(යොහාන් භාසුර)

විදුලි ජනනය සඳහා ප්‍රමාණවත් ඉන්ධන සහ ජලය නොමැති වීම නිසා හෙට (5) ප්‍රදේශ රැසකට පැය 6 යි විනාඩි 30 ක් විදුලිය කප්පාදු කරන බව විදුලිබල මණ්ඩලය අද (4) පස්වරු පැවසීය.

‘ඒ’ සිට ‘එල්’ කලාප 12 ට පෙරවරු 8.00 සිට පස්වරු 5.00 දක්වා දහවල් කාලයේ පැය 4 ක් ද, පස්වරු 5.00 සිට රාත්‍රී 7.30 දක්වා පස්වරුවේ පැය 2 යි විනාඩි 30 ක් ද, විදුලිය කප්පාදු කරන බවත් ලංකා විදුලිබල මණ්ඩලය කීය.

‘පී’ සිට ‘ඩබ්ලිව්’ දක්වා කලාප අටට පෙරවරු 10.00 සිට පස්වරු 6.00 දක්වා දහවල් කාලයේ පැය 4 ක් ද, පස්වරු 6.00 සිට රාත්‍රී 11.00 දක්වා පස්වරු කාලයේ පැය 2 යි විනාඩි 30 ක් ද, විදුලිය කප්පාදු කරන බව එම මණ්ඩලය සඳහන් කළේය.

කොළඹ නගරයේ වාණිජ කලාපයේ විදුලි සැපයුම පෙරවරු 6.00 සිට පෙරවරු 9.30 දක්වා පැය 3 යි විනාඩි 30 ක් කප්පාදු කරන බව ද විදුලිබල මණ්ඩලය වැඩි දුරටත් කීය.