(සමන් පාලිත නානායක්කාර)

ඉන්ධන ලබා දෙන ලෙස ඉල්ලා අද 30 බණ්ඩාරවෙල බදුල්ල මාර්ගය බණ්ඩාරවෙල නගරය ආසන්නයේදී හරස් කර රියදුරන් ඇතුළු ප්‍රදේශවාසීහු විශාල පිරිසක් විරෝධතාවක නිරත වී සිටිති.

ක්‍රීඩා හා යෞවන කටයුතු අමාත්‍ය නාමල් රාජපක්ෂ මහතා අද බණ්ඩාරවෙල ක්‍රීඩා පිටිය විවෘත කිරීමට පැමිණීමට නියමිතය සිටියද ජනතා විරෝධය මධ්‍යයේ ඇමතිවරයා ක්‍රීඩාපිටිය විවෘත කිරීමේ අවස්ථාවට නොපැමිණියේය.

බණ්ඩාරවෙල බදුල්ල මාර්ගයේ ගමනාගමනයට දැඩි බාධා ඇති වී තිබේ.

මාර්ගය අවහිර වන පරිදි වාහන නතර කර තැබීමට කටයුතු කළ විරෝධතා කරුවෝ ඉන්ධන ඉල්ලා උද්ඝෝෂණය කරති.

බණ්ඩාරවෙල පොලීසිය පිරිස විසුරුවා හැරීමට කටයුතු කරමින් සිටිති.

​