(මනොප්රිය ගුණසේකර)
පාලන මිලට වඩා රුපියල් 10/-ක් වැඩි මිලට දේශිය නාඩු සහල් විකිණීම සහ පාලන මිලට වඩා රුපියල් 80/-ක් වැඩි මිලට දේශිය කිරී සම්බා සහල් විකිණීමේ චෝදනා යටතේ පවරා තිබු නඩු දෙකකට වරද පිළිගත් පිටකොටුවේ සහල් වෙළඳ ආයතනයකට කොළඹ අතිරේක මහෙස්ත්රාත් දර්ශිමා ප්රේමරත්න මහත්මිය රුපියල් ලක්ෂ 10ක දඩ නියම කළාය.
පාරිභෝගික කටයුතු අධිකාරියේ නාරාහේන්පිට දිස්ත්රික් කාර්යාලයෙන් සහ කොළම ප්රධාන කාර්යාලය මඟින් නඩු දෙකක් යටතේ පවරා තිබු චෝදනාවන්ට වරද පිළිගැනීම නිසා මෙලෙස දඩ නියම වුයේ පිටකොටුව පරණ යොන් වීදීයේ ‘කින්ග් ෆිෂර්’ මාර්කටින් නමැති ආයකනයටය.
දේශිය නාඩු සහල් කිලෝව සඳහා රුපියල් 230/-ක උපරීම සිල්ලර මිලක් නියම කර තිබියදී මෙන්ම දේශිය නාඩු සහල් කිලෝව රුපියල් 230/-ක මිලට වඩා වැඩි මිලට අලෙවි නොකළ යුතු බවට නියම කර තිබියදී 2026 ජනවාරී මස 29 වැනිදා හෝ ඊට ආසන්න දිනයක කොළඹ පිටකොටුවේදී ‘නිව් රත්න’ දේශිය නාඩු සහල් කිලෝ 05 බෑගය රුපියල් 1200/-ක මිලට හෙවත් දේශිය නාඩු සහල් කිලෝව රුපියල් 240/-ක මිලට විකූණු බවට විත්තිකාර සමාගමට එරෙහිව පාරිභෝගික කටයුතු අධිකාරියේ නාරාහේන්පිට දිස්ත්රික් කාර්යාලය විසින් නඩුවක් පවරා තිබිණී.
COMMENTS
Reply To:
Sisira - cb chds hcdsh cdshcsdchdhd
මෙම පසුගිය මාස හයක කාලය තුළ අපි කිලෝග්රෑම් 10ක සහල් මල්ලක් ආසන්න වශයෙන් රුපියල් 3,900කට මිලදී ගනිමින් සිටිමු. මිලෙහි සුළු වෙනස්කම් කිහිපයක් තිබුණද, සාමාන්යයෙන් එය කිලෝග්රෑමයකට රුපියල් 390ක් පමණ වේ. එහෙත්, කීරි සම්බා සහල් සඳහා රජය නියම කර ඇති පාලිත මිල කිලෝග්රෑමයකට රුපියල් 260ක් වන අතර, එමඟින් පාරිභෝගිකයන් නිල වශයෙන් නියම කර ඇති මිලට වඩා කිලෝග්රෑමයකට රුපියල් 130ක් පමණ අතිරේකව ගෙවීමට සිදුවී ඇත. මෙය බරපතළ ප්රශ්නයක් මතු කරයි. අධික මිල ගණන්වලින් පාරිභෝගිකයන් ආරක්ෂා කිරීමේදී රජය සහ එහි නියාමන ආයතන කොතැනද? අත්යවශ්ය භාණ්ඩවල මිල පාලනය කරන බවට නැවත නැවතත් සහතික හා පොරොන්දු ලබා දුන්නද, සාමාන්ය ජනතාව අත්විඳින යථාර්ථය ඊට වඩා බෙහෙවින් වෙනස්ය. ජීවන වියදම අඛණ්ඩව ඉහළ යන අතර, පාරිභෝගිකයන් එහි බර තවදුරටත් දරාගෙන සිටිති. එමෙන්ම, නීති ක්රියාත්මක කිරීම සහ මිල පාලනය පිළිබඳ ඵලදායී පියවරයන් දක්නට නොලැබේ. අවාසනාවකට මෙන්, ජනතාවට ලබා දී ඇති බොහෝ පොරොන්දු තවමත් ඉටු වී නොමැති අතර, එම නිසා ජනතාව අතර බලාපොරොත්තු කඩවීම, කලකිරීම සහ අප්රසාදය වැඩිවෙමින් පවතී.