එසැණ පුවත්

රඛිතට හා චරිත්ට ඇප

සංවිධානාන්තමක අපරාධකරුවෙක් වන හරක් කටා නොහොත් නදුන් චින්තක යන අයට පහසුකම් ලබාදීමට රුපියල් කෝටි 12ක අල්ලස් ගැනීමේ චෝදනා යටතේ අත්අඩංගුවට ගෙන රක්ෂිත බන්ධනාගාර ගත කර සිටි හිටපු අධිකරණ අමාත්‍ය විජයදාස රාජපක්ෂ මහතාගේ පුත් නීතීඥ රඛිත රාජපක්ෂ, සමගි ජන බලවේගයේ හිටපු හොරණ ආසන සංවිධායක ලෙස කටයුතු කළ චරිත් අබේසිංහ සහ සිවිල් ගුවන්සේවා අධිකාරියේ හිටපු අධ්‍යක්ෂකවරයෙකු වන අරුණ හැන්නදිගේ යන තිදෙනාම ඇප මත මුදාහැරීමට කොළඹ ප්‍රධාන මහෙස්ත්‍රාත් අධිකරණය අද (28) නියෝග

28 July 2026

බොරතෙල් මිල තවදුරටත් පහළට

අමෙරිකා-ඉරාන ගැටුම තාවකාලිකව අත්හිටුවා ඇති පසුබිම හේතුවෙන් ලෝක තෙල් මිල 1% කට ආසන්න අගයකින් තවදුරටත් පහළ වැටී තිබේ. ඒ අනුව බ්‍රෙන්ට් බොරතෙල් බැරලයක මිල ඩොලර් 87.82 දක්වාත්, අමෙරිකා බොරතෙල් බැරලයක මිල ඩොලර් 81.95 දක්වාත් පහත බැස ඇත. ඇමෙරිකාව හා ඉරානය අතර පැවැති සටන් මේ වන විට දින තුනක කාලයක පටන් නවත්වා ඇත.

28 July 2026

පුත්තලමේ කඩොලාන වනාන්තර 8ක් රක්ෂිත කරයි

පුත්තලම දිස්ත්‍රික්කයේ පිහිටි කඩොලාන වනාන්තර පද්ධති 08ක් නව රක්ෂිත ලෙස ප්‍රකාශයට පත් කිරීම සඳහා වන ගැසට් පත්‍රයට පරිසර අමාත්‍ය වෛද්‍ය දම්මික පටබැඳි මහතාගේ ප්‍රධානත්වයෙන් ඊයේ (27) පරිසර අමාත්‍යාංශයේදී අත්සන් තැබීණි.

28 July 2026

ඉරානය සමග මිත්‍රශීලී සාකච්ඡා පැවැත්වෙනවා

ඉරානය ’’ඉතා මිත්‍රශීලී සාකච්ඡා සිදුවෙමින් පවතින’’ බව ඇමරිකානු ජනාධිපති ඩොනල්ඩ් ට්‍රම්ප් පවසයි. ඒ අනුව ඉරානය හා ඇමෙරිකාව අතර සටන් දින තුනක කාලයක පටන් නැවතී ඇත.

28 July 2026

රජයේ තීරණයට කාවඩි සංගමයේ විරෝධය

දෙවීනුවර ඇසල මංගල්‍යයේ 06 වැනි පේලි පෙරහර සදහා සියලුම කාවඩි කණ්ඩායම්වලට අවස්ථාව ලබා දීමට මහජන ආරක්ෂක අමාත්‍යවරයා ඇතුළු බලධාරීන් ගනු ලැබු තීරණයට කාවඩි සංසදයේ නියෝජිතයන් සිය විරෝධය පල කලේය.

28 July 2026

නීති පීඨයේ සිසුහු තිදෙනෙක් ලොවම ජය ගනිති

ලෝකයේ උසස්ම සහ ප්‍රමුඛතම ජාත්‍යන්තර අපරාධ නඩු විභාග තරගාවලිය වන ජර්මනියේ නියුරම්බර්ග් 14 වැනි යුධ අපරාධ උපකල්පනීය නඩු විභාග තරගාවලිය - 2026 ( 14 th Nuremberg Moot Court Competition - 2026) සදහා ශ්‍රී ලාංකාව නියෝජනය කරමින් සහභාගී වූ , කොළඹ විශ්ව විද්‍යාලයයේ , නීති පීඨයේ දෙවන වසර ශිෂ්‍ය කණ්ඩායම , එහි ශූරතාවය දිනා ගෙන අද අලුයම කටුනායක ගුවන් තොටුපොළ වෙත පැමිණියහ .

28 July 2026

මීගමුවේ සිද්ධියට සිරකරුවන් සිවු දෙනකු සැකකරුවන් කරයි

මීගමුව බන්ධනාගාරයේ ඇති වූ ගැටුම සම්බන්ධයෙන් සිරකරුවන් සිව් දෙනකු සැකකරුවන් ලෙස නම් කරන බව අපරාධ පරීක්ෂණ දෙපාර්තමේන්තුව අධිකරණයට දැනුම් දුන්නේය.

28 July 2026

රෝහල් පොලිසි‌යේ සැරයන්ට බේබද්දෙක් පහරදීලා

හොරණ මූලික රෝහලේ රෝහල් පොලිසියේ සේවයේ නියුතු පොලිස් සැරයන්වරයකුට පහරදී තුවාල සිදු කළ බව කියන පුද්ගලයකු අත්අඩංගුවට ගැනීම සඳහා විමර්ශන ආරම්භ කර ඇති බව හොරණ මූලස්ථාන පොලිසිය පවසයි.

28 July 2026

රාජකීය පුතා ඉංග්‍රීසි කථනයෙන් ලොවම දිනයි

එංගලන්තයේ පැවති 45 වැනි ජාත්‍යන්තර ඉංග්‍රීසි කතා කරන්නන්ගේ විවෘත කතික තරගාවලිය - 2026 ( English Speaking International Public Speaking Competition - 2026 ) සදහා ශ්‍රී ලංකාව නියෝජනය කරමින් සහභාගී වූ , කොළඹ රාජකීය විද්‍යාලයේ ඕමාර් හසාරි ශිෂ්‍යයා , එහි ලෝක ශූරතාවය දිනා ගෙන අද අලුයම කටුනායක ගුවන් තොටුපොළ වෙත පැමිණියේය .

28 July 2026

වරායේ ගැනට්‍රි දොඹකර ටෙන්ඩරය යළි කල් යයි

කොළඹ වරායේ ජය බහලුම් පර්යන්තයේ ස්ථාපිත කිලෝග්‍රෑම් ලක්‍ෂ 20 කට අධික බරකින් යුත් ‘ගැනට්‍රි දොඹකර’ හතරක් කපා ඉවත්කිරීමේ රුපියල් කෝටි 20කට අධික දැවැන්ත ටෙන්ඩරය ප්‍රදානය කිරීම තෙවැනි වරටත් කල්දැමීමෙන් ගැටලුකාරී තත්වයක් නිර්මාණය වී ඇතැයි ඉල්ලුම් කරුවෝ පවසති.

28 July 2026

දේශපාලන හැරවුම් ලක්ෂයක් අපි ගොඩනගන්න ඕනේ

’’අද ඔබ අපි විශ්වාස කරන්නේ මේ රටේ දේශපාලන හැරවුම් ලක්ෂයක් අපි ගොඩනගන්න ඕනේ කියලා. නව දේශපාලන බලවේගයක් අපි හදන්න ඕනේ කියලා. මේ අලුත් පරම්පරාවට ඔබින දේශපාලන ප්‍රතිපත්ති අපි ක්‍රියාත්මක කරන්න ඕනේ කියලා.’’යැයි ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසීය. ඔහු මේ බව ප්‍රකාශ ඊයේ (26දා) පාදුක්ක ප්‍රදේශයේ රැස්වීමක් අමතමිනි. මෙහිදී වැඩිදුරටත් අදහස් දැක්වූ නාමල් රාජපක්ෂ මහතා ,

27 July 2026

කොළඹ මහා සඟ සමුළුවෙන්

ශ්‍රී ලංකාවේ අණ්ඩුක්‍රම ව්‍යාවස්ථාව 20 වරක් සංශෝධනය වූ නිසා නව ව්‍යාවස්ථාවක් ඉදිරිපත්වීමට ඉඩඇති අතර එම නව ව්‍යවස්ථාවේ බුද්ධාගම යන පරිජේදය රැකුණොත් හොඳ බවත් නැගෙනහිර සහ උතුරේ 1000 කට අධික පුරාවිද්‍යා ස්මාරක පිහිටි මහවැලි අධිකාරියට අයත් ඉඩම්වල බලය ප්‍රදේශීය ලෙක්ම්ගේ යටතට පත් කළ හොත් ඕනෑම කෙනකුට දීමේ හැකියාව තියෙන බවත් ජ්‍යෙෂ්ඨ මහාචාර්ය ඉඳුරාගාරේ ධම්මරත්න නාහිමියෝ අද (27) පැවසූහ.

27 July 2026

ක්‍රිකට් පරිවර්තන කමිටුව හා ජනපති අතර හමුවක්

ජනාධිපති අනුර කුමාර දිසානායක මහතා සහ ශ්‍රී ලංකා ක්‍රිකට් පරිවර්තන කමිටුව අතර හමුවක් ජනාධිපති කාර්යාලයේදී අද (27) පස්වරුවේ පැවැත්විණි.

27 July 2026

විනිසුුරු වයස දීර්ඝ කරන්න කැබිනට් අනුමැතිය

මහාධිකරණ අභියාචනාධිකරණ ඇතුළු විනිසුරුවරුන්ගේ විශ්‍රාමයාමේ වයස දීර්ඝ කිරීමේ යෝජනාවට කැබිනට් අනුමැතිය හිමිවී ඇතැයි රජයේ ආරංචි මාර්ග පවසයි.

27 July 2026

10000කට ඊශ්‍රායෙල් රැකියා

කාලයක් විවිධ අතරමැදියන්ට හා දේශපාලකයින්ට නතුව තිබූ ඊශ්‍රායල් රැකියා බඳවාගැනීම් ඉන් මුදවාගෙන විනිවිදභාවයෙන් හා කිසිඳු මැදිහත්වීමකින් තොරව සිඳුකිරීමට කටයුතු කළ බව විදේශ කටයුතු, විදේශ රැකියා හා සංචාරක අමාත්‍ය විජිත හේරත් මහතා සඳහන් කරයි. එය ජනතාව පැතූ වෙනසක් බැවින් සෑම ක්ෂේත්‍රයකටම එම ක්‍රමය ක්‍රියාත්මක කරමින් සිටින බවත්, විදේශ රැකියා ක්ෂේත්‍රය දූෂණයෙන් තොර ක්ෂේත්‍රයක් බවට පත් කරන බවත් ඔහු සඳහන් කළේය.

27 July 2026

දෙවිනුවර කාවාඩි තහනම ඉවතට

ඓතිහාසික දෙවිනුවර උත්පලවර්ණ ශ්‍රී විෂ්ණු දේවාලයේ පසුගිය වසරේ කාවාඩි නර්තනයට සම්බන්ධවූ කාවාඩි කණ්ඩායමක් 45 කට මෙවරද පෙරහරට සහභාගිවීමට මහජන ආරක්ෂක අමාත්‍ය ආනන්ද විජේපාල මහතා තීරණය කර ඇත.

27 July 2026

කතරගම ගිනි පාගා

​ඓතිහාසික රුහුණු මහා කතරගම දේවාලයේ වාර්ෂික ඇසළ මංගල්‍යයට සමගාමීව පවත්වනු ලබන සාම්ප්‍රදායික ගිනි පෑගීමේ මහෝත්සවය අද අලුයම උත්කර්ෂවත් අයුරින් පැවැත්විය.

27 July 2026

යාපනය කිංග්ස් හිමිකරු යළි රිමාන්ඩ්

කොළඹදී ආරම්භ කළ ලංකා ප්‍රිමියර් ලීග් (LPL) තරගාවලියේ තරග මුදලට පාවාදීම යෝජනා කළේ යැයි අත්අඩංගුවට ගෙන රක්ෂිත බන්ධනාගාර ගත කළ ජැප්නා කිංග්ස් (Jaffna Kings) කණ්ඩායමේ ඉන්දීය ජාතික හිමිකරු ඇතුළු සැකකරුවා දෙදෙනා සුවිශේෂී හේතූන් මත ඇප මත මුදා හරින්නැයි කළ ඉල්ලීම කොළඹ ප්‍රධාන මහේස්ත්‍රාත් අසංග එස් බෝදරගම අද ප්‍රතික්ෂේප කළේය.

27 July 2026

කෝටි ගණනක හනුමාන් පිළිම වංචාවට දෙකක් රිමාන්ඩ්

පුරාවස්තු වටිනාකමින් යුත් හනුමාන් දෙවියන්ගේ මැණික් හා රත්තරන් සහිත ලෝහමය පිළිමයක් ඉන්දියාවට අලෙවි කරනවා යැයි පවසමින් පුද්ගලයින්ගෙන් කෝටි ගණනින් මුදල් වංචා කිරීමට තැත් කළ සැකකරුවන් දෙදෙනා ලබන 05 දින දක්වා රක්ෂිත බන්ධනාගාර ගත කිරීමට කොටුව මහේස්ත්‍රාත් පසන් අමරසේන මහතා නියෝග කළේය.

27 July 2026

දෙවිනුවර පෙරහරේ කාවඩි ගැන තීරණාත්මක සාකච්ඡාවක්

දෙවිනුවර උත්පලවණ්ණ ශ්‍රී විෂ්ණු මහා දේවාලයේ වාර්ෂික ඇසළ පෙරහැර මංගල්‍යයේ කාවඩි නර්තනය සම්බන්ධයෙන් මතුව ඇති මතභේදාත්මක තත්ත්වය පිළිබඳ අවසන් තීරණයක් ගැනීම සඳහා අද (27) පස්වරුව 4 ට සාකච්ඡාවක් පැවැත්වෙන බව දකුණු පළාත භාර ජ්‍යේෂ්ඨ නියෝජ්‍ය පොලිස්පති කිත්සිරි ජයලත් මහතා පැවැසීය.

27 July 2026

හොර පාරෙන් වාහන පැවරූ RMV හිටපු නිලධාරියෙකු අත්අඩංගුවට

මෝටර් රථ ප්‍රවාහන දෙපාර්තමේන්තුවේ සිදු වූ නීතිවිරෝධී වාහන පැවරීමකට අදාළ විමර්ශනයකට සම්බන්ධයෙන් එම දෙපාර්තමේන්තුවේ හිටපු කළමනාකරණ සේවා නිලධාරියෙකු අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන තිබේ.

27 July 2026

කෝටියක කුෂ් සමඟ අයෙක් මාට්ටු

රුපියල් එක් කෝටි හතලිස් අට ලක්ෂයක් වටිනා ’’ කුෂ්’’ මත්ද්‍රව්‍ය තොගයක් මෙරටට රැගෙන ආ ශ්‍රී ලාංකික ගුවන් මගියෙකු , ඒවා කටුනායක ගුවන් තොටුපොළෙන් පිට කර ගෙන යමින් සිටියදී පොලිස් මත්ද්‍රව්‍ය කාර්යාංශයේ නිලධාරීන් පිරිසක් විසින් අද (27) උදෑසන අත්අඩංගුවට ගෙන තිබේ .

27 July 2026

රුසියාවේ ඉදිකිරීම් රැකියා දොර ලංකාවට ඇරෙයි

රුසියාවේ ඉදිකිරීම් ක්ෂේත්‍රයේ රැකියා අවස්ථා ශ්‍රි ලාංකික ශ්‍රමිකයින්ට ලබාගැනීමට ඇති හැකියාව සම්බන්ධයෙන් පසුගියදා ශ්‍රි ලංකා විදේශ සේවා නියුක්ති කාර්යාංශය වෙත පැමිණි රුසියාවේ විශේෂ දූත පිරිසක් සමග සිදුකළ සාකච්ඡා සාර්ථක වී තිබේ.

27 July 2026

ඩෙංගු මට්ටු කරන්න ඇමෙරිකාවේ සහාය

ශ්‍රී ලංකාවේ පැතිර යන ඩෙංගු වසංගතය පාලනය කිරීම සඳහා ඇමෙරිකාව මෙරටට සහාය ලබාදෙනු ඇතැයි මෙරට වැඩබලන ඇමෙරිකානු තානාපතිනි ජේන් හොවෙල් මහත්මිය පසුගියදා ප්‍රකාශ කළාය.

27 July 2026

ඩෙංගු රෝගින් 82011 ක්, මරණ 61ක්

ශ්‍රී ලංකාවේ මේ වසරේ ජුලි 26දා මධ්‍යම රාත්‍රිය වන විට මේ දක්වා ඩෙංගු රෝගීන් 82011ක් වාර්තා වි ඇති අතර මරණ සංඛ්‍යාව 61කි. ජුලි මාසයේ දින 26ට පමණක් ඩෙංලු රෝගින් 26636ක් වාර්තා වි ඇතර මේ වසරේ මාසයකදි වාර්තා වූ වැඩිම රෝගින් ප්‍රමාණය එය වෙයි. එසේම වැඩිම ඩෙංගු රෝගින් පිරිසක් වාර්තා වී ඇත්තේ ගම්පහ දිස්ත්‍රික්කයෙන් වන අතර එම අගය 17395කි.

27 July 2026

සිසුන්ට කුඩු බෙදූ උපකාරක පන්ති ගුරා මාට්ටු

හොරණ ප්‍රදේශයේ ප්‍රධාන පෙළේ පෞද්ගලික උපකාරක පන්තියක් පවත්වාගෙන යන හිමිකරුවකු, සිසුන්ට කාලයක් තිස්සේ අයිස් මත්ද්‍රව්‍ය බෙදාහැරීමේ ජාවාරමක් සම්බන්ධයෙන් හොරණ මූලස්ථාන පොලිසිය විසින් අත්අඩංගුවට ගෙන ඇත.

27 July 2026

සියැටල්හි වෙඩි තැබිමකින් දෙදෙනෙක් මරුට

ඇමෙරිකාවේ සියැටල්හි වාර්ෂික ආහාර උළෙලක් වන බයිට් ඔෆ් සියැටල් හිදී ඊයේ පස්වරුවේ සිදුවූ වෙඩි තැබීමකින් පුද්ගලයන් දෙදෙනෙක් මියගොස් තවත් පහක් පමණ තුවාල ලබා තිබේ. ඇමෙරිකාවේ වේලාවෙන් පස්වරු 6ට පමණ මෙම වෙඩි තැබීම සිදුව තිබේ.

27 July 2026

පිලිපීනයේ පළමු ශ්‍රී ලංකා කොන්සියුලර් කාර්යාලය ඩාවෝ නගරයේදී විවෘත වේ

පිලිපීනයේ පළමු ශ්‍රී ලංකා කොන්සියුලර් කාර්යාලය නිල වශයෙන් විදේශ අමාත්‍ය විජිත හේරත් මහතාගේ ප්‍රධානත්වයෙන් ඩාවෝ නගරයේදී ඉකුත් 25 වන දින විවෘත කළේය.

27 July 2026