(ඩයනා උදයංගනී)

විදේශ දික්කසාද ලියාපදිංචි කිරීම, විවාහ ශුන්‍යතාව හෝ අධිකරණමය වෙන්වීම් පිළිගැනීම සම්බන්ධයෙන් අලුතින් නීති හඳුන්වාදීම සඳහා විවාහ ලියාපදිංචි කිරීමේ පනත සංශෝධනය කිරීමට අමාත්‍ය මණ්ඩල අනුමැතිය හිමිව ඇත.

ඒ අනුව විදේශ දික්කසාද ලියාපදිංචි කිරීම, විවාහ ශුන්‍යතාව හෝ අධිකරණමය වෙන්වීම් පිළිගැනීම සම්බන්ධයෙන් අලුතින් නීති හඳුන්වාදීම සඳහා අමාත්‍ය මණ්ඩල අනුමැතිය ලබාදී ඇති බවත්, ඒ අනුව නීති කෙටුම්පත් සම්පාදක විසින් පනත් කෙටුම්පතක් සකස් කරමින් පවතින බවත් සම කැබිනට් ප්‍රකාශක වැවිලි අමාත්‍ය, වෛද්‍ය රමේෂ් පතිරණ මහතා පැවසීය.

විවාහ ලියාපදිංචි කිරීමේ ආඥාපනතේ විවාහ ලියාපදිංචි කිරීම සපුරාලිය යුතු නියමයන් ඇතුළත්විය යුතු අතර, විදේශ දික්කසාද ලියාපදිංචි කිරීම, විවාහ ශුන්‍යතාව හෝ අධිකරණමය වෙන්වීම් පිළිගැනීම සඳහා විධිවිධාන එහි ඇතුළත්ව නොමැකි බැවින් එය සංශෝධනය කිරීමට නියමිත බව ඇමතිවරයා කීවේය.

රමේෂ් පතිරණ මහතා මේ බව පැවසුවේ රජයේ ප්‍රවෘත්ති දෙපාර්තමේන්තුවේදී අද (22) පැවති කැබිනට් තීරණ දැනුම්දීමේ මාධ්‍ය හමුව අමතමිනි.

මීට අමතරව සහ අන්තිම කැමති ආඥාපනත, අවලංගු කළ නොහැකි තෑගි ඔප්පු බලවත් අකෘතඥතාව මත අවලංගු කිරීමේ පනත සහ අන්තරායකර සත්ව ආඥා පනත සංශෝධනය කිරීම සඳහා ද අමාත්‍ය මණ්ඩල හිමිව ඇත.

අධිකරණ අමාත්‍ය අලි සබි්‍ර මහතා ඉදිරිපත් කළ යෝජනාවන්ට මෙම අනුමැතිය හිමිව තිබේ.