(සුජිත් හේවාජුලිගේ)

රජයේ රස පරීක්ෂක දෙපාර්තමේන්තුවේ නිලධාරිනියක පශ්චාත් උපාධි පාඨමාලාවක් හැදෑරීම සඳහා විදේශ නිවාඩු ලබා ගොස් ආපසු නොපැමිණීම නිසා රජයට රුපියල් කෝටියකට ආසන්න මුදලක් පාඩුවී ඇතැයි ජාතික විගණන කාර්යාලය නිකුත් කළ වාර්තාවක සඳහන් වේ.

එම නිලධාරිනියට ඒ කාල සීමාවේදී රුපියල් අනූ දෙලක්ෂයකට වැඩි වැටුප් ගෙවා තිබූ බව පවසන වාර්තාව ලැප්ටොප් පරිගණකයක් ඇතුළු දේපළ ලබා ගැනීමෙන්ද ඇය රජයට පාඩුවක් කර ඇතැයි සඳහන් කරයි.

ආයතන සංග්‍රහයේ 4.12 වගන්තිය ප්‍රකාරව අත්සන් කර තිබූ ඇප බැඳුම්කරය අනුව ඇපකරුවන්ගෙන් හෝ එම මුදල් අයකරගැනීමට කටයුතු කර නොතිබූ බවද විගණන නිලධාරීහු පෙන්වා දෙති.