(විමුක්ති එස් රුද්‍රිගු) 

ශ්‍රී ලංකාවේ දළ දේශීය නිෂ්පාදිතය  2021 වසරේ සියයට 3.3 ක වර් ධනයක් පෙන්නුම් කර ඇති බවත් නැවතත් එවැනි වර් ධනයක් බලාපොරොත්තු විය හැක්කේ 2027 වසරේ බවත් ජාත්‍යන්තර මූල්‍ය අරමුදල නිකුත් කළ නවතම වාර් තාවේ දැක්වේ.

නමුත් මෙම වසර ආරම්භයේදී ශ්‍රී ලංකාවේ දළ දේශීය නිෂ්පාදිතය සියයට 2.7 කින් වර් ධනය වනු ඇතැයි ජාත්‍යන්තර මූල්‍ය අරමුදල පුරෝකථනය කළේය.

මේ වසරේදී සියයට 8.7 කින් හැකිළුණු ශ්‍රී ලංකාවේ දළ දේශීය නිෂ්පාදිතය ලබන වසරේදී සියයට 3 කින් හැකිළෙනු ඇතැයි ජාත්‍යන්තර මූල්‍ය අරමුදල ශ්‍රී ලංකාවේ ආර්ථිකය පිළිබඳ නිකුත් කළ නවතම වාර් තාවේ දැක්වේ.

එසේම ලෝක බැංකුවද ශ්‍රී ලංකවේ දළ දේශීය නිෂ්පාදිතය මෙම වසරේ සියයට 9.2 කින් පහත වැටෙනු ඇති බවත් ලබන වසරේ සියයට 4.2 කින් පහත වැටෙනු ඇති බවත් පසුගිය දා ප්‍රකාශ කළේය.