එසැණ පුවත්

රජයේ විශ්‍රාමිකයින් 95 දෙනෙකු ගොනු කළ පෙත්ම විභාගයට දිනයක්

හිටපු විශ්‍රම වැටුප් අධ්‍යක්ෂක ජනරාල් , විශ්‍රාමිකයින්ගේ අයිතීන් සුරැකීමේ සංවිධානයේ කැඳවුම්කරු ඇතුළු රජයේ විශ්‍රාමිකයින් 95 දෙනෙකු ගොනු කළ රිට් පෙත්සම ලබන ජනවාරි මස 21 විභාගයට ගැනීමට අභියාචනාධිකරණය අද නියම කළේය.

10 December 2021

ශ්‍රී ලංකා කාන්තා ක්‍රිකට් පිල එයි

ලෝක කුසලාන සුදුසුකම් ලැබීමේ තරගාවලියට සහභාගි වී සිටියදී සාමාජිකාවන් හත්දෙනෙක් ‘කොවිඩ්’ ආසාදිතයන් බවට පත්වීම නිසා සිම්බාබ්වේහි දින 12 ක් සිරවී සිටි ශ්‍රී ලංකා කාන්තා ක්‍රිකට් කණ්ඩායම අද (10) නැවත ශ්‍රී ලංකාවට පැමිණියේය.

10 December 2021

‘බූස්ටර්‘ එන්නත ඉදිරි දෙසතියේ ලබාදී අවසන් කරන්න‘

එළැඹෙන උත්සව සමයේදී කොවිඩ් ව්‍යාප්තිය පාලනය කිරීමේ පූර්ව සැලසුමක් ලෙස අධි මාත්‍රා එන්නත (Booster) ඉදිරි දෙසතියේදී ලබාදී අවසන් කරන්නැයි ජනාධිපති ගෝඨාභය රාජපක්ෂ මහතා කොවිඩ් මර්දන විශේෂ කමිටු සාමාජිකයන්ට උපදෙස් දුන්නේය.

10 December 2021

අල්ලා දෙවියන්ට අපහාස කළැයි කියන නඩුවෙන් ඥාණසාර හිමි නිදහස්

පොලොන්නරුව සින්නවෙලපට්ටි ගම්මානයේදී සහ මෙහෙරගොඩලැල්ල ප්‍රදේශයේදී මාධ්‍ය හමුවක් පවත්වමින් මුස්ලිම් ජනතාවටත් ඉස්ලාම් ආගමටත් අල්ලා දෙවියන්ටත් අපහාස කළැයි කියන සිද්ධියකට අදාළ බොදු බල සේනා සංවිධානයේ මහ ලේකම් ගලගොඩඅත්තේ ඥාණසාර හිමියන් ට එරෙහි නඩුවෙන් උන්වහන්සේ නිදහස් කිරීමට කොළඹ ප්‍රධාන මහේස්ත්‍රාත් බුද්ධික සී. රාගල මහතා අද (10) නියෝග කළේය.

10 December 2021

අධිකරණ තහනම නොතකා විදෙස් ගත වීමට ආ ව්‍යාපාරිකයා ආපසු යවයි

අධිකරණ තහනම නොතකා ඩුබායි යාමට කටුනායක ගුවන්තොටුපොළට ආ ශ්‍රී ලංකාවට වාහන ආනයනය කරන ව්‍යාපාරිකයෙක් අද අලුයම ‍ ආගමන විගමන දෙපාර්තමේන්තු නිලධාරීන් විසින් ආපසු හරවා‍ යවනු ලැබීය.

10 December 2021

ප්‍රියන්තගේ දරුවන්ට සජිත්ගෙන් ලක්ෂ 20ක්

පාකිස්තානයේ සියල්කොට් හිදී අමානුෂික ලෙස ඝාතනය කරනු ලැබූ ප්‍රියන්ත කුමාර මහතාගේ දරු දෙදෙනාගේ අධ්‍යාපන කටයුතු වෙනුවෙන් රුපියල් ලක්ෂ 10 බැගින් වූ මූල්‍ය පරිත්‍යාග දෙකක් විපක්ෂ නායක සජිත් ප්‍රේමදාස මහතා විසින් සිදු කරනු ලැබීය.

10 December 2021

නවමුද්‍රාව සහිත ගෑස් සිලින්ඩරයක් පිපිරීම ගැන පරීක්ෂණ

නව මුද්‍රාව සහිත ගෑස් සිලින්ඩරයක් සම්බන්ධ පිපිරීමක් හඟුරන්කෙත ප්‍රදේශයෙන් වාර්තා වී ඇති බවත් එම සිද්ධිය පිළිබඳව මේ වන විට පරීක්‍ෂණයක් ක්‍රියාත්මක වන බවත් පාරිභෝගික ආරක්‍ෂණ රාජ්‍ය අමාත්‍ය ලසන්ත අලගියවන්න මහතා පැවසීය.

10 December 2021

‘එන්නත් කාඩ් පත නැතිනම් පොදු ස්ථාන තහනම් ‘

පොදු ස්ථානවලට ඇතුළුවීමේදී එන්නත් කාඩ්පත අනිවාර්ය කිරීමට ජනාධිපතිවරයාගේ ප්‍රධානත්වයෙන් රැස්වූ කොවිඩ් මර්දන කමිටුව අද (10) තීරණය කළේය.

10 December 2021

‘ලබන වසරේදී කොරෝනා අවසන්වී ආර්ථිකය ඉදිරියට යාවි‘

කොවිඩ් වසංගත තත්වය ලබන වර්ෂයේදී නිමාවී ආර්ථිකය වඩාත් සැලසුම් සහගතව සහ ක්‍රියාශීලීව ඉදිරියට ගමන් කරනු ඇතැයි තමා අපේක්ෂා කරන බව අගමැති මහින්ද රාජපක්ෂ මහතා පාර්ලිමේන්තුවේදී අද (10) පැවසීය.

10 December 2021

මාතර මගුලකට ගිය 15කට කොරෝනා

මාතර ප්‍රදේශයේ පැවති විවාහ මංගල උත්සවයකට සහභාගී වූ නිකවැරටිය ප්‍රදේශයේ පුද්ගලයන් 15 දෙනකුට කොරෝනා වයිරසය ආසාදනය වී ඇතැයි සෞඛ්‍ය අංශ සඳහන් කරයි .

10 December 2021

අනාරක්ෂිත ගෑස් බෙදා හැරි සමාගම් ඇතුළු පිරිසකට එරෙහි පෙත්සමට විරෝධතා

අනාරක්ෂිත ගෘහස්ත ගෑස් සිලින්ඩර ආනයනය කර බෙදා හැරීමට කටයුතු කළ ගෑස් සමාගම් හා වගකිවයුතු සියලු පිරිසට එරෙහිව නීතිමය පියවර ගැනීමට නීතිපතිවරයා ට හා පොලිස්පතිවරයාට නියෝග කරන්නැයි ඉල්ලා ගොනු කළ පෙත්සම සම්බන්ධයෙන් සීමිත විරෝධතා ඉදිරිපත් කිරීමට අපේක්ෂා කරන බව නීතිපති සහ වගඋත්තරකාර ලාෆ් හෝල්ඩින්ස් සමාගම වෙනුවෙන් පෙනීසිටි නීතීඥවරයා අද (10) අධිකරණයට දැනුම් දුන්නේය.

10 December 2021

පොලිස් නිල ඇඳුම්,අත් විලංගු සමඟ පුද්ගලයෙක් අත්අඩංගුවට

නීති විරෝධී ලෙස පොලිස් නිල ඇඳුම් කට්ටලයක්, අත් විලංගු දෙකක්, පොලිස් යතුරුපැදියක් සහ පොලිස් නිලධාරීන් භාවිතා කරන අංක තහඩුවක් සන්තකයේ තබාගෙන සිටි පුද්ගලයෙකු කොට්ටාව ප්‍රදේශයේ දී ඊයෙ (09) අත්අඩංගුවට ගත් බව පොලිස් විශේෂ කාර්ය බලකාය සඳහන් කරයි .

10 December 2021

කොළඹ ප්‍රදේශ කීපයකට පැය 18ක් ජලය නෑ

කොළඹ 12, 13, 14 සහ 15 යන ප්‍රදේශවල හෙට (11) මධ්‍යම රාත්‍රීයේ සිට ජල සැපයුම පැය 18 ක කාලයක් අත්හිටුවන බව ජාතික ජලසම්පාදන හා ජලාපවාහන මණ්ඩලය නිවේදනය කරයි.

10 December 2021

‘‘ආණ්ඩුව යුගදනවි ගිවිසුමේදී කැබිනට් මණ්ඩලය අන්දලා‘‘

කැබිනට් පත්‍රිකාවෙන් අවසර දී ඇත්තේ නිව් පෝට්‍රස් එනර්ජි සමගම සමග ගිවිසුමකට එළඹීමට නමුත් ගිවිසුම අත්සන් කර තිබෙන්නේ වෙනත් සමාගමක් සමගයැයි ජාතික ජන බලවේගය කොළඹ දිස්ත්‍රික් මන්ත්‍රී අනුර කුමාර දිසානායක මහතා පාර්ලිමේන්තුවේදී පැවසීය.

10 December 2021

සටන් නළු කුමාර ‍ර‍ණේපුර දිවිගමන නිමා කරයි

චිත්‍රපට, ටෙලි නාට්‍ය රංගන ශිල්පියෙකු වූ කුමාර රණේපුර මහතා අද (10) අභාවප්‍රාප්ත විය.

10 December 2021

ඡන්ද නීති හදන කමිටුවේ කාලය දීර්ඝ කරයි

මැතිවරණ නීති ප්‍රතිසංස්කරණය සඳහා පත් කෙරුණු පාර්ලිමේන්තු විශේෂ කාරක සභාවේ නිල කාලය ලබන වසරේ මාර්තු 31 වැනිදා දක්වා දීර්ඝ කිරීමට එම කාරක සභාවේ සභාපති සභානායක දිනේෂ් ගුණවර්ධන මහතා ඉදිරිපත් කළ යෝජනාවකට පාර්ලිමේන්තුවේ අනුමැතිය අද (10) හිමිවිය.

10 December 2021

ප්‍රසන්නගේ ප්‍රකාශය ගැන පරීක්ෂණයක් ඉල්ලා පියතුමන්ලා පිරිසක් සී.අයි.ඩීයට

පාස්කු ඉරුදින සිදුවූ ප්‍රහාරයට හිටපු ජනාධිපති මෛත්‍රීපාල සිරිසේන මහතා වගකිව යුතු බවට අමාත්‍ය ප්‍රසන්න රණතුංග මහතා කර ඇති ප්‍රකාශය සම්බන්ධයෙන් කඩිනම් පරීක්ෂණයක් පවත්වන්නැයි ඉල්ලා කොළඹ අගරදගුරු පදවියේ පියතුමන්ලා පිරිසක් අද අපරාධ පරීක්ෂණ දෙපාර්තමේන්තුවට පැමිණ පැමිණිල්ලක් බාරදුන්හ.

10 December 2021

පොහොර සමග ගල් සහ මැටි නොමිලේ

හොරොව්පොතාන මරදන්කඩවල මැදවච්චිය නව ගොවි සංවිධානය සඳහා රජය මගින් ලබා දුන් ඝන කාබනික පොහොරවල තිබී ගල් සහ කිරල මැටි හමුවීම නිසා පොහොර මිටි 1175 ක් නැවත සමාගමට භාරදීමට කටයුතු කළ බව නව ගොවි සංවිධානයේ සභාපති එම්.කුමාරවංශ මහතා පවසයි.

10 December 2021

30ට වැඩි අයට බූස්ටර් දීම ඇ‍රඹෙයි

වයස අවුරුදු 30 ට වැඩි පුද්ගලයන් සඳහා කොවිඩ් මර්දන එන්නත් බූස්ටර් මාත්‍රාව ලබාදීම කොළඹ දී අද (10) සිට ආරම්භ කෙරිණි.

10 December 2021

අදින් පසු ලයිට් නොකපයි

විදුලි සැපයුම කිසිඳු ප්‍රදේශකට අද සිට විසන්ධි නොකරන බව විදුලිබල අමාත්‍යංශයේ උසස් නිලධාරියෙක් පැවසීය.

10 December 2021

බස් වෑන් ගැටී අයෙක් මරුට:14ක් රෝහලට

අනුරාධපුර,පුත්තලම ප්‍රධාන මාර්ගයේ මහබුලංකුලම වංගුව ආසන්නයේදි නාවික හමුදාවට අයත් බස් රථයක් හා වැන් රථයක් අද අළුයම පහට පමණ මුහුණට මුහුණට ගැටිමෙන් වැන් රථයේ රියදුරා මිය ගොස් වෑන් රථයේ ගමන්ගත් පුද්ගලයන් හය දෙනකු හා නාවික හමුදා භටයන් අට දෙනකු තුවාල ලබා ඇතැයි ඇලයාපත්තුව පොලිසිය කියයි.

10 December 2021

විශ්වවිද්‍යාවල ලියාපදිංචි වීමට දුන් කාලය දීර්ඝ කරයි

කඩයිම් ලකුණු අනුව විශ්වවිද්‍යාවල ලියාපදිංචි වීමට ලබාදී තිබූ කාලය මේ මස 16 වැනිදා දක්වා දීර්ඝ කළ බව විශ්වවිද්‍යාල ප්‍රතිපාදන කොමිෂන් සභාව පවසයි.

10 December 2021

‘‘ගිලෙන නැව්වලට ගොඩවෙන්න මට පිස්සු නෑ‘‘

ගිලෙන නැවකට ගොඩ වීමට තමාට පිස්සු නැතැයි හිටපු අග්‍රාමාත්‍ය සහ එක්සත් ජාතික පක්ෂ නායක රනිල් වික්‍රමසිංහ මහතා පාර්ලිමේන්තු මන්ත්‍රීවරුන් පිරිසක් හමුවේ පවසා තිබේ .

10 December 2021

සිංහල සිනමාවේ බොක්ස් ඔෆිස් රජු දිවි සිනමාවට සමුදෙයි

80 දශකයේ විනෝදාස්වාද සිනමාවේ ජනප්‍රිය සිනමාකරුවකු වූ ’’සිංහල සිනමාවේ බොක්ස් ඔෆිස් රජු’’ ලෙසින් විරුදාවලිය ලද ප්‍රවීණ ජනප්‍රිය අධ්‍යක්ෂ සහ රංගන ශිල්පී සුනිල් සෝම පීරිස් මහතා අද (10) අභාවප්‍රාප්ත විය.

10 December 2021

කුකුළු ගොවිපොළ හිමියන්ගේ අදෝනාව

කුකුළු ගොවිපොළවලට අවශ්‍ය අමුද්‍රව්‍ය මිල ඉහළ යාම හේතුවෙන් සිය කර්මාන්තය කරගෙන යාම ඉතා දුෂ්කරවී ඇතැයි ගාල්ලේ කුකුළු ගොවිපොළ හිමිකරුවෝ පවසති. එමෙන්ම කුකුළු පැටව් ලබාගැනීම ද ගැටළුවක් වී ඇතැයි ඔවුහු කියා සිටිති.

10 December 2021

ඩොල්ෆින් මත්ස්‍යයන් නවයක් අභිරහස් ලෙස මියයයි

මුලතිව් අලම්පිල් මුහුදු ‍වෙරළට ගොඩගසා තිබූ මියගිය ඩොල්ෆින් මසුන් නව දෙනකුගේ සිරුරු ඉකුත් දින දෙක තුළ සොයාගත් බව උතුරු පළාත් වනජීවි පශුවෛද්‍ය කාර්යාලය පවසයි.

10 December 2021

සුළං සමග අදත් තද වැස්ස

දිවයිනේ පළාත් කිහිපයකට අද (10) රාත්‍රී හෝ සවස් කාලයේදී තරමක් තද වැසි ඇතිවන බව කාලගුණ විද්‍යා දෙපාර්තමේන්තුව පවසයි.

10 December 2021

අයවැය අවසාන ඡන්දය අද

ලබන වසර (2022) සඳහා වන විසර්ජන පනත් කෙටුම්පත( අයවැය ලේඛනය) පිළිබඳ තෙවැනි වර කියවීමේ අවසාන ඡන්ද විමසීම පාර්ලිමේන්තුවේදී අද(10) පස්වරු 5.00ට පැවැත්වීමට නියමිතය.

10 December 2021