උපුල් වික්රමසිංහ
ශ්රී ලංකාව එහි ඉතිහාසයේ පළමු වරට විදේශ ණය ගෙවීම පැහැර හරින බවට නිල වශයෙන් ප්රකාශයට පත් කර ලබන අප්රේල් 12 වැනිදාට වසර දෙකක් සපිරේ. ඒ අනුව උද්ගත වූ විදේශ විනිමය හිඟය හමුවේ පසුගිය 2022 අප්රේල් මස 12 වැනිදා විදේශ ණය සේවාකරණය තාවකාලිකව නතර කරන බව මුදල් අමාත්යාංශය නිවේදනයක් මගින් ද්වීපාර්ශ්වීය හා වාණිජ විදේශ ණය හිමියන්ට දැන්වීය.
ඒ යටතේ චීනය, ඉන්දියාව සහ පැරිස් සමාජය නියෝජනය කරන රටවලින් ලබා ගත් ඩොලර් බිලියන 10 ඉක්ම වූ ණය ප්රමාණයක් ද (ද්වීපාර්ශ්වීය ණය) ජාත්යන්තර ස්වෛරීත්ව බැඳුම්කර නිකුත් කිරීම මගින් ජාත්යන්තර මූල්ය වෙළෙඳපොළෙන් ලබාගත් ණය ඇතුළුව ඩොලර් බිලියන 14 ඉක්ම වූ වාණිජ ණය ප්රමාණයක් ද ගෙවීම තාවකාලිකව අත්හිටු වූ අතර ජාත්යන්තර මූල්ය අරමුදලේ සහාය ඇතිව එම ණය ප්රතිව්යුහගතකරණය වෙනුවෙන් ජාත්යන්තර නීති හා මූල්ය ආයතන දෙකක සහාය ඇතිව ණය ප්රතිව්යුහගතකරණ සාකච්ඡා ද ඒ වසරේදීම ආරම්භ විය.
බහුපාර්ශ්වීය ණය හැර සෙසු විදේශ ණය 2022 අප්රේල් සිට මේ දක්වා ගෙවීමක් සිදු නොවූ අතර දේශීය ණය ප්රශස්තකරණය 2023 වසරේ දී අවසන් කෙරිණ.
රජයේ අභ්යන්තර ආරංචි මාර්ගවලට අනුව ද්වීපාර්ශ්වීය ණය ප්රතිව්යුහගතකරණ සාකච්ඡා මේ වෙන විට අවසන් අදියරේ පවතින අතර වාණිජ ණයවලින් ඩොලර් බිලියන 12 ක් වූ ජාත්යන්තර ස්වෛරීත්ව බැඳුම්කර හිමියන්ගේ ණයවලට අදාළව සිදු කළ හැකි ප්රතිව්යුහගතකරණය ගැන දෙපාර්ශ්වය අතර යෝජනා හුවමාරු වුවද මෙතෙක් මූලික එකඟතාවකට හෝ පැමිණීමට නොහැකි වී ඇති බව දැනගන්නට ලැබේ.
මේ වසරේ පළමු මාස 6 ඇතුළත විදේශ ණය ප්රතිව්යුහගතකරණයට අදාළ අවසන් අවබෝධතා ගිවිසුම්වලට එළැඹීමට ශ්රී ලංකාව අපේක්ෂා කරන අතර, එසේ කිරීමට හැකි වුවහොත් ණය ගෙවීමට සහන කාලයක් හෝ ණය පොලී අනුපාත පහත හෙළීමක් හෝ ඒ දෙකම හෝ ලැබෙනු ඇතැයි ආර්ථික විශේෂඥයෝ පවසති.
පාස්කු ඉරු දින ප්රහාරය සම්බන්ධයෙන් පමණක් පාර්ලිමේන්තු විවාද එකොළහක් පසුගිය වසර තුන ඇතුළත පවත්වා ඇතැයි වාර්තා වේ.
කොවිඩ් 19 වසංගතයෙන් පසු ඇති වූ ආර්ථික අර්බුදය හේතුවෙන් ලංකාවෙන් 2022 වසරේ සිට 2024 අප්රේල් මාසය දක්වා 692,461 ක් රැකියා සඳහා විදේශගත වී ඇති බව විදේශ සේවා නියුක්ත
කල්පිටියේ දූපත් පහක් බද්දට ගත් ආයෝජකයන් පස් දෙනකු රුපියල් හය කෝටියකට ආසන්න බදු මුදලක් සංචාරක සංවර්ධන අධිකාරියට ගෙවීම පැහැර හැර ඇතැයි ජාතික විගණන කාර
යෝජිත විදුලිබල පනත් කෙටුම්පත පාර්ලිමේන්තුවේ සම්මත වුවහොත් විදුලිබල මණ්ඩලය සතු රුපියල් ට්රිලියනයකට අධික වටිනා සම්පත්වලින් සියයට හැත්තෑපහකට ආසන්න
1958 අංක 15 දරණ සේවක අර්ථසාධක අරමුදල් පනත සංශෝධනය කිරීම සඳහා තමන් විසින් පාර්ලිමේන්තුවට ඉදිරිපත් කරන ලද පෞද්ගලික මන්ත්රී පනත් කෙටුම්පත සම්මත කර ගැනීමට හ
ඊශ්රායලය විසින් ඉරානයට එල්ල කෙරුණු ප්රහාරය සමග ඉදිරියට ද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකාවේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අප්රේල් 12 වැනිදාට ණය ගෙවීම පැහැර හැර අවුරුදු දෙකයි