ඉන්දීය කොංග්‍රස් පක්ෂ සභාපති සෝනියා ගාන්ධි මහත්මිය කොරෝනා වෛරසයට එරෙහිව කටයුතු කිරීම සම්බන්ධයෙන් සිය යෝජනා ඉන්දීය අග්‍රාමාත්‍ය නරේන්ද්‍ර මෝදි මහතාට යොමු කර තිබේ.

මෝදි මහතාට ලිපියක් යොමු කරමින් මෙම යෝජනා ඇය ඉදිරිපත් කර ඇත.

දින 21 ක කාලයක් ඉන්දියාවේ සියලු කටයුතු නැවැත්වීමට ගත් තීරණය ඇය මෙහිදී අගය කර ඇත.

වෛරසයට එරෙහිව කටයුතු කිරීම සඳහා ගන්නා ඕනෑම ක්‍රියාමාර්ගයකට සහාය පළකරන බවද ඇය සඳහන් කර තිබේ.

මෙම තත්ත්වය හමුවේ හදිසි සුබසාධන ක්‍රියාමාර්ග ගන්නා ලෙස ද ඇය අවධාරණය කර තිබේ. 

-226-

(හින්දුස්ථාන් ටයිම්ස් ඇසුරෙනි)