(අංජුල මහික වීරරත්න)

පස්සර නිරෝධායනය මධ්‍යස්ථානයට යැවූ නිරූපණ ශිල්පිනී පියුමි හංසමාලි ඇතුළු පිරිසකගේ අමතර ඇඳුම් රැගෙන යාමට අවස්ථාවක් දෙන ලෙසට කළ ඉල්ලීමකට අනුව සානුකම්පිතව සලකා බසය තලංගම පොලිසියට රැගෙන ගොස් අදාළ ඇඳුම් බසයට ගැනීමට අවස්ථාවක් දුන් බව ද මහජන ආරක්ෂක අමාත්‍යංශය පවසයි. 

එම පිරිස නිරෝධායනට රැගෙන යමින් සිටියදී කළ ඉල්ලීමක් අනුව අමාත්‍ය සරත් වීරසේකර මහතා සානුකම්පිතව බලා අදාල අංශ දැනුවත් කර අවශ්‍ය ඇඳුම් පැළඳුම් ලබා ගැනීමට අවස්ථාවක් ලබා දුන් බව ද එම අමාත්‍යංශය කියයි.

නිරෝධායන නීති කඩමින් කොළඹ තරු පහේ හෝටලයකදී සාදයක් පැවැත්වීමේ චෝදනාව මත පියුමි හංසමාලි සහ චන්දිමාල් ජයසිංහ ඇතුළු 15 දෙනකුට අධිකරණයෙන් ඇප ලැබීමෙන් අනතුරුව පස්සර නිරෝධායන මධ්‍යස්ථානයට යොමු කිරීමට පොලිසිය පියවර ගත්තේය.

ඒ අයන අතර තුර ඔවුන් වෙනුවෙන් ඉදිරිපත් වු නීතිඥවරයකු,පියුමි හංසමාලි, චන්දිමාල් ජයසිංහ යන අය කළ ඉල්ලීමක් සැලකිල්ලට ගෙන  එම තිරණය ගත් බව මහජන ආරක්ෂක අමාත්‍යංශය පවසයි.