(මුදිතා දයානන්ද)

පාර්ලිමේන්තුව තුළ කලකෝලාහල කරන, පිහියෙන් අැනීමට සැරසෙන, මිරිස්කුඩු ගසන, පුටු කඩන සියලු දෙනා මහමැතිවරණයකදී පරාජයට පත් කිරීම ජනතාවගේ වගකීමක් යැයි නියංගොඩ විජිතසිරි සියම් මහා නිකායේ මල්වතු පාර්ශ්වයේ අනුනා හිමියෝ අද (28) පැවසූහ.

උන්වහන්සේ මේ බව පැවසුයේ මහමැතිවරණයක් උදෙසා ජාතික ව්‍යාපාරය විසින් ශ්‍රී ලංකා පදනම් ආයතනයේ පැවැත්වූ සම්මන්ත‍්‍රණයකදී අදහස් දක්වමිනි.

එහිදි තවදුරටත් අදහස් දැක්වූ අනුනාහිමියෝ මෙසේද පැවසූහ.

 ‘‘අද ව්‍යවස්ථාදායකයත්, විධායකයත්, අධිකරණයත් කියන බලකේන්ද්‍ර  අතර අර්බුදයක් ගැටුමක් ඇති වෙලා තිබෙනවා. මේ නිසා අද රට අස්ථාවර වෙලා. මහමැතිරවණයකින් තමයි දැන් ඇති වී තිබෙන අර්බුදය විසඳිය හැක්කේ. මහමැතිවරණයක් කැඳෙව්වොතින් ජනතාවට හැකියාවක් ලැබෙනවා දේශපේ‍්‍රමි පාලනයක් බිහිකර ගන්න. මහජනතාව ඒ සම්බන්ධයෙන් සැළකිලිමත් විය යුතුයි.

ඔය පාර්ලිමේන්තුව තුළ කලකෝලාහල කරන, පිහියෙන් අනින්න යන, මිරිස්කුඩු ගහන, පුටු කඩන සියලූ දෙනා පාර්ලිමේන්තුවෙන් පැත්තකට කරලා දාන්න ඡන්ද දායකයින් හැටියට මහජනතාව කටයුතු කළ යුතුයි. පාර්ලිමේන්තුවට තෝරාගත යුත්තේ රට හිතැති, රටේ සංවර්ධනය උදාකළ හැකි පිරිසකුයි‘‘යැයි  උන්වහන්සේ පැවැසූහ.

ඡායාරූප - ශාන්ත රත්නායක