2023 මාර්තු මස 31 වන සිකුරාදා
ත්‍රී‘මලේ ධීවරයෝ විරෝධතාවයක
අමදෝරු අමරජීව
නැගෙනහිර මුහුදේ සිදු කෙරෙන නිතිවිරෝධි පන්න ක්‍රම වලට එරෙහිව අද (8) මුහුදු රැකියාවේ නොගිය ත්‍රිකුණාමලය ධීවර කාර්මිකයෝ තහනම් පන්න ක්‍රම වලට එරෙහිව නීතිය ක්‍රියාත්මක කරන්නැයි කියමින් පෙළපාළියකින් ත්‍රිකුණාමලය ධීවර හා ජලජ සම්පත් දෙපාර්තමේන්තුව අභියසට ගොස් විරෝධතාවයක නියැලුණි.
එයට සහයෝගය පලකළ ත්‍රිකුණාමලය තොල මාලු වෙළඳ ව්‍යාපාරිකයෝ තොග මාලු වෙළඳපොළ වසා දමා මාලු වෙළදාමෙන් ඉවත්විය.
ත්‍රිකුණාමලය නගර මධ්‍යයේ පිහිටි ඔරලෝසු කණුව හා ඒ අවට කළු කොඩි දමා තිබු අතර එම ස්ථානයට එක්වු ධීවර කාර්මිකයෝ එම ස්ථානයේ ටික වේලාවක් උද්ඝෝෂණයක නියැලී පසුව පෙළපාළියකින් ධීවර හා ජලජ සම්පත් දෙපාර්තමේන්තුව අභියසට ගියහ.
එහිදි බාධක යොදා ධීවර කාර්යාල ප්‍රධාන දොරටුව වසා දැමීමට කටයුතු කළ පොලිසිය විශේෂ කැරලි මර්දන පොලිස් කණ්ඩායම් අවට පොලිස් වලින් කැදවනු ලැබීය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
