බොහෝ විට පහළ මට්ටම් සමාජයේදී දුම්පානයට කංසා යොදා ගන්නේ සූස්තියක්, බොමට්, හූට්ටුවක්, බඩු මිටියක් යයි හඳුන්වමින්ය. පසුගියදා අතිවිශේෂ සම්භාවනාවට පාත්‍ර වූ චන්ද්‍රරත්න බණ්ඩාර විද්වතාගේ ‘‘ප්‍රේමානිශංස’’ නවකතාවේ මොනවට රසවිඳින්නට ලක් කරන ලිවිංටුගෙදර් - ලිඛිත විවාහ නොවී එකට ජීවත් වීම අතර තාරු දිවිය ගෙවනා ඉහළ ධන පැලැන්තියේදී මල් කෙමිය ලෙස හඳුන්වා ඇත.

වං වං කිය කියා ඉන්නේ නැතිව වම්බොටු යයි කීවාක් මෙන් කෙළින්ම අමුඩය පිටින්ම වැඩේට බැසිය යුතුය. මේ ලියන්නේ කංසා, ගංජා ගැනය. කංසා ගැන ලිවීමට අවුරුදු 54ක බුක්තියක් විදුලකර ගොරකයාට ඇති බව කිව යුතුය. 1968 අවුරුද්දේ එවකට ‘‘රිවිරැස’’ පුවත්පතට කංසා රාජධානියේ නටබුන් දුටිමි’’ යනුවෙන් මැද පිටුවේ සංචාර විචිත්‍රාංග ලිපිය සකස් කළේ බලංගොඩ සිට කල්තොට ලංගම බසයෙන් එදා සත 90 දුර ගොස් කල්තොට සිට සැතපුම් 14 හම්බෙගමුවට පයින් යාමෙනි.