( බිමල් ශ්‍යාමන්  ජයසිංහ )

ව්‍යාජ ලේඛන සකසා පරිහරණය කළ රුපියල් කෝටි 16 ක් සුඛෝභෝගී වාහන දෙකක් සමඟ  ද්විත්ව පුරවැසි භාවයක් හිමි පුද්ගලයෙකු අත්අඩංගුවට ගත් බව බස්නාහිර පළාත් උතුරු අපරාධ කොට්ඨාසය කියයි.

අත්අඩංගුවට ගත් සැකකරු බ්‍රිතාන්‍යයේ සහ මෙරට ද්විත්ව පුරවැසිභාවය ඇත්තෙකි.

එම සැකකරු සමඟ රේන්ජ් රෝවර් වර්ගයේ ජිෆ් රථයක් සහ බෙන්ස් වර්ගයේ මොටර් රථයක් පොලිස් භාරයට ගෙන ඇත. බස්නාහිර පළාත උතුරු අපරාධ කොට්ඨාසයේ අධ්‍යක්ෂකවරයාට ලද තොරතුරකට අනුව වැල්ලවත්ත සුපිරි නිවාස සංකීර්ණයකදී සැකකරු අත්අඩංගුවට ගෙන එම වාහන පොලිස් භාරයට ගෙන ඇත.

අත්අඩංගුවට ගන්නා අවස්ථාවේදී රේන්ජ් රෝවර් වර්ගයේ ජීප්රථය සැකකරු ව්‍යාජ අංක තහඩුවක් සවිකර පරිහරණය කරමින් සිටි බව පොලිසිය කියයි.