(යොහාන් භාසුර)

ලිහිසි තෙල් කර්මාන්තයේ ඡායාමාත්‍ර නියාමන බලතල ශ්‍රී ලංකා මහජන උපයෝගිතා කොමිෂන් සභාවෙන් ඉවත්කිරීමට විදුලිබල හා බලශක්ති අමාත්‍යංශය කැබිනට් පත්‍රිකාවක් සකස් කර ඇතැයි එම කොමිෂන් සභාවේ සභාපති ජනක රත්නායක මහතා පැවසීය.  

ලිහිසි තෙල් කර්මාන්තයේ නියාමන කටයුතු සදහා ලිහිසි තෙල් කර්මාන්තකරුවන් මහජන උපයෝගිතා කොමිෂන් සභාවට 2006 වසරේ සිට ගෙවු දායක මුදල් මහ භාණ්ඩාගාරයට ලබාගැනීමට අදාල කැබිනට් පත්‍රිකාව ඕස්සේ කිසිදු තර්කානුකූල පදනමකින් තොරව කටයුතු කර ඇති බවත් ලිහිසි තෙල් වෙළඳපොළ නියාමනය කිරීම සඳහා බදු ගෙවීමක් හරහා මහජන උපයෝගිතා කොමිසම වෙත අරමුදල් සපයනු ලබන බවත් ඒ මහතා කීය.