(ආරියරත්න රණබාහු)

ප්‍රවීණ ගුවන්විදුලි සහ රූපවාහිනි නිවේදිකාවක වූ රත්නා පුෂ්ප කුමාරි මහත්මිය අභාවප්‍රාප්ත වූවාය. මිය යන විට 61 වැනි වියේ පසු වූ ඇය දෙදරු මවක වූවාය.

මාස ගණනාවක සිට රෝගී තත්වයෙන් සිටි රත්නා කුමාරි මහත්මිය කොළඹ පෞද්ගලික රෝහලකදී මෙලෙස සමුගත්තාය.

90 දශකයේ ජාතික රූපවාහිනියේ ප්‍රධාන පුවත් ඉදිරිපත් කරමින් නිවේදිකාවක ලෙස ජනහදවත් දිනාගත් ඇය පසු කාලයක අන්තර්ජාල රූපවාහින් නාලිකා කීපයක වැඩ සටහන් මෙහෙයවන්නියක් ලෙස ද කටයුතු කළාය. 

දේහය හෙට (3)) සවස 6.00 සිට පසුදින සවස 4.00 දක්වා බොරැල්ල ජයරත්න මල්ශාලාවේ තැන්පත් කර තබයි. අවසන් කටයුතු අනිද්දා (31) පස්වරුවේ බොරැල්ල පොදු සුසාන භූමියේදී සිදු කෙරේ