එසැණ පුවත්

කම්කරු උපදේශක සභාව නව පනතට එරෙහි වෙයි

කම්කරු නීති රීති එකම නීතියක් යටතට ගෙන ඒම සඳහා කම්කරු දෙපාර්තමේන්තුව ගෙන ඇති තීරණය යටතේ ඉදිරිපත් කර ඇති යෝජනාවලියට ජාතික කම්කරු උපදේශක සභාව නියෝජනය කරන වැඩකරන ජනතාවගේ වෘත්තිය සමිතිවල දැඩි විරෝධය එල්ල වී ඇත.

10 July 2019

කුණු කන්ටේනර් ආපහු යවන්න නියෝග

එංගලන්තයේ සිට මෙරටට නීතිවිරෝධීව ගෙන්වන ලදැයි කියන කුණු කන්ටේනර් 98 වහා ආපසු යවන්නට පියවර ගන්නැයි මධ්‍යම පරිසර අධිකාරිය ශ්‍රී ලංකා රේගුවට උපදෙස් දී ඇත.

10 July 2019

‘පොහොට්ටුවේ ජනපති අපේක්ෂකයා නම් කිරීමේ බලය මට තියනවා’

ශ්‍රී ලංකා පොදුජන පෙරමුණේ ජනාධිපතිවරණ අපේක්‍ෂකයා නම් කිරීමේ බලය ඒකාබද්ධ විපක්‍ෂයේ පක්‍ෂ නායකයන් විසින් තමන්ට පවරා ඇතැයි විපක්‍ෂනායක මහින්ද රාජපක්‍ෂ මහතා අද (10) පැවසීය.

10 July 2019

ගුරුකන්ද කෝවිල ගැන දුන් තීන්දුව තාවකාලිකව අත්හිටුවයි

මුලතිව් ගුරුකන්ද පුරාණ රජමහා විහාරයේ පිහිටි කෝවිල වෙනුවෙන් මුලතිව් මහෙස්ත්‍රාත් අධිකරණයෙන් ලබා දුන් තීන්දුව බලරහිත කරමින් අද (10) වවුනියාව මහාධිකරණ විනිසුරු ආර්.කන්නන් මහතා විසින් එම තීන්දුව තාවකාලිකව අත්හිටුවන ලදී.

10 July 2019

යුරෝපා සංගමයේ ප්‍රතිත්‍රස්ත සම්බන්ධීකාරකවරයා හෙට දිවයිනට

යුරෝපා සංගමයේ ප්‍රතිත්‍රස්ත සම්බන්ධීකාරක ජිල් ද කාකොව් මහතා හෙට (11) මෙරටට පැමිණීමට නියමිතය.

10 July 2019

ඝාතන කොන්ත්‍රාත්තුවේ සැකකාරිය රිමාන්ඩ්: සැකකරුට ඇප

රුපියල් විසි ලක්ෂයක කොන්ත්‍රාත්තුවකට උණවටුන ප්‍රදේශයේ කාන්තාවක් ඝාතනය කිරිම සඳහා සැළසුම් කිරිමේ සිද්ධිය සම්බන්ධයෙන් රිමාන්ඩ් බන්ධනාගාර ගත කරසිටි සැකකරු සහ සැකකාරිය අධිකරණයට ඉදිරිපත් කළ අවස්ථාවේ සැකකාරිය තව දුරටත් 24 දක්වා රිමාන්ඩ් බන්ධනාගාර ගත කිරිමටත් ගාල්ල අතිරේක මහේස්ත්‍රාත් පවිත්‍රා සංජිවනි පතිරණ මහත්මිය අද (10) නියෝග කළාය.

10 July 2019

මුස්ලිම් කාන්තා ඡායාරූප සහිත දුරකථන 2ක් සොයාගනී

පාස්කු ඉරිදා ත‍්‍රස්ත‍්‍ර ප‍්‍රහාරය එල්ලකළ සහරාන්ගේ බිරිඳ දුරකතන දෙකක් කඩා විසිකර දැමූ බව කියන ස්ථානයට කිලෝමීටර් තුනක පමණ දුරකින් දිවුලපිටිය මීරිගම මාර්ගයේ පොත්තෙවෙල ප‍්‍රදේශයේ බෝක්කුවක් අසළ සැකකටයුතු පාර්සලයක තිබී මුස්ලිම් කාන්තාවන්ගේ ඡායාරූප ඇතුළත් නවීන ජංගම දුරකථන 2ක් අද(10) සොයාගත් බව පල්ලෙවෙල පොලිසිය කියයි.

10 July 2019

ජාතික පාසලේ සේවය වසර 3ක් නම් දරුවනුත් එම පාසලටම

තමා සේවය කරන ජාතික පාසලේ වසර තුනකට වඩා වැඩි කාලයක් සේවය සම්පූර්ණ කර ඇති ගුරුවරුන්ට එම පාසලටම සිය දරුවන් ඇතුළත් කර ගැනීමට අවස්ථාව ලබාදීමට අධ්‍යාපන අමාත්‍යාංශය තීරණය කර තිබේ.

10 July 2019

ඇමැති සජිත් එක්ක සිනමා කර්මාන්තය ගැන සාකච්ඡා නවතී

අමාත්‍ය සජිත් ප්‍රේමදාස මහතාගේ මූලිකත්වයෙන් සිනමා කර්මාන්තය සම්බන්ධයෙන් ඇති වූ සාකච්ඡා මේ වනවිට අනපේක්ෂිත ලෙස නැවතී තිබේ.

10 July 2019

සන්ධ්‍යා එක්නැළිගොඩ ගොනු කළ පෙත්සමට අදාල කරුණු දැක්වීමට නීතිපතිට කල් දෙයි

සිර දඬුවම් විදිමින් සිටියදී ගලගොඩ අත්තේ ඥානසාර හිමියන් ජනාධිපති සමාව යටතේ මුදා හැරීමට ජනාධිපතිවරයා ගත් තීරණය තුළින් සිය මූලික අයිතීන් කඩ වන බව සඳහන් කරමින් අතුරුදන්ව සිටින මාධ්‍යවේදී ප්‍රගීත් එක්නැලිගොඩ මහතාගේ බිරිඳ ගොනු කළ අයිතිවාසිකම් පෙත්සමට අදාලව උපදෙස් ලබාගෙන කරුණු දැක්වීමට ශ්‍රේෂ්ඨාධිකරණය අද (10) නීතිපතිවරයාට කල් ලබා දුන්නේය.

10 July 2019

‘කසළ’ මාතර පොළ වහයි

කසළ ප්‍රශ්නය හේතුවෙන් අද (10) මාතර මහජන පොළ වසා දැමීමට මාතර මහ නගර සභාව පියවරගැනීම හේතුවෙන් තමන් විවිධ දුෂ්කරතාවයන්ට මුහුණ දී ඇති බව වෙළෙන්දෝ සහ පාරිභෝගික ජනතාව පවසති.

10 July 2019

රුහුණු සරසවියේ වැල්ලමඩම පරිශ්‍රය වසා දමයි

රුහුණ විශ්වවිද්‍යාලයේ ඇති වී තිබෙන නොසන්සුන්කාරී තත්ත්වය හේතුවෙන් එහි වැල්ලමඩම පරිශ්‍රය දින නියමයක් නොමැතිව වසා දැමීමට අද (10) තීරණය කළ බව එම විශ්වවිද්‍යාලයේ උපකුලපති ජ්‍යෙෂ්ඨ මහාචාර්ය සුජීව අමරසේන මහතා පැවසීය.

10 July 2019

රත්නපුර නගරය වීඩියෝ කළ දෙදෙනා ගැන විමර්ශන

රත්නපුර නගරය සහ රත්නපුර ප‍්‍රධාන බස් නැවතුම් පොළ වීඩියෝ ගත කරද්දී අත්අඩංගුවට පත් මුස්ලිම් ජාතිකයන් දෙදෙනා එසේ කිරිම සම්බන්ධයෙන් විශ්වාස කළ හැකි කරුණු ඉදිරිපත් නොකළ නිසා ඒ ගැන වැඩිදුර විමර්ශන කටයුතු සිදුකරන බව රත්නපුර පොලීසිය පවසයි.

10 July 2019

ආරක්ෂිත කැමරා පද්ධතිය ගඟට වීසි කළ සැකකරු අත්අඩංගුවට

ගිංතොට මහා විදුහලේ ආරක්ෂිත කැමරා පද්ධතිය සොරකම් කොට ගිංතොට පාලමෙන් ගඟට දමා ඇති සැකකරුවෙකු අත් අඩංගුවට ගත් බව ගාල්ල පොලිසිය පවසයි.

10 July 2019

අඩු ආදායම් ලාභීන්ට දෙන්න හැදූ ගෙවල් වලින් 22 ක් හිතවතුන්ට දීලා

කොළඹ මහනගර සභාව රුපියල් ලක්ෂ 2000 ක වියදමින් දරා 2016 වසරේ ඉදිකරන ලද පැරඩයිස් නිවාස යෝජනා ක්‍රමයට අයත් (ඩෝබි වත්ත) නිවාස 64 ක් අතරින් 42 ක් එම අඩු ආදායම් ලාභී පවුල් අතර බෙදා දී ඉතිරි නිවාස 22 නාගරික මන්ත්‍රීවරුන් විසින් තම හිතවතුන්ට ලබාදී ඇති බවට පැමිණිලි ලැබී ඇතැයි කොළඹ මහනගර සභා ආරංචි මාර්ග අනාවරණය කරයි.

10 July 2019

‘මේ ආණ්ඩුවට තව දුරටත් වගකීම දැරීමේ අයිතියක් නෑ‘

පාස්කු ඉරිදා ප්‍රහාරය වළක්වා ගැනීමට නොහැකි වූ ආණ්ඩුවට තව දුරටත් රට හා ජනතාව පිළිබඳ වගකීම් ඉසිලීමේ අයිතියක් නැතැයි ජනතා විමුක්ති පෙරමුණු මන්ත්‍රී අනුර කුමාර දිසානායක මහතා පාර්ලිමේන්තුවේදී අද (10) පැවසීය.

10 July 2019

ආණ්ඩුවට එරෙහි විශ්වාසභංග විවාදය ඇරඹෙයි

ජනතා විමුක්ති පෙරමුණ විසින් ආණ්ඩුවට එරෙහිව ඉදිරිපත් කර ඇති විශ්වාසභංග යෝජනාව පිළිබඳ විවාදය පාර්ලිමේන්තුවේදී මීට මොහොතකට පෙර ඇරඹිණි.

10 July 2019

අම්පාරෙන් කොළඹට ගෙන ආ ඇමෝනියා ගැන පුළුල් විමර්ශනයක්

අම්පාරේ සිට කොළඹ බලා රාත‍්‍රී කාලයේ එමින් තිබූ පෞද්ගලික බස් රථයක පිටුපස ඩිකිය කොටසේ තිබී හමුවූ ඇමෝනියා කිලෝ 150 ක තොගය කාගේ උවමනාවක් මත ගෙනෙන ලද්දැක් ද යන්න පිළිබඳව සොයා ගැනීම සඳහා පුළුල් විමර්ශනයක් අරඹා ඇති බව රත්නපුර පොලීසිය පවසයි.

10 July 2019

බඩගින්නේ ඉන්න බැරිව දුම්රියට පනින්න හැදූ මවත් දුවත් බේරා ගැනෙති

සැමියා හැර යාම නිසා දින ගණනාවක් තිස්සේ ආහාරක් නොමැතිව කුසගින්නේ සිටි මවක සහ ඇගේ දියණියක දුම්රියට පැන දිවි නසා ගැනීමට සූදානම් වූ අවස්ථාවේ ඔවුන් බේරා ගැනීමට හැකි වූ බව ගල්ගමුව පොලිස් ස්ථානයේ ප්‍රජා පොලිස් ඒකකය පවසයි.

10 July 2019

ඇප දුන්නාට එරෙහිව නීතිපතිගෙන් ඇපෑලක්

පාස්කු ඉරිදා බෝම්බ ප්‍රහාරය වළක්වා ගැනීමට හෝ එම ප්‍රහාරයේ බලපෑම අඩුකර ගැනීමට ක්‍රියා නොකිරීම සම්බන්ධයෙන් සැකපිට අත්අඩංගුවට ගෙන රිමාන්ඩ් බාරයට පත් කරනු ලැබ සිටි හිටපු ආරක්‍ෂක ලේකම් හේමසිරි ප්‍රනාන්දු සහ අනිවාර්ය නිවාඩු ගන්වා සිටින පොලිස්පති පූජිත් ජයසුන්දර යන මහත්වරුන්ට ඇප නියම කරමින් කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය දුන් නියෝගයට එරෙහිව අභියාචනයක් ඉදිරිපත් කිරීමට නීතිපතිවරයා තීරණය කර ඇතැයි නීතිපති දෙපාර්තමේන්තුව සඳහන් කරයි.

10 July 2019

ලක්ෂ 30 ක ගජමුතු සමඟ පුද්ගලයෙක් අත්අඩංගුවට

රුපියල් ලක්ෂ 30 කට විකිණීමට සැලසුම් කළ ගජමුතු දෙකක් සමඟ සැකකරුවකු අද (10) අලුයම වවුනියාව නෙඩුන්කුලම් ප්‍රදේශයේ දී අත්අඩංගුවට ගත් බවට වව්නියාව පොලිස් නොවිසුඳුණු අපරාධ විමර්ශන ඒකකය පවසයි.

10 July 2019

බෝම්බ සිද්ධියට සම්බන්ධ නැති පිරිස් නිදහස් කරන්නැයි මුස්ලිම් මන්ත්‍රීවරු ජනපතිගෙන් ඉල්ලති

මුස්ලිම් පාර්ලිමේන්තු මන්ත්‍රීවරුන් පිරිසක් පෙරේදා (08) ජනාධිපති මෛත්‍රීපාල සිරිසේන මහතා හමුවී විශේෂ සාකච්ඡාවක් පවත්වා තිබේ.

09 July 2019

‘දේශගුණ විපර්යාසවලින් නිදහස් වන ආකාරයත් සිතිය යුතුයි’

දේශපාලන හා ආර්ථික නිදහස ළඟා කරගන්නාක් මෙන්ම අනාගතයේදී දේශගුණික විපර්යාසවලින් නිදහස් වන ආකාරයත් සිතිය යුතු බව යැයි මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.

09 July 2019

‘‘දැනට එජාපයේ ඉන්න සාමාජිකයෙක් ජනපතිවරණයට ඉදිරිපත් කරනවා‘‘

දැනට ජාතික දේශපාලනයේ සිටින එක්සත් ජාතික පක්ෂයේ සාමාජිකයකු ජනාධිපතිවරණයට ඉදිරිපත් කරන බව රාජ්‍ය ආරක්ෂක අමාත්‍ය රුවන් විජයවර්ධන මහතා අද (9) කොළඹදී පැවැසීය.

09 July 2019

ඉල්ලා අස් නොවැන්නැයි අගමැති මහින්ද දේශප්‍රියගෙන් ඉල්ලයි

ඉදිරියේදී මැතිවරණ කීපයක් පැවැත්වීමට නියමිතව ඇති හෙයින් ඉල්ලා අස් වීමට නොසිතන්නැයි අග්‍රාමාත්‍ය රනිල් වික්‍රමසිංහ මහතා මැතිවරණ කොමිසමේ සභාපති මහින්ද දේශප්‍රිය මහතාගෙන් අද (09) ඉල්ලීමක් කර තිබේ.

09 July 2019

කැවුමාට අයත් දේපල මුදා හරින්නැයි කළ ඉල්ලීම විසිවෙයි

කෝටි පන්සියයේ දියමන්ති කොල්ලයේ ප්‍රධාන සැකකරු වන කැලුම් ඉන්දික සම්පත් නොහොත් කැවුමා ට එරෙහිව මහර මහේස්ත්‍රාත් අධිකරණයේ පවතින නඩුවට අදාල නඩු භාණ්ඩ ලෙස ඉදිරිපත් කළ දේපල සැකකරුහට මුදා හරින ලෙස විත්තිය විසින් පසු ගිය නඩු වාරයේ දී කළ ඉල්ලීම මහර ප්‍රධාන මහේස්ත්‍රාත් හේශාන්ත ද මැල් මහතා අද (09) වැනිදා ප්‍රතික්ෂේප කළේය.

09 July 2019

ලංවීම තෙල් සංස්ථාවට කෝටි 8000 ක් ණයයි

විදුලිය ජනනය කිරීම සඳහා ඉන්ධන ලබාගැනීම වෙනුවෙන් ලංකා විදුලිබල මණ්ඩලය රුපියල් කෝටි 8000 ක් ලංකා ඛණිජ තෙල් නීතිගත සංස්ථාවට ණය වී තිබේ.

09 July 2019

රතන හිමියෝ - ආනන්ද අලුත්ගමගේ සන්ධාන මන්ත‍්‍රී කණ්ඩායම් රැස්වීමේදී ගැටෙති

විපක්‍ෂනායක මහින්ද රාජපක්‍ෂ මහතාගේ ප‍්‍රධානත්වයෙන් අද (09) පැවැති එක්සත් ජනතා නිදහස් සන්ධාන පාර්ලිමේන්තු මන්ත‍්‍රී කණ්ඩායම් රැස්වීමේදී පාර්ලිමේන්තු මන්ත‍්‍රී අතුරලියේ රතන හිමියෝ සහ මහනුවර දිස්ත‍්‍රික් පාර්ලිමේන්තු මන්ත‍්‍රී ආනන්ද අලුත්ගමගේ මන්ත‍්‍රීවරයා අතර උණුසුම් කතාබහක් ඇතිවූ බව දේශපාලන ආරංචි මාර්ග සඳහන් කරයි.

09 July 2019