රජයේ විධායක නිලධාරීහු 35,000 ක් සංවර්ධන කමිටු වලින් ඉවත් වෙති

හිටියා කියලා ඔය මිනිස්සු වැඩක් කරනවද? ජනතා ප්‍රශ්න චක්‍රලේඛ අස්සේ අස්සේ හිරවෙලා. ප්‍රායෝගික කාර්යයන් මේ මිනිසුන්ගෙන් වෙන්නේම නැහැ. රජයේ ආයතනයකට කෙනෙක් ගියාම ගණන් ගන්නේ නැහැ. රස්තියාදු කරනවා. මේ රටේ ප්‍රගමණයට ලොකුම බාධකය මේ මිනිස්සු සහ දේශපාලකයෝයි.

මෙයට දසක හතරකට පහකට පෙර අපි ආසියාවේ සංවර්ධනය වෙමින් සිටින රටක් යැයි කීවෙමු. එය නොවෙනස්ව තබාගැනීම අපේ ඒකායන අරමුණයි.ජයවේවා!!!

මේ නිලධාරීන්ව එලවලා දාලා අලුත් තරුණ පිරිසකට පත්වීම් දුන්නා නම් හරි. හැම එකටම ඔලුව පහත් කරන් පතෝලයන් වගේ ආණ්ඩු කරන්න බෑ. මහින්දගේ කාලේ ඔහොම වුණා නම් මෙලහකට ඕක පටන්ගත්ත කෙනා එලොව ගිහින්..! එහෙම නැතුව මේ රටවල් කරන්නත් බෑ.

අපොයි ඔව්. මම පාසල් යන කාලේ කිව්වේ ශ්‍රී ලංකාවේ සංවර්ධනය වෙමින් පවතින රටක් කියලා... අද මගේ දරුවෝ ඉගෙනගනිද්දිත් ඒ කතාවමයි. ප්‍රාදේශීය ලේකම් කාර්යාලයකට ගිහින් බලන්න. පේලියකට, පිළිවෙළකට මේස තියාගෙන, තනතුර බෝඩ් එකක ගහගෙන පේලියට ඉන්නවා. මනුස්සයෙක් ගියාම ආවේ මොකටද කියලවත් අහන්නේ නැහැ. මාස ගණන් වැඩ ඇදෙනවා.ඇත්තම තත්වය පුද්ගලික ආයතන ලාභ ලබද්දී රාජ්‍ය ආයතන පාඩු ලබනවා. හේතුව වැඩක් කළ නොහැකි මේ අලස නිලධාරීන්...

ඔය ඉතින් බොරු සෝබනේට ටයි කෝට් ඇඳගෙන.. පුටු රත් කෙරුවයි කියලා, අපේ රටට සිද්ද වුණු ... සෙතක් ශාන්තියක් නැහැ නේද..? මේ අයට පැවරිලා තිබුණු වගකීම් වලින් කීයෙන්.. කීයක්ද හරිහැටි විදිහට ක්‍රියාත්මක වෙලා තියෙන්නේ කියලා... අන්න ඒ නිසා මේ වගේ අය යන එකමයි හොඳ...

සංවර්ධනය? රටද සාක්කුවද? අර 225 ජපකරන මන්ත්‍රය මේ ගොල්ලොත් ජප කරන්න පටන් අරගෙන වගෙයි. රථවාහන පර්මිට් නැතුව සංවර්ධනය බැහැ. අතිකාල නැතිව සංවර්ධනය බැහැ. අනිකුත් දීමනා නැතිව සංවර්ධනය බැහැ. කොමිස් නැතිව සංවර්ධනය බැහැ. මේ ගොල්ලෝ ආදරේ රටටද? කීයෙන් කීදෙනාද වෙලාවට වැඩට එන්නේ..? පැය අටේ රාජකාරියවත් හරියට කරන්නේ? පහුගිය කාලේ ඒකාබද්ධ වෘත්තිය සමිති සම්මේලනයද කොහේදෝ අධ්‍යයනයක් කරලා තිබුණා වගේ මතකයි ... රාජ්‍ය සේවක පැය අටේ වැඩ ගැන... රට පුරාවට සමීක්ෂණයක් කළොත් දැනගන්න පුළුවන් වෙයි... මහජන ප්‍රසාදය ගැන.... දවසකට හරියට පැය හතරක් වැඩ කරනවද? කියන්නා කොහොම කිව්වත් අසන්නා සිහි බුද්ධියෙන් අසන බව මතක තියාගන්න...

දිස්ත්‍රික් හා ප්‍රාදේශීය වශයෙන් වර්ග දෙකක් පවතින සංවර්ධන කමිටුයැයි කියන මේ සමිතිවලදී බොහෝවිට සිදුවන්නේ පක්ෂවලට බෙදී ඔවුනොවුන්ට බැණගැනීම වැනි කටයුතු මිස සංවර්ධන කාර්යයන් නොවේ. සමහර විටක ඉහළම අධ්‍යාපනයක් ඇති විධායක නිලධාරීන්ට වැස්සකටවත් පාසැලකට නොගියත් හිතවතුන්ගේ මනාපයෙන් ප්‍රාදේශීය සභාවට පත්වන ජනතා නියෝජිතයින්ගේ ඇනුම් බැනුම් වලටත් ගොදුරුවීමට සිදුවන අවස්ථාත් තිබෙනවා. ඒ ගැන බලනවිට මේ කාර්යයේ සාධාරණත්වයක් නැතැයි කියන්න බැහැ..

මේ අය සංවර්ධන කටුයුතුවලින් ඉවත්වෙන්නේ පත්වීම ගත දිනයේමයි. ආයේ අමුතුවෙන් ඉවත් වුණා කියලා වැඩි වෙනසක් වෙන එකක් නෑ.

මෙච්චරකල් මෙයාලා කරලා තියෙන සංවර්ධනය පේනවා...

රජය විසින් ඉන්නා අය විශ්‍රාම යවා නව නිලධාරීන් පත්කරගත යුතුයි.

ඔය විධායක ශ්‍රේණියේ අය හිටියට වැඩක් නැහැ. හැමතැනම හොර කරලා තියෙන්නේ ඔක්කොම...

පරිපාලන සේවයේ නිලධාරීවාදය නිසා රජයේ අනෙක් නිලධාරීන්ට ලැබිය යුතු බොහෝ සහන අහිමිවෙනවා. මෙවර නීති නිලධාරීන්ට ලබාදුන් අමතර දීමනාව පාදක කරගෙන අනෙක් සියලු විධායක නිලධාරීන් ඊට විරුද්ධව උසිගන්වන අයත් ඔවුන්මයි.

පළමුව රාජකාරිය ඊට පසුවයි හිමිකම්. ඒ වගේම තමාට පෙර රට.

ලංකා පරිපාලන සේවයේ නිලධාරීන් හිතන්නේ ඔවුන් වඩාත්ම උසස් විධායක ශ්‍රේණියේ නිලධාරීන්ගේ විධායක නිලධාරීන්ය. වගකිවයුතු ආණ්ඩුවක් සියලු රාජ්ය විධායක නිලධාරීන්ට සමානව සැලකිය යුතුය. සියලුම විධායක නිලධාරීන් එකම අධ්‍යාපන සුදුසුකම් සහිතව බඳවා ගනු ලැබේ. සියළුම විධායක නිලධාරීන් සිය කාර්යය ඉටු කරති. මේ සියලු විධායක නිලධාරීන් සඳහා රජය සමාන ලෙස සැලකිය යුතුය.

මෙතන අදහස් දාල තියන මිනිස්සු ගොඩක් දෙනෙක් තත්වය හා මේකට හේතු බීජය නොදැන කථා කරන බව පේනවා. මෑතකදී මේ රටේ නීති අංශයේ නිලධාරින්ගේ වැටුප ඉතා අධික ලෙස වැඩි කලා. ඒ අතර ඔවුන් සුපිරි සේවාවක් කියා ගන්නා මට්ටමට පත්වුනා. මේ සියල්ල අස්සේ සුපිරි කියන උණ හොදටම තියන තවත් සේවාවක් වන ශ්‍රී ලංකා පරිපාලන සේවය විසින් ඔවුන්ගේ වැටුපට රු.50,000 - 15,000 ක අමතර දීමනාවක් ඉහලම නිලධාරියාගේ සිට පහලට ස්ථර අනුව බෙදීයන ලෙස ඉල්ලා සිටියා. මේ රටේ පරිපාලන සේවය හා අනෙකුත් සමාන්තර සේවා 10ක් හෝ ඊට වැඩි ප්‍රමාණයක් පවතින අතර මේ සියල්ලට අදාල සුදුසුකම් බොරහෝ දුරට සමානයි. පරිපාලන සේවයට කියා විශේෂ සුදුසුකමක් හෝ ඔවුන්ගේ රාජකාරියේ අන්‍යයන්ට වඩා විශේෂයක් නෑ. හැබැයි ප්‍රාදේශීය පරිපාලනයේදී මොවුන්ගේ සේවය දේශපාලකයාගේ ක්‍රියා නීතිගත කිරීම සඳහා ගොඩක් වටිනවාත ඒකයි තියන එකම වෙනස හා අන්‍යයන්ට නැති මොවුන්ට ඇති එකම බලය. එවැනි පසුබිමක මේ නිලධාරින් පමණක් මේ විදියට වැටුප් හා දීමනා වැඩි කරගන්න ගියාම සමාන සුදුසුකම් වලටම එන අනෙකුත් සේවා වල මිනිස්සු නිකම් ඉන්නේ නෑ.

මේ මිනිස්සු කරන වැඩක් නැහැ. මේ රට නගා සිටුවීමට නම් පරිපාලන සේවය අහෝසි කොට පුද්ගලික අංශයේ මෙන් කළමනාකරණ පුහුණුවන්නන් ලෙස බදවාගෙන පුහුණු කොට කළමනාකරුවන් ලෙස පත් කල යුතුවේ.

කමෙන්ට් කරන්න කලින් මේ අය එහෙම කරන්න හේතුව හොයලා බැලුවානම් හොඳයි නේද ? රාජ්‍ය සේවාවේ වැටුප් ප්‍රතිපත්තිය 2018.01.01 සිට මේ ආණ්ඩුව බිද දමලා. එක් කාණ්ඩකට අසීමිත ලෙස වැටුප් කිරිම සාධාරණ ද? මේ අය සටන් කරන්නේ වැටුපට වඩා රට තුල හටගත් වෘත්තිය අර්බුදය ගැන. අද පත්විම් ගන්න නිතී නිලධාරීන්ගේ වැටුප හා දීමනා 382,000ක් දක්වා වැඩිකරලා අනෙක් සේවාවන්ට පැරණි වැටුපයි. වෙද්‍ය වෘත්තිකයන්ට 148,000 ඉංජිනේරු 78,000 අනෙක් විධායක සේවා වන්ට 54,000 අනාගතයේ අමාරුවෙන් වෙද්‍ය ,ඉංජිනේරු වෘත්තියන්ට යන්න පෙලඹිම අඩු වෙවි.

සාමාන්‍ය ජනතාව දැකලාවත් නැතුව ඇති. වැඩක් කරගන්න ගියාම පුටුව විතරයි.

මේ කමෙන්ට් කරන අය හරියට ප්‍රශ්නය තේරුම් ගන්න උත්සාහ කරන්න ඕන. අනික හැගීම් වලින් තොරව බුද්ධියෙන් ඒ දෙස බැලීම වැදගත්. නැත්නම් ලංගම එපා කියල පෞද්ගලික බස් ගත්ත වගේ වෙයි.වෘත්තිකයන්ට ලෝකයේ ඕනෑම තැනක හොඳ පඩි සහිත රැකියා තියෙනවා.

රට සංවර්ධනය කරන්න රජයට හොද ඉංජිනේරු, වෙද්‍ය, නිතී, ගණකාධිකාරී සහ පරිපාලන සේවා නිලධාරීන් සිටිය යුතුයි. සහ ඔවුන්ව තේරුම්ගන්න රජයක් තිබීම ඉතාම වැදගත්. නමුත් වර්තමාන තත්වය අනුව ඉංජිනේරු, ‍වෛද්‍ය සේවාවන් පාලනය කිරීම පරිපාලන සේවා නිලදාරීන් මගින් සිදුවේ (බහුතරය කලා උපාධිදාරීන් ) මෙහි ප්‍රතිඵලයක් ලෙස ඉංජිනේරුවන්ට සුදූසු වැටුපක් නොලැබේ ( වෙද්‍යවරුන් හා සැසදීමේදී 50% පමණ වන වැටුපක් ) මේ අනුව ඉංජිනේරු සේවයට දක්ෂ ඉංජිනේරුවන් එක් නොවීමත් රට හැර යාමටත් පෙළඹී ඇත. මගේ මතය අනුව රට සංවර්ධනය කිරීමේ මුලික බලය ඉංජිනේරුවන් වෙතද, නිරෝගී ජනතාවක් ඇතිකිරීම වෙද්‍යවරුන් වෙතද ලබාදී අනෙකුත් සේවා මගින් අවශ්‍ය සහය ලබාදීමට කටයුතු කරන්නේනම් රට ඉතා ඉක්මනින් සංවර්ධනය කිරීමට හැකිවේ.