අංජුල මහික වීරරත්න
 
එදා දෙමළ ජාතික සන්ධානය උතුරු නැගෙනහිර ප්‍රශ්න ගැන කතා කරන විට  ‘කොටියා’ යනුවෙන් කෑ ගැසූ අය අද එහි මන්ත්‍රීවරයෙක් මහින්දට සහාය දෙන විට නිහඬව ඉන්නේ කොටියා එක්වරම පූසා වූණා දැයි එක්සත් ජාතික පක්ෂ මැද කොළඹ සංවිධායක පාර්ලිමේන්තු මන්ත්‍රී මුජුබර් රහුමාන් මහතා ප්‍රශ්න කළේය.

බලය ගත යුතු නම් ප්‍රභාකරන් සමඟ වුවද එකතු වන ජාතියේ කණ්ඩායමක් සමඟ දැන් අරගල කරන්නට සිදු වී තිබෙන බවද මන්ත්‍රීවරයා කීය.

ඇදගෙන ගිහින් බලෙන් ඇඳුම් අන්දවා ඇමැතිකමක් දේවි යැයි බිය නිසා දැන් තමා ජනාධිපති කාර්යාලය ඉදිරිපිට මාර්ගය වෙනුවට වෙනත් මාර්ගයක් තෝරාගෙන තිබෙන බවද රහුමාන් මහතා සඳහන් කළේය.

කොළඹ අරලියගහ මන්දිරයේ පැවැති මාධ්‍ය හමුවකදී මන්ත්‍රීවරයා මේ බව පැවසීය.