එසැණ පුවත්

ගුරුවරියක ක්ලබ් ගෙනිහින් මත්කර අතවර කරලා

කොළඹට තදාසන්න ප්‍රදේශයේ පාසලක තරුණ ගුරුවරියක සමග රාත්‍රී සමාජ ශාලාවකට ගොස් සිටියදී ඇය මත්කර ලිංගික අතවර කළැයි කියන සිද්ධියකට අදාළව එම පාසලේම ගුරුවරයකු සම්බන්ධයෙන් විමර්ශනයක් ආරම්භ කර ඇතැයි කුරුදුවත්ත පොලීසිය කොළඹ ප්‍රධාන මහේස්ත්‍රාත් නන්දන අමරසිංහ මහතාට අද (25) කරුණු වාර්තා කළේය.

25 October 2022

ඕස්ට්‍රේලියානු යුද නෞකා දෙකක් කොළඹ වරායට

රාජකීය ඕස්ට්‍රේලියානු නාවික හමුදාවට අයත් යුද නෞකා ද්විත්වය අද (25) උදෑසන කොළඹ වරායට සේන්දු වූ බව නාවික හමුදාව කියයි.

25 October 2022

ඕස්ට්‍රේලියාවට ලකුණු 158 ක ඉලක්කයක්

ශ්‍රී ලංකාව සහ ඕස්ට්‍රේලියාව අතර අද (25 වැනිදා) පැවැත්වෙන ලෝක කුසලාන තරගයේදී පළමුවෙන් පන්දුවට පහර දුන් ශ්‍රී ලංකා කණ්ඩායම ඕවර 20 ක් නිමාවේදී කඩුලු 6 ක් දැවී ලකුණු 157 ක් ලබාගත්තේය. චරිත් අසලංක (නොදැවී 38) සහ පැතුම් නිස්සංක (40) වැඩි ලකුණු ලබාගත්හ.

25 October 2022

ත්‍රිෙරා්ද රථය නුවරඑළියේදී ගිනි අරගෙන

එකම පවුලේ පිරිසක් ගමන් ගත් ත්‍රි රෝද රථයක් (25) දින පස්වරුවේ ගිනිගෙන ඇති බව නුවරඑළිය පොලිසිය පැවසිය.

25 October 2022

බදු නිවේදන පහකට මුදල් කාරක සභාවේ අනුමැතිය

පාර්ලිමේන්තුවට ඉදිරිපත් කිරීමට නියමිත බදු හා සම්බන්ධ ගැසට් නිවේදන පහකට රජයේ මුදල් පිළිබඳ පාර්ලිමේන්තු කාරක සභාවේ අනුමැතිය හිමිවිය.

25 October 2022

වත්කම් බැරකම් ප්‍රකාශ ඉදිරිපත් කිරීම ගැන පෞද්ගලික මන්ත්‍රී යෝජනාවක්

1975 අංක 01 දරන වත්කම් හා බැරකම් ප්‍රකාශ කිරීමේ නීතියේ රහස්‍යතා වගන්තිය ඉවත් කිරීම සදඟා පෞද්ගලික මන්ත්‍රී යෝජනාවක් ඉදිරිපත් කළ බව පාර්ලිමේන්තු මන්ත්‍රී ඉරාන් වික්‍රමරත්න මහතා කොළඹදී අද (25) පැවසීය.

25 October 2022

වෙළෙඳපොළේ ඇති පාන් පිටි පරිභෝජනයට නුසුදුසුයි

වෙළෙඳපොළේ ඇති තිරිඟු පිටි පරිභෝජනයට නුසුදුසු තත්ත්වයේ පවතින බව ආපනශාලා හිමියන්ගේ සංගමයේ සභාපති අසේල සම්පත් මහතා කොළඹ දී අද (25) පැවසීය.

25 October 2022

වරායට තවත් සභාපතිවරයෙක්

ශ්‍රී ලංකා වරාය අධිකාරියේ නව සභාපති ලෙස කීත් ඩී. බර්නාඩ් මහතා පත්කර තිබේ.

25 October 2022

අන්තරේ භික්ෂු කැඳවුම්කරු සිරිධම්ම හිමි ජාතික රෝහලට

ත්‍රස්ත පනත යොදාගනිමින් රඳවාගෙන සිටින අන්තර් විශ්ව විද්‍යාලයීය භික්ෂු බලමණ්ඩලයේ කැඳවුම්කරු ගල්වැව සිරිධම්ම හිමියන් හදිසියේම රෝගාතුරවීම හේතුවෙන් අද (25) පස්වරුවේ කොළඹ ජාතික රෝහල වෙත ඇතුළත් කර ඇත.

25 October 2022

ඉන්ධනවලට දාන පෙත්තකට අවසර දී නෑ

පෙට්‍රල්වල ඔක්ටේන් අගය වැඩි කිරීමට සහ ඉන්ධනවල ගෙන්දම් ප්‍රමාණය අඩු කිරීමට පෙති වර්ගයක් ඉන්ධන සමඟ කලවම් කිරීමට ලංකා ඛනිජ තෙල් සංස්ථාව කිසිඳු ආයතනයකට උපදෙස් හෝ අනුමැතිය දී නොමැති බවත් එක්තරා සමාගමක් ‘ඉකෝ ටැබ්ලට්’ නැමැති ඉන්ධනවලට යොදෙන පෙත්තක් ප්‍රවර්ධනය කරමින් ජනතාව නොමඟ යැවීමේ කූට ව්‍යාපාරයක් දියත් කරමින් සිටින බවත් ලංකා ඛනිජ තෙල් සංස්ථාව නිවේදනයක් නිකුත් කරමින් පවසයි.

25 October 2022

සම්පා ඕස්ට්‍රේලියානු පිලෙන් ඉවතට

ශ්‍රී ලංකාව සහ ඕස්ට්‍රේලියාව අතර අද (25 වැනිදා) පැවැත්වෙන ලෝක කුසලාන තරගයේදී කාසියේ වාසිය දිනාගත් ඕස්ට්‍රේලියානු නායකයා පළමුවෙන් පන්දු යැවීම තෝරා ගත්තේය. මේ වන විට කොරෝනා වෛරසය අසාදනය වී සිටින ඕස්ට්‍රේලියානු පා දඟ පන්දු යවන ක්‍රීඩක ඇඩම් සම්පා අද තරගය සඳහා ඕස්ට්‍රේලියානු කණ්ඩායමෙන් ඉවත් කර තිබේ.

25 October 2022

හෂාන් කාන්තා ක්‍රිකට් පිලේ පුහුණුකරු ධූරයෙන් අස්වෙයි

ශ්‍රී ලංකා කාන්තා ක්‍රිකට් කණ්ඩායමේ ප්‍රධාන පුහුණුකරු ලෙස කටයුතු කරන ශ්‍රී ලංකා ක්‍රිකට් පිලේ හිටපු නායකයෙක් වන හෂාන් තිලකරත්න මහතා පුහුණුකරු තනතුරෙන් ඉල්ලා අස්වී තිබේ.

25 October 2022

ඇඩම් සම්පාට කොරෝනා

ඕස්ට්‍රේලියානු කණ්ඩායමේ සිටින ප්‍රධානතම දඟ පන්දු යවන්නා වන ඇඩම් සම්පා ට කොරෝනා වෛරසය ආසාදනය වී තිබේ. විස්සයි-20 ලෝක කුසලාන තරගාවලියේ දී ශ්‍රී ලංකාව සහ ඕස්ට්‍රේලියාව අතර තරගය අද (25 වැනිදා) පැවැත්වීමට නියමිතය.

25 October 2022

සුරංගනීට මාළු ගෙනාවා අසමින් මෝදි දීපවාලි සමරයි

ඊයේ (24) ඉන්දියාව පුරා දීපවාලී උත්සවය සැමරුම් සිදුවෙද්දී ඉන්දීය අගමැති නරේන්ද්‍ර මෝදි පාකිස්ථාන දේශ සිමාවේ පිහිටි කාගිල් හමුදාකඳවුරේ සෙබළුන් සමග දීපවාලී උත්සවය සැමරුවේය.

25 October 2022

වට්ස් ඇප් යළි යථා තත්ත්වයට

මෙටා සමාගම වට්ස් ඇප් පණිවුඩ සේවාව මේ වන විට යථා තත්ත්වයට පත් කර තිබේ

25 October 2022

ජාතික පොලිස් කොමිසමේ 4කට විනය පියවර

ජාතික පොලිස් කොමිසමේ නිලධාරීන් සිවුදෙනෙක්ට රාජකාරි පැහැරහැරීම සහ ඊට අනුබලදීම යන චෝදනාව මත විනය පියවර ගෙන ඇතැයි එම කොමිසමේ අභ්‍යන්තර ආරංචි මාර්ග සඳහන් කරයි.

25 October 2022

ඉදිරියේදී බිත්තර හිඟයක්?

ඉදිරි උත්සව සමයේදී බිත්තර හිගයක් ඇති විය හැකි බව සමස්ථ ලංකා බිත්තර නිශ්පාදකයින්ගේ සංගමයේ සභාපති ආර්. එම්. සරත් රත්නායක මහතා ප්‍රකාශ කළේය.

25 October 2022

පාර්ලිමේන්තු‍වේ සිටින ද්විත්ව පුරවැසියන් සොයා ගන්න ක්‍රමයක් නෑ

මෙරට පාර්ලිමේන්තුව තුළ ද්විත්ව පුරවැසියන් 10 ට වඩා සිටිහ හැකි නමුත් ඒ කවුරුන්දැයි දැනගැනීමට ක්‍රමවේදයක් නැතැයි පිවිතුරු හෙළ උරුමයේ නායක, පාර්ලිමේන්තු මන්ත්‍රී උදය ගම්මන්පිල මහතා පැවසීය.

25 October 2022

මෙරට සෞඛ්‍ය සේවය කඩා වැටීමේ අවදානමක්

ඖෂධ, භාවිත කිරීමෙන් පසු ඉවත දමන වෛද්‍ය උපාංග හිඟය සහ විදුලි කප්පාදුව හේතුවෙන් ශ්‍රී ලංකාවේ සෞඛ්‍ය සේවය කඩා වැටීමේ අවදානමක් මතුව ඇති බවත් ඒ හේතුවෙන් හදිසි මෙන්ම සාමාන්‍ය සෞඛ්‍ය සේවාවන්ට බලපෑම් එල්ල වී ඇති බවත් රතු කුරුස සංවිධානය ඔක්තෝමබර් මාසයේ නිකුත් කළ සමීක්ෂණ වාර්තාවේ දැක්වේ.

25 October 2022

වාලච්චේන දුම්රිය ස්ථානයේ ලක්‍ෂයක් සොරු ගෙනිහින්

වාලච්චේන දුම්රිය ස්ථානයේ ප්‍රවේශපත් අළෙවියෙන් ලැබුණු රුපියල් ලක්‍ෂයකට අධික මුදලක් ඊයේ (24) පස්වරුවේ සොරකම් කර ඇතැයි පොලිසියට පැමිණිළි කර තිබේ.

25 October 2022

ආයෝජකයන්ට සියලුම අනුමැති එකම කවුළුවකින්

ආයෝජකයන්ට අවශ්‍ය සියලු අනුමැතීන් ඩිජිටල් තාක්ෂණය භාවිතයෙන් එකම ස්ථානයකින් ලබාදීමේ වැඩපිළිවෙළක් ක්‍රියාත්මක කරන ලෙස කෙටි, මධ්‍යම හා දිගු කාලීන ජාතික ප්‍රතිපත්ති සම්පාදනය කිරීමේදී ප්‍රමුඛතා හඳුනාගැනීම පිළිබඳ ජාතික සභා අනු කමිටුව ශ්‍රී ලංකා ආයෝඡන මණ්ඩලයට උපදෙස් දුන්නේය.

25 October 2022

වෙල්යායක සූර් වෙන්න ගිය දෙදෙනෙක් ලිදකට වැටී මරුට

පේදුරුතුඩුව වල්ලිපුරම් ප්‍රදේශයේ පිහිටි වෙල්යායක මත්පැන් සදයක් අතරතුර තරුණයන් දෙදෙනකු වෙල්යායේ තිබුණු ලිදකට වැටී දියේ ගිලී මරුමුවට පත්ව ඇත.

25 October 2022

මාවනැල්ලේදී බස් රථ දෙකක් හැපී 32 ක් රෝහලේ

කොළඹ නුවර ප්‍රධාන මර්ගයේ මාවනැල්ල අන්වාරම පල්ලිය ඉදිරිපටදි 25 දා දහවල් 11.30 පමණ පෞද්ගලික බස්රථයක් හා ලංගම බස්රථයක් එකිනෙක ගැටිමෙන් තිස්දෙදෙනකු මාවනැල්ල මූලික රෝහලවෙත ඇතුලත්කර ඇතයි මාවනැල්ල පොලිසිය පැවැසීය.

25 October 2022

ඇමෙරිකානු භාණ්ඩාගාර සහකාර ලේකම් මෙරටට

ඇමෙරිකානු භාණ්ඩාගාර දෙපාර්තමේන්තුවේ සහකාර ලේකම් රොබට් කැප්‍රොත් මහතා ශ්‍රී ලංකාවට පැමිණ සිටින බව ශ්‍රී ලංකාවේ ඇමෙරිකානු තානාපති ජුලී චන්ග් මහත්මිය සිය ට්විටර් ගිණුමේ සටහනක් තබමින් ප්‍රකාශ කළාය.

25 October 2022

ඇන්.ඇම්.පෙරේරා මධ්‍යස්ථාන ඉඩමේ කොටසක් විකුණයි

කොළඹ, බොරැල්ලේ ඇන්. ඇම්. පෙරේරා මධ්‍යස්ථානය පිහිටි ඉඩමේ කොටසක් විකුණා එම ස්ථානයේ නව ගොඩනැගිල්ලක් ඉදිරිකිරීමට තීරණය කළ බව ඇන්. ඇම්. පෙරේරා භාරයේ සභාපති පාර්ලිමේන්තු මන්ත්‍රී මහාචාර්ය තිස්ස විතාරණ මහතා අද (25) පැවසීය.

25 October 2022

ඉන්ධන කෝටාව වැඩි කළත් ත්‍රීරෝද ගාස්තු අඩු කරන්නෑ

කිව්.ආර් ක්‍රමවේදය මගින් ත්‍රී රෝද රථ හිමියන්ට ලබා දෙන ඉන්ධන කෝටාව ඉහළ දැමුවත් ගාස්තුවේ වෙනසක් සිදු කිරීමට හැකියාවක් නොමැති බව සමස්ත ලංකා තීරෝද රථ රියදුරන්ගේ සහ හිමිකරුවන්ගේ සංගමයේ සභාපති සුදිල් ජයරුක් මහතා ප්‍රකාශ කළේය.

25 October 2022

විදුලිය ගැන ජාතික සභා අනුකමිටුවෙන් යෝජනාවලියක්

රටේ ආර්ථිකය නැංවීම සඳහා විදුලි බල සැපයුම ක්‍රියාත්මක කළ යුතු ආකාරය සම්බන්ධයෙන් පාර්ලිමේන්තු මන්ත්‍රී පාඨලී චම්පික රණවක මහතාගේ සභාපතිත්වයෙන් යුතු ආර්ථිකය ස්ථායීකරණයට අදාළ කෙටි සහ මධ්‍ය කාලීන වැඩසටහන් හඳුනා ගැනීම සඳහා වන ජාතික සභා අනු කමිටුව යෝජනාවලියක් ඉදිරිපත් කළේය.

25 October 2022

යාලේ යකා නැටූ අයට වසර 3ක් වනෝද්‍යාන තහනම්

යාල ජාතික වනෝද්‍යානයට ඇතුළු වී වනසතුන්ට හිංසාවන පරිදි හා අනිසි ලෙස වාහන ධාවනය කළ පුද්ගලයින්ට හා එම වාහනවලට වසර තුනක් යන තෙක් ශ්‍රී ලංකාවේ කිසිදු ජාතික වනෝද්‍යානයකට ඇතුළු වීමට නොහැකි වන පරිදි අසාදු ලේඛනගත කිරීමට පියවර ගන්නා බව වනජීවී අධ්‍යක්ෂ ජනරාල් චන්දන සූරියබණ්ඩාර මහතා පැවසීය.

25 October 2022