2025 ඔක්තෝබර් මස 27 වන සඳුදා
ධුරයෙන් සමු ගැනීමට සූදානමින් සිටින ඇමෙරිකන් ජනාධිපති ජෝ බයිඩන්, සිය පුතු හන්ටර් බයිඩන්ට ජනපති සමාව ලබා දී ඇත.
බයිඩන්, සිය බලතල භාවිතයට ගනිමින්, පුතු බයිඩන්ට සමාව දීම කිසිසේත් අනුමත කළ නොහැකි යැයි ප්‍රතිවාදී රිපබ්ලිකන්වරු චා්දනා නගති.
54 හන්ටර් බයිඩන්ට බරපතල චෝදනා දෙකක් එල්ල වී ඇති අතර, අධිකරණය හමුවේ එම චෝදනා දෙකටම ඔහු වරදකරු වී සිටී. පියා ජෝ බයිඩන්, පුතු හන්ටර්ට ජනාධිපති සමාව දුන්නේ, හන්ටර් බයිඩන්ට දඬුවම් නියම කිරීමට සූදානම් වෙද්දීය.
තමන්ගේ තීරණය සම්බන්ධයෙන්, ජෝ බයිඩන් මාධ්‍ය හමුවේ පැහැදිලි කර ඇත්තේ, තම පුතාට අසාධාරණ අයුරින් චෝදනා එල්ල වූ බවත්, එම චෝදනා හමුවේ ඔහු හුදෙකලා වීම සැලකිල්ලට ගනිමින් ඔහුට සමාව දීමට තීරණය කළ බවත්ය.
හන්ටර් බයිඩන් ඇමෙරිකන් නීතීඥවරයකු මෙන්ම ව්‍යාපාරිකයකු ද වෙයි. කලක් ඔහු මත්ද්‍රව්‍යවලට ඇබ්බැහි වී සිටියේය. එම කාලයේ ඒ බව වසං කරමින්, හන්ටර් බයිඩන් ගිනි අවියක් මිලදී ගෙන එය ළඟ ගෙන සිටියේය. මෙය බරපතල වරදකි. මේ සම්බන්ධයෙන් හන්ටර් බයිඩන් අධිකරණය හමුවේ වරදකරු විය. ඊට අමතරව, බදු වංචා සිද්ධියක් සම්බන්ධයෙන් ද හන්ටර් බයිඩන්ට චෝදනා එල්ල වී තිබුණු අතර, ඔහු එම චෝදනා සම්බන්ධයෙන් ද වරදකරු විය.
බැරැක් ඔබාමා ඇමෙරිකාවේ ජනාධිපති ධුරය හොබවද්දී, බයිඩන් ඔහුගේ උප ජනාධිපති ලෙස කටයුතු කළේය. එම කාලයේ පියාගේ බලතල අනුව යමින්, යුක්රේනය සමඟ ආන්දෝලනාත්මක ගනුදෙනු රැසක් කළේ යැයි ද හන්ටර් බයිඩන්ට චෝදනා එල්ල වී ඇත.
(ඒ.එෆ්.පී.)
2025 ඔක්තෝබර් මස 08
1475
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1320
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
2025 සැප්තැම්බර් මස 23
474
0
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන
බයිඩන් පුතුට සමාව දෙයි
කසුන් Monday, 02 December 2024 09:30 AM
අපෙත් ඉන්නවා මිනී මරලා, කලුසල්ලි සුදු කරලා, රොකට් යවලා රටේ සල්ලි නාස්ති කරලා දාපු නසරානි පුත්නාම්බො ටිකට සමාව දීලා, නිදොස් කොට නිදහස් කරපු ජනාධිපති තාත්තෙක්. බයිඩන් සීයෙ, ඔයා තනි නෑ.
Bunny Preena Monday, 02 December 2024 09:39 AM
ගෝලීය දේශපාලනය දිහා බලපුවාම මුළු ලෝකයම දේශපාලකයෝ ගැන හොඳටම පැහැදිලිවන එක දෙයක් තමයි ඔක්කොම එකම වල්ලෙ පොල් කියන එක...
Nimal Monday, 02 December 2024 10:49 AM
සුද්දෝ තමයි හෙණ සුද්දවන්තයෝ කියන අපේ අය දැන් කෝ?
පැරකුම් Monday, 02 December 2024 11:36 AM
අපි හිතුවේ අමෙරිකාවේ මෙහෙම වෙන්නේ නෑ කියලානේ. දැන් බැලුවාම අපට වඩා හපන්. අපේ අලුත් ජනාධිපතිතුමා මේවා ආදර්ශයට ගන්න නම් එපා...!
fairoos Monday, 02 December 2024 12:24 PM
බලනකොට ලංකාවේ වගේමනේ...!
පිටරටවැසියා Monday, 02 December 2024 01:04 PM
සුද්දා වුණත් මෛත්‍රී වගේ ජේෂ්ටයින්ගේ පූර්වාදර්ශයන් අනුකරණය කරනවා.
ජෝන් බණ්ඩා Monday, 02 December 2024 01:29 PM
ඇමරිකාවේ,..... ඇමරිකාවේ........ අපේ රටේ එහෙම වෙන්නේ නෑ..
Kumar Monday, 02 December 2024 10:19 PM
Biden හෙළා දකින ඔබ සියලු දෙනා වැරදියි. ට්‍රම්ප් සිය කාර්ය මණ්ඩල මිතුරන් ඇතුළු සිය ගණනකට සමාව දුන්නේ කාර්යාලයෙන් පිටවීමට දින කිහිපයකට පෙර, ඕනෑම නින්දිත ක්‍රියාවක් හෙළිදරව් වීමට පෙරය. වැරදිකරුවෙකු තෝරා පත් කර ගන්නා ලෝකයේ එකම රට.
Kumar Tuesday, 03 December 2024 05:50 AM
ට්‍රම්ප් ට කලින් චන්දය පරාද වී ජනාධිපතිකමෙන් යන්න කලින් තමන්ගෙ පන්දම්කාරයින්ට වරදක් නොකර පොදු සමාවක් දුන්නා.ජනවාරි 6 කැරලිකරුවන්ට සමාව දෙන්න සූදානම. ඛයිඩන්ගෙ තම දරුවට සමාව දෙන එක එතරම් ලොකු දෙයක් නොවේ
රුවන් Tuesday, 03 December 2024 04:34 PM
රාජපක්ෂ පරම්පරාවේ ඥාතිකමක් තියෙනවා ද මන්දා?