(සුජිත් හේවාජුලිගේ සහ අංජුල මහික වීරරත්න )

රුපියල් කෝටියකට වැඩි මුදලක් වැය කර දඹුල්ල ප්‍රදේශයේ ඉදිකරන ලද ශීතාගාරයක් ප්‍රයෝජනයට නොගෙන අතහැර දමා ඇතැයි රජයේ ගිණුම් පිළිබඳ පාර්ලිමේන්තු කාරක සභාව(කෝපා කමිටුව ) පවසයි.

මෙම ශීතාගාරය ඉදිකර ඇත්තේ 2016 වර්ෂයේ අයවැය යෝජනාවක් අනුවය.

මේ සම්බන්ධයෙන් මෙම කමිටුව කෘෂිකර්ම දෙපාර්තමේන්තුවේ නිලධාරීන්ගෙන් ප්‍රශ්න කර ඇත. ජාතික ප්‍රතිපත්ති හා ආර්ථික කටයුතු අමාත්‍යාංශය නිසි ශක්‍යතා අධ්‍යයනයකින් තොරව මෙම ශීතාගාරය ඉදිකර ඇති බවත් එය ආහාර කොමසාරිස් දෙපාර්තමේන්තුව යටතේ පවතින බවත් එම නිලධාරීන් මෙහිදී ප්‍රකාශ කර ඇතැයි කෝපා කමිටු වාර්තාවක සඳහන් වේ.

මෙම ශීතාගාරය කෘෂිකාර්ම අමාත්‍යාංශය යටතට පවරා ගන්නා ලෙස කාරක සභාව නිර්දේශ කළේය.