එසැණ පුවත්

ප‍්‍රතිසංස්කරණයෙන් පසු කටුවාපිටිය දේවස්ථානය 21 වැනිදා විවෘත වෙයි

පාස්කු ඉරිදා ත‍්‍රස්ත ප‍්‍රහාරයට ලක්වූ කටුවාපිටිය දේවස්ථානය ප‍්‍රතිසංස්කරණයෙන් පසු ලබන 21 වැනිදා යළි විවෘත කරන බව ඇන්තනී ජයකොඩි කොළඹ සහයක රදගුරුතුමෝ අද (17) පැවසූහ.

17 July 2019

මහා සංඝරත්නය විවේචනය නොකරන්නැයි අගමැතිගෙන් රන්ජන්ට අවවාද

මහා සංඝරත්නය සම්බන්ධයෙන් කිසිඳු විවේචනයක් සිදු නොකරන ලෙසට අග‍්‍රාමාත්‍ය රනිල් වික‍්‍රමසිංහ මහතා තමන්ට අවවාද කළ බව මහා මාර්ග හා මාර්ග සංවර්ධන රාජ්‍ය අමාත්‍ය රන්ජන් රාමනායක මහතා පැවැසීය.

17 July 2019

සාෆි ගැන පරීක්ෂණයක් කරන්නැයි පොලිස් විශේෂ විමර්ශන ඒකකයට දන්වයි

කුරුණෑගල මහ රෝහලේ වෛද්‍ය මොහොමඩ් සාෆි සම්බන්ධයෙන් පරීක්ෂණ මණ්ඩලයක් පත්කර නිසි අයුරින් පරීක්ෂණයක් පවත්වන ලෙස වැඩ බලන පොලිස්පති සී.ඩී.වික්‍රමරත්න මහතා පොලිස් විශේෂ විමර්ශන ඒකකයට ලිඛිතව දන්වා ඇතැයි උසස් පොලිස් නිලධාරියෙක් පැවැසීය.

17 July 2019

වෛද්‍ය සංගමයේ ලේකම්ගෙන් පොලිස්පතිට පැමිණිල්ලක්

රජයේ වෛද්‍ය නිලධාරීන්ගේ සංසදයේ සභාපති වෛද්‍ය රුක්ෂාන් බෙල්ලන මහතා රජයේ වෛද්‍ය නිලධාරීන්ගේ සංගමයේ සහකාර ලේකම් වෛද්‍ය නවීන් සොයිසා මහතාට මරණීය තර්ජන එල්ල කර ඇති බවට රජයේ වෛද්‍ය නිලධාරීන්ගේ සංගමයේ ප්‍රධාන ලේකම් වෛද්‍ය හරිත අලුත්ගේ මහතා පොලිස්පතිවරයාට අද (17) පැමිණිල්ලක් ඉදිරිපත් කළේය.

17 July 2019

පාස්කු ප‍්‍රහාරයෙන් විපතට පත්වූවන්ට සහන සැලසීම සඳහා කෝටි 40ක්

පාස්කු ඉරිදා ප‍්‍රහාරය සම්බන්ධයෙන් විපතට පත් ජනතාවට සහන සැලසීම වෙනුවෙන් මේ වනවිට රුපියල් කෝටි 40ක පමණ මුදලක් ලැබී ඇතැයි ඇන්තනී ජයකොඩි කොළඹ සහයක රදගුරුතුමෝ අද (17) පැවසූහ.

17 July 2019

පාස්කු ප‍්‍රහාරය ගැන හොයන්න ස්වාධීන පරීක්ෂණ මණ්ඩලයක් පත් කරන්න

පාස්කු ඉරිදා ප‍්‍රහාරය සම්බන්ධයෙන් සොයා බැලීම සඳහා ස්වාධීන පරීක්ෂණ මණ්ඩලයක් පත් කරන්නැයි රජයෙන් ඉල්ලා සිටින බව ඇන්තනී ජයකොඩි කොළඹ සහයක රදගුරුතුමෝ අද (17) පැවසූහ.

17 July 2019

‘‘නැගෙනහිර පවතින්නේ වෙනම රජයක්‘‘

නැගෙනහිර පළාතේ පොලිසියේ ක්‍රියාකාරකම් දෙස බලනවිට බියගුළු තත්ත්වයක් නිර්මාණය වෙමින් පවතින බවත් පෙනෙන්නට ඇතැයිද එහි පවතින්නේ වෙනම රාජ්‍යයක් යැයිද බොදු බල සේනා සංවිධානයේ මහ ලේකම් ගලගොඩ අත්තේ ඥානසාර හිමියෝ අද (17) පැවැසූහ.

17 July 2019

ලේඛන - ඩී.වී.ඩී. විත්ති පාර්ශවයට දෙන්නැයි නියෝග

හිටපු මුදල් අමාත්‍ය රවී කරුණානායක මහතා සහ පවුලේ ඥාතීන් පදිංචිව සිටින කොල්ලූපිටියේ ‘මොනෑක්’ නිවාස සංකීර්ණයේ නිවස පර්පචුවල් ටෙ‍්‍රෂරීස් සමාගමෙන් මුදල් ගෙවා රවී කරුණානායක මහතාගේ බිරිඳ සහ දියණිය අධ්‍යක්‍ෂධූර දරණ සමාගමට ලබා දුන් බව බැදුම්කර කොමිසම හමුවේ හෙළි කළ අනිකා විජේසූරිය මහත්මියගේ සහෝදරයාට තර්ජනය කළ බවට චෝදනා ලැබ සිටින විත්තිකාර ශනිල් නොත්තිකුමාර නමැත්තාට ලබාදිය යුතු ලේඛන හා ඞී.වී.ඞී. තැටි විත්ති පාර්ශවයට බාරදී අධිකරණයට වාර්තා කරන ලෙස කොළඹ මහාධි

17 July 2019

අන්තර් දීමනා මුදල ලබා නොදුන්නොත් වෘත්තිය ක්‍රියාමාර්ගයකට

2019 අයවැය තීරණයක් අනුව රජයේ සේවකයන් හට ලබා දෙන බව කී රුපියල් දෙදහස් පන්සීයක අන්තර් දීමනා මුදල ශ්‍රී ලංකා ගමනාගමන සේවකයන්ට ලබාදීමට මෙතෙක් කටයුතු කර නැතැයි ද ඒ සම්බන්ධයෙන් රජය පියවරක් නොගන්නේ නම් දැඩි වෘත්තිය ක්‍රියාමාර්ග ගැනීමට සිදුවන්නේ යැයි ද කියමින් සමස්ත ලංකා ප්‍රවාහන සේවක සංගමය ප්‍රවාහන ඇමැති අර්ජුන රණතුංග ඇමැතිවරයාට ලිපියක් යොමු කර ඇත.

17 July 2019

නීති විරෝධීව ඕස්ට්‍රේලියාවට ආවොත් රඳවා ගන්නවා

ශ්‍රී ලාංකික සරණාගතයින් නීති විරෝධීව ඕස්ට්‍රේලියාවට ඇතුළු වීම සම්බධයෙන් දැඩි පියවර අනුගමනය කරන බවත් එකී සංක්‍රමණිකයින් රඳවාගැනීමට ඕස්ට්‍රේලියානු රජය පියවර ගෙන තිබෙන බවත් ඕස්ට්‍රේලියානු මහ කොමසාරිස් ඩේවිඩ් හොලී මහතා උතුරු පළාත් ආණ්ඩුකාරවර සුරේන් රාඝවන් මහතා හමුවී ප්‍රකාශ කර තිබේ.

17 July 2019

මරණ දඬුවම අත්හිටුවන්නැයි ගොනු කළ පෙත්සමේ තීන්දුව කල්යයි

මත්ද්‍රව්‍ය චෝදනාවන්ට වරදකරු වී මරණ දඬුවම ලැබූවන් අතරින් හතර දෙනෙක්ට එම දඬුවම ක‍්‍රියාත්මත කිරීමට ජනාධිපති මෛත‍්‍රීපාල සිරිසේන මහතා ගෙන ඇති තීරණය අත්හිටුවමින් නියෝගයක් නිකුත් කරන මෙන් ඉල්ලා මාධ්‍යවේදී මාලින්ද සෙනෙවිරත්න මහතා විසින් ගොනු කර ඇති රිට් පෙත්සම විභාගයට ගන්නවාද නැද්ද යන්න පිළිබඳ තීන්දුව ප‍්‍රකාශ කිරීම ලබන ඔක්තෝබර් 31 වැනිදා තෙක් කල් තැබීමට අභියාචනාධිකරණය අද (17) තීන්දු කළේය.

17 July 2019

වයඹ පළාත් ආණ්ඩුකාරවරයා අභ්‍යාස පොත් අලෙවියට අත තබයි

වයඹ පළාත් ආණ්ඩුකාරවරයා පාසල් සිසුන්ට අභ්‍යාස පොත් අලෙවිකර වයඹ පළාතේ අධ්‍යාපන සංවර්ධන අරමුදලට මුදල් එකතුකර දෙන්නැයි පාසල් ප්‍රධානීන්ට නියෝග කර තිබේ.

17 July 2019

ඓතිහාසික දිව්ලාන වැවේ සොරොව්ව කඩා වතුර ගනිති

අම්පාර දිස්ත්‍රික්කයේ උහන ප්‍රාදේශීය ලේකම් කොට්ඨාසයේ පිහිටා තිබෙන වසර 200 කට වඩා පැරණි දිව්ලාන වැවේ ජලය පිට කිරීමේ දොරටුව නීති විරෝධීව කඩා නවගිරියාව වැවට ජලය නිකුත් කර ඇති බව ගොවීහු පවසති.

17 July 2019

‘‘දඟලන්නට ආවොත් පාන්පිටි සමාගම් දණ ගස්වනවා‘‘

පාන්පිටි මිල හිතුමතේ වැඩි කරමින් දඟලන්නට ආවොත් කිරිපිටි සමාගම් දණ ගැස්වූ ආකාරයෙන් පාන්පිටි සමාගම් ද දණ ගස්වන බව කර්මාන්ත හා වාණිජ කටයුතු, දිගුකාලීන අවතැන් වූවන් නැවත පදිංචි කිරීමේ, සමූපකාර සංවර්ධන, වෘත්තීය පුහුණු හා නිපුණතා සංවර්ධන වැඩ බලන අමාත්‍ය බුද්ධික පතිරණ මහතා පැවසීය.

17 July 2019

ගමනාගමන සේවකයින්ට උසස්වීම් - වැටුප් වර්ධක ප‍්‍රදානය කිරීම වළකාලමින් අතුරු නියෝගයක්

කළමනාකරණ සේවා දෙපාර්තමේන්තුවේ අනුමැතියක් නොමැතිව ලංකා ගමනාගමන මණ්ඩලයේ සේවකයින්ට උසස්වීම් හා වැටුප් වර්ධක ප‍්‍රදානය කිරීම වළක්වාලමින් ශ්‍රේෂ්ඨාධිකරණය අද (17) අතුරු නියෝගයක් නිකුත් කළේය.

17 July 2019

පාවෙන අවි ගබඩා සිද්ධියට ලොක්කන් දෙදෙනෙක් 19ට පෙර අත්අඩංගුවට ගැනීමට උපදෙස්

ලංකාව අවට මුහුදේ ‘පාවෙන අවි ගබඩාවක්’ පවත්වාගෙන යෑමේ සිද්ධියට අදාළව ජාතික පොලිස් කොමිසමේ ලේකම්වරයා සහ ආරක්‍ෂක අමාත්‍යංශයේ හිටපු ජ්‍යෙෂ්ඨ සහකාර ලේකම්වරිය ලබන 19 වැනිදාට පෙර වහාම අත්අඩංගුවට ගෙන අධිකරණයට ඉදිරිපත් කරන ලෙස නීතිපතිවරයා වැඩබලන පොලිස්පතිවරයාට අද (17) උපදෙස් ලබාදුන්නේය.

17 July 2019

රංජන්ට විරුද්ධව විනය පරීක්ෂණයක්

මහා සංඝරත්නයට අපහාස කිරිම සම්බන්ධයෙන් රාජ්‍ය අමාත්‍ය රන්ජන් රාමනායක මහතාට විරුද්ධ විනය පරික්ෂණයක් සිදුකිරිමට අගමැතිවරයා මෙවන විටත් ක්‍රියා කරමින් සිටින බව වාරිමාර්ග හා කෘෂිකර්ම අමාත්‍ය පි.හැරිසන් මහතා අද (17) අනුරාධපුරයේ දී පැවසීය.

17 July 2019

දකුණු අධිවේගයේ කහතුඩුව පිවිසුම තාවකාලිකව වහයි

දක්ෂිණ අධිවේගී මාර්ගයේ කහතුඩුව සහ කොට්ටාව අතර ප්‍රදේශයේදී, කොළඹ දෙසට ධාවනය වෙමින් තිබූ බවුසරයක් පෙරළීමෙන් කහතුඩුව පිවිසුම තාවකාලිකව වසා දමා තිබේ.

17 July 2019

‘පොහොට්ටුවේ පදයට නටන්න අපි සූදානම් නෑ’

ශ්‍රී ලංකා නිදහස් පක්‍ෂය හා ශ්‍රී ලංකා පොදුජන පෙරමුණ ඉදිරි මැතිවරණවලදී එක්ව කටයුතු කරන්නේ නම් ජනාධිපතිවරණ අපේක්‍ෂකයා නම් කළ යුත්තේ දෙපාර්ශවයේම එකඟත්වයෙන් බව ශ්‍රී ලංකා නිදහස් පක්‍ෂ මහලේකම්, පාර්ලිමේන්තු මන්ත්‍රී දයාසිරි ජයසේකර මහතා පැවසීය.

17 July 2019

දුම්රිය සේවකයෝ විරෝධතාවක

ආදේශක, අනියම්, තාවකාලික පදනමින් දුම්රිය දෙපාර්තමේන්තුවට බඳවා ගත් පිරිස ස්ථිර කරන ලෙස ඉල්ලා දුම්රිය සේවා වෘත්තීය සමිති ඒකාබද්ධ පෙරමුණෙහි සාමාජිකවරු අද(17) කොම්පඤ්ඤවීදිය දුම්රියපළ ඉදිරිපිටදී උද්ඝෝෂණයක් ආරම්භ කළහ.

17 July 2019

රත්ගම සිද්ධියේ සැකකරුවන්ගේ ඇප අයැදුම්පත් 22 දාට කල්යයි

රත්ගම පුද්ගලයින් දෙදෙනෙකු පැහැරගෙන ගොස් ඝාතනය කිරිම සම්බන්ධයෙන් රක්ෂිත බන්ධනාගාර ගත කර සිටින සැකකරුවන් 17 දෙනා ඉදිරිපත් කර තිබු ඇප අයදුම්පත් දකුණු පළාත් බද ගාල්ල මහාධිකරණ විනිසුරු ඩබ්ලිව්.පි.එස්. නිස්සංක මහතා හමුවේ අද (17) සළකා බැලීමට ගත් අවස්ථාවේ රජයේ නිතිඥවරිය පැමිණ නොසිටීමෙන් 22 දා දක්වා කල් තැබීය.

17 July 2019

‘කුණු කන්ටේනර් ගේන්න මග පෑදූ ගැසට්ටුව අහෝසි කරන්න’

මහත් ආන්දෝලනයට ලක්ව ඇති කුණු කන්ටේනර් ගෙන ඒම සඳහා මග පෑදූ 2013- -7-30 දිනැති අංක 1818-30 දරණ ගැසට් පත්‍රය අහෝසි කරන ලෙසත්, ඊට සම්බන්ධ ජාවාරම්කරුවන් රට හමුවේ අනාවරණය කර ඔවුන්ට දඩුවම් දෙන ලෙසත්, සමස්ත ලංකා රේගු සේවා සංගමයට ඉල්ලා සිටී.

17 July 2019

මාවනැල්ල ප්‍රා. සබේ ගාලගෝට්ටියක්

මාවනැල්ල ප‍්‍රාදේශීය සභාවේ මන්ත‍්‍රීවරුන් අතර උද්ගත වූ උණුසුම් තත්වයක් හේතුවෙන් අද(17) එහි විශේෂ සභා කටයුතු පැය භාගයකට සීමා කිරීමට සභාපති එක්සත් ජාතික පක්ෂයේ අනුර චන්දන ජයවන්දල මහතා කටයුතු කළේය.

17 July 2019

කංජිපානි ගැන කරුණු දක්වන්න සීසීඩීයට 19දා උසාවි එන්නැයි නොතීසි

රැඳවුම් නියෝග මත රඳවා සිටින පාතාල සාමාජිකයකු වූ කංජිපානි ඉම්රාන් නමැත්තා සම්බන්ධයෙන් අධිකරණයට ඉදිරිපත් කර ඇති කරුණු දෝෂ සහගත බවට කළ ඉල්ලීමක් අනුව කරුණු ඉදිරිපත් කිරීමට කොළඹ අපරාධ කොට්ඨාසයට ජූලි 19 වැනිදා අධිකරණයේ පෙනී සිටින ලෙස කොළඹ අතිරේක මහේස්ත්‍රාත් කාංචනා නේරංජනා ද සිල්වා මහත්මිය අද (17) නොතීසි නිකුත් කළා ය.

17 July 2019

බේකරි නිෂ්පාදන මිල එලෙසම

බනිස්, මාලුපාන් ඇතුළු සෙසු බේකරි නිෂ්පාදනවල මිල වැඩි නොකිරිමට සංගමය තීරණය කළ බවද සභාපති එන්.කේ.ජයවර්ධන මහතා පැවසීය.

17 July 2019

රවීන්ද්‍ර විජේගුණවර්ධනගේ නඩුව ඔක්තෝබර් 9ට කල්යයි

පුද්ගලයන් 11දෙනෙකු පැහැරගැනීමේ සිද්ධියකට වරෙන්තු ලැබ සිටි නේවි සම්පත් නැමැත්තාට රටින් පලායාමට සහ සැඟවී සිටීමට ආධාර අනුබල දුන්නැයි කියන සිද්ධියට අදාළ සැකකාර ආරක්ෂක මාණ්ඩලික ප්‍රධානී රවීන්ද්‍ර විජේගුණවර්ධන මහතා සම්බන්ධ නඩුව ලබන ඔක්තෝබර් 9 වැනිදා තෙක් කල් තැබීමට කොළඹ කොටුව මහේස්ත්‍රාත් රංග දිසානායක මහතා අද(17) නියෝග කළේය.

17 July 2019

පොලිස් කොමිසමේ ලේකම්ගේ අපේක්ෂිත ඇප අයැදුම ප්‍රතික්ෂේප කරයි

ඇවන්ට්ගාඩ් පාවෙන අවි ගබඩා සිද්ධිය සම්බන්ධයෙන් තමා අත්අඩංගුවට ගැනීම වළක්වන ලෙස ජාතික පොලිස් කොමිසමේ ලේකම් සමන් දිසානායක මහතා ඉල්ලා තිබූ අපේක්ෂිත ඇප අයැදුම ප්‍රතික්ෂේප කිරීමට කොළඹ කොටුව මහෙස්ත්‍රාත් රංග දිසානායක මහතා අද (17) නියෝග කළේය.

17 July 2019

දරුවන් 10ගෙන් එක් අයෙකුට මරණාසන්න රෝගවලට දෙන එන්නත් ලැබී නෑ

දරුවන් දස දෙනකුගෙන් එක් දරුවකුට වැඩි සංඛ්‍යාවක් නැතහොත් ලොව පුරා සිටින දරුවන්ගෙන් මිලියන 20කට පසුගිය වසරේදී මරණාසන්න රෝගවලට එරෙහිව ලබාදෙන එන්නත් ලැබී නැතැයි එක්සත් ජාතීන්ගේ ළමා අරමුදල සහ ලෝක සෞඛ්‍ය සංවිධානය සඳහන් කරයි.

16 July 2019