත්තනියට දැන් සොරා කවුරුන්දැයි කිසිදු සැකයක් නැත.වහා පොලිසිය කැදවන ඇය සිය නිවස බිද ඇති බවත් තමන්ට සිය මුණුබුරා සැක බවත් නිළධාරීන් හමුවේ පවසන්නීය.

ඇයගෙන් ලත් තොරතුරු අනුව සිය දෙමව්පියන්ගේ නිවසේ සැගැව සිටි තෝමස්ව අත්අඩංගුවට ගැනීමට

පොලිසිය සමත් වන්නේය.ඔහුගෙන් කළ ප‍්‍රශ්න කිරීම් වලදී සිය මිතුරන්ගේ බලපෑම නිසා මිත්තනියගෙන් මුදල් සොරකම් කිරීමට පෙළැඹුණු බව තෝමස් පවසා ඇත.නිවෙසකට අනවසරයෙන් ඇතුල්වීම හා සොරකම් කිරීමට තැත් කිරීම යන චෝදනා යටතේ තෝමස්ට එරෙහිව නඩු පැවැරීමට පොලිසිය සූදානම් වේ.තෝමස්ට සිය මිත්තනියගෙනුත් කිසිදු බුරුලක් නොලැබෙන පාටය.