සුජිත් හේවාජුලිගේ
දුම්රිය හරස් මාර්ග ගේට්ටුවල පවත්නා අනාරක්ෂිත බව හේතුවෙන් 2000 - 2022 කාල පරිච්ඡේදයේ දී පුද්ගලයන් දෙසිය අනූඅට දෙනකු මිය ගොස් 1054
දෙනකු තුවාල ලබා ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.
හරස් මාර්ග අනතුරු වැඩි සංඛ්යාවක් සිදුව ඇත්තේ 2000-2020 අතර කාලයේදීය. සිදුවූ අනතුරු සංඛ්යාව 740කි.
ජනතාවගේ හා වාහනකරුවන්ගේ ආරක්ෂාව සඳහා දුම්රිය මාර්ගය හරහා ගේට්ටුව යොදා ආරක්ෂා කිරීම දුම්රිය සාමාන්යාධිකාරිගේ වගකීමක් බව 1902 අංක 9 දරන ලංකා දුම්රිය ආඥා පනතේ 32 වගන්තියේ දැක්වේ. දුම්රිය හරස් මාර්ග 1962ක් ඇතත් ඉන් ආරක්ෂණ පද්ධති සවිකර ඇති ගණන 855කි.
මේ අතර ස්ථාපනය කරන ලද සීනු හා විදුලි පද්ධති දෙසීයෙන් 2023 ජුනි 20 වැනිදා වනවිට ඉන් පද්ධති පනහක් අක්රීයව පැවති බව විගණන නිලධාරීන්ට නිරීක්ෂණය වී ඇත. ඒ අනුව නාස්ති වී ඇති මුදල කෝටි 24කට වැඩිය. මේ හේතුවෙන් අපේක්ෂිත කාර්ය ඉටු කර ගැනීමට නොහැකි වී ඇති බව විගණන අංශ පවසයි.
දුම්රිය දෙපාර්තමේන්තුව 2000 වර්ෂයේ සිට 2021 දක්වා දුම්රිය හරස් මාර්ග ආරක්ෂණ සීනු හා ආලෝක පද්ධති ඉදිකිරීම සඳහා වැය කර ඇති මුදල රුපියල් කෝටි 145කි.
දුම්රිය හරස් මාර්ගවල සිදුවූ අනතුරු හේතුවෙන් 2010 වර්ෂයේ සිට 2021 වර්ෂය දක්වා දුම්රිය එන්ජින් හා මැදිරිවලට සිදුවී ඇති හානිය රුපියල් තුන් කෝටි පනස් ලක්ෂයකට වැඩිය.
පුත්තලම මාර්ගයේ 16ක් හා පහළ මාර්ගයේ තිහක් වශයෙන් සීනු හා විදුලි පද්ධති 50 ක් තවදුරටත් ක්රියා විරහිතව පවතින අතර මේ වෙනුවෙන් දරන ලද රුපියල් කෝටි 24කට වැඩි මුදල නාස්තිවී ගොස් ඇති බව පැවසේ. එමගින් අපේක්ෂිත කාර්ය ද ඉටු කර ගැනීමට නොහැකි වී ඇති බව නිරීක්ෂණය වී ඇත.
මේ තොරතුරු සඳහන් වන්නේ ශ්රී ලංකා දුම්රිය හරස් මාර්ග සඳහා ආරක්ෂණ පද්ධති ස්ථාපනය කිරීම සම්බන්ධයෙන් වූ විශේෂ විගණන වාර්තාවේය.
පාස්කු ඉරු දින ප්රහාරය සම්බන්ධයෙන් පමණක් පාර්ලිමේන්තු විවාද එකොළහක් පසුගිය වසර තුන ඇතුළත පවත්වා ඇතැයි වාර්තා වේ.
කොවිඩ් 19 වසංගතයෙන් පසු ඇති වූ ආර්ථික අර්බුදය හේතුවෙන් ලංකාවෙන් 2022 වසරේ සිට 2024 අප්රේල් මාසය දක්වා 692,461 ක් රැකියා සඳහා විදේශගත වී ඇති බව විදේශ සේවා නියුක්ත
කල්පිටියේ දූපත් පහක් බද්දට ගත් ආයෝජකයන් පස් දෙනකු රුපියල් හය කෝටියකට ආසන්න බදු මුදලක් සංචාරක සංවර්ධන අධිකාරියට ගෙවීම පැහැර හැර ඇතැයි ජාතික විගණන කාර
යෝජිත විදුලිබල පනත් කෙටුම්පත පාර්ලිමේන්තුවේ සම්මත වුවහොත් විදුලිබල මණ්ඩලය සතු රුපියල් ට්රිලියනයකට අධික වටිනා සම්පත්වලින් සියයට හැත්තෑපහකට ආසන්න
1958 අංක 15 දරණ සේවක අර්ථසාධක අරමුදල් පනත සංශෝධනය කිරීම සඳහා තමන් විසින් පාර්ලිමේන්තුවට ඉදිරිපත් කරන ලද පෞද්ගලික මන්ත්රී පනත් කෙටුම්පත සම්මත කර ගැනීමට හ
ඊශ්රායලය විසින් ඉරානයට එල්ල කෙරුණු ප්රහාරය සමග ඉදිරියට ද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකාවේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සීනුවලට කෝටි 145 ක් වැය කළත් 298 ක් රේල්ලුවට දිවි පුදලා