(ඉන්දිකා  රාමනායක)

මාවනැල්ල ප්‍රදේශයේ මත්පැන් හලකට රුපියල්   1000 ව්‍යාජ නෝට්ටුවක්   ලබා දී මත්පැන් බෝතලයක් ලබා ගැනීමත් තැත්කළ හිටපු පොලිස් කොස්තාපල්වරයකු  අත්අඩංගුවට ගත් බව මාවනැල්ල පොලිසිය කියයි.

සැකකරු මාවැල්ල ප්‍රදේශයේ පදිංචි (36) හැවිරිදි පුද්ගලයකු බවත් ,2011  වසරේ ගිරාදුරුකෝට්ටේ  පොලිස් ස්ථානයට අනුයුක්තව රාජකාරි කරමින සිටියදී ස්ත්‍රි දුෂණයකට වැරදිකරුවී වැඩතහනමක් ලක් වු අයකු බවද පොලිසිය පවසයි.

මොහු ඊයේ  (26) සවස් 7.00 ට පමණ රුපියල් 1000 ව්‍යාජ නෝට්ටුවක් ලබා දී   රජයේ මත්පැන්    ලබා ගැනීමට උත්සහ කිරීමේ දී මත්පැන්හලේ සේවකයන්  ඔහු ලබාදුන් නොට්ටුව සම්බන්ධයෙන් සැකසිතී  සැකකරු රඳවා තබාගෙන මාවනැල්ල පොලිසිය කැඳවා සැකකරු බාරදුන්  බව පොලිසිය පවසයි.

පොලිස් අත්අඩංගුවට පත් වු සැකකරු  පරීක්ෂා කිරීමේ දී ඔහු සන්තකයේ තවත් රුපියල් 1000 ව්‍යාජ නෝට්ටුවක් සොයාගෙන ඇත.