ජා-ඇල නගර සභාවේ හිටපු නගරාධිපතිවරයකු වු එල්.ජෝශප් එඩ්මන්ඩ් රණවීර ප්‍රනාන්දු මහතා පෙරේදා (28) අභාවප්‍රාප්ත විය.

මිය යන විට 81 හැවිරිදි වූ ඒ මහතා කදාන මැසනඩ් විද්‍යලයේ කීර්තිමත් ආදි ශිෂ්‍යයෙකි.

ජා-ඇල වික්ෂෝප මාතා දේවස්ථානයේ දායක සභාවේ ක්‍රියාකාරී සමාජිකයකු වු රණවීර ප්‍රනාන්දු මහතා වර්ෂ 1967 දී ක්‍රියාකාරී දේශපාලනයට ප්‍රවිශ්ඨ වී තිබේ.

නාගරික මන්ත්‍රීවරයෙකු, නගර සභාවේ විපක්ෂ නායකයකුවරයකු ලෙස කටයුතු කර ඇති රණවීර ප්‍රනාන්දු මහතා ජා-ඇල නගර සභාවට ස්වාධීන කණ්ඩායමක් ඉදිරිපත් කර එම කණ්ඩායම ජයග්‍රහණ කිරීමෙන් පසුව ජා-ඇල නගරාධිපතිවරයා ලෙස ප්‍රථම වරට පත් විය.

ජා-ඇල නගරයට අනූපමේය සේවයක් කර ඇති රණවීර ප්‍රනාන්දු මහතා පසුව ශ්‍රිලංකා නිදහස් පක්ෂයේ න් ජා-ඇල නගර සභාවට තරඟ කර දෙවන වරටද නගරාධිපතිවරයා ලෙස තේරී පත්විය.

ජා-ඇල කපාල කන්ද පාර රණවීර ප්‍රනාන්දු මහතාගේ නිවසේ තැන්පත් කර ඇති ඒ මහතාගේ දේහය අද (30)  කනුවන රෝමානු කතෝලික සුසාන භූමියේදී මිහිදන් කිරීමට නියමිතය.

(ජා-ඇල ප්‍රසංග පෙරේරා)