(සුජිත් හේවාජුලිගේ)

විශේෂඥ සුදර්ශණී ප්‍රනාන්දුපුල්ලේ රාජ්‍ය ඇමැතිවරිය සහ දයාසිරි ජයසේකර, ප්‍රියංකර ජයරත්න ලසන්ත අලගියවන්න සහ දුමින්ද දිසානායක රාජ්‍ය අමාත්‍යවරු එම අමාත්‍යධූරවලින් අද (4) ඉල්ලා අස්වූහ.

රටේ පැනනැගී ඇති අර්බුදකාරී තත්වය හමුවේ ජනතා විරෝධය ආණ්ඩුව දෙස යොමුවීම සැලකිල්ලට ගෙන තමා රාජ්‍ය අමාත්‍ය ධුරයෙන් ඉවත්වන බව සුදර්ශනී ප්‍රනාන්දුපුල්ලේ මහත්මිය ජනාධිපති ගෝඨාභය රාජපක්ෂ මහතාට ලිපියක් යවමින්  දැනුම් දුන්නාය.

රටේ ජනතාව ප්‍රශ්න රාශියකට මුහුණ දී සිටින අවස්ථාවක තවදුරටත් රාජ්‍ය අමාත්‍යධූරයක් දැරීමට සදාචාරාත්මක හැකියාවක් නැති බව තමාගේ අදහස යැයිද ඇය සඳහන් කළාය .

එසේම රාජ්‍ය අමාත්‍ය ධූරයේ තවදුරටත් කටයුතු කිරීම ප්‍රජාතන්ත්‍ර විරෝධී බවද ප්‍රනාන්දුපුල්ලේ මහත්මිය පැවසුවාය.

මේ අතර ශ්‍රී ලංකා නිදහස් පක්ෂය ආණ්ඩුවෙන් ඉවත්වී පාර්ලිමේන්තුවේ ස්වාධීනව කටයුතු කිරීමට දැනටමත් තීරණය කර ඇත.