(අංජුල මහික වීරරත්න)

ජාත්‍යන්තරය කුමක් කීවත් කුමක් සිදුකළත් ශ්‍රී ලාංකික මහජනතාව ශ්‍රී ලංකාවත් සමඟ සිටගත යුතුව තිබෙන බව එක්සත් ජාතික පක්ෂ සභාපති වජිර අබෙිවර්ධන මහතා පැවසීය.

රනිල් වික්‍රමසිංහ ජනාධිපතිවරයා  සිටගෙන සිටින්නේ ලෝකයත් සමඟ නොවෙියැයිද  එතුමා සෑම වෙලාවකම සිටගත්තේ ශ්‍රී ලංකාවත් සමඟ බව කී අබෙිවර්ධන මහතා එමෙන්ම  විපක්ෂයත් සිට ගත යුත්තේ ලෝකයත් සමඟ නොව  ශ්‍රී ලංකාවත් සමඟ යැයි වජිර අබෙිවර්ධන මහතා කීය. 

ආර්ථික, සමාජ සහ දේශපාලන වශයෙන් ඉතාමත් නරක තැනක තිබූ රට ඉතාමත් කෙටි කාලයකදී  නැවතත් හොඳ තත්ත්වයකට පත්කර ගැනීමට හැකිවූයේ රට ගොඩගැනීම වෙනුවෙන් ජනාධිපති රනිල් වික්‍රමසිංහ ක්‍රියාත්මක කළ වැඩපිළිවෙල  නිසා බව ද අබේවර්ධන මහතා පැවසීය.

පිටකෝට්ටෙි ජාතික සේවක සංගම් ශාලාවේ පැවැති එජාප කොට්ඨාශ නිලධාරීන් දැනුවත් කිරීමේ වැඩසටහනකදී වජිර අබේවර්ධන මහතා මෙි බව කීය.

ජනපති ගෙන යන වැඩපිළිවෙල දරාගත නොහැකි පුද්ගලයින් ඔවුන්ගේ පටු දේශපාලන අරමුණු වෙනුවෙන් ඒ වැඩපිළිවෙල කඩාකප්පල් කිරීමට උතසාහ ගනිමින් සිටින බවද, එම වැඩපිළිවෙල ආරක්ෂා කර ලංකාව ලෝකය හමුවේ ඔසවා තැබීමට සමස්ථ ජනතාව ඉදිරියට පැමිණිය යුතුව තිබෙන බවද අබේවර්ධන මහතා අවධාරණය කළේය.