(අංජුල මහික වීරරත්න සහ සුජිත් හේවාජුලිගෙ)

රට වෙනුවෙන් හොඳම ගිවිසුම ලබා ගන්නට විපක්ෂය සහයෝගය දෙන බව  විපක්ෂ නායක  සජිත් ප්‍රේමදාස මහතා පාර්ලිමේන්තුවේදී පැවසීය.

 රටේ අපනයන වලින් 26.4%ක ගමනාන්තයක් ලෙස ඇමෙරිකා එක්සත් ජනපදය හැඳින්විය හැකි බව කී විපක්ෂ නායකවරයා ඇගලුම් ක්ෂේත්‍රයේ ද 60%ක ගමනාන්තය ඇමෙරිකාව බව කීය.

"මෙම බදු පැනවීම 44% සිට 30% දක්වා අඩු වීම හොඳ වුවත් අප සමග අපනයන තරඟකාරීත්වය ඇති රටවල් සමඟ සාපේක්ෂාව ලැබූ බදු සහන ගැනත් සිතිය යුතුයි.

ජපානය 25%ක්, මෝල්ඩෝව 25%ක් බෘනයි 25%ක් ද.කොරියාව සහ කසකස්ථාන් ද 25%ක්, ඉන්දියාව 26%ක් දක්වා බදු අඩු කර ගෙන ඇති බවද විපක්ෂ නායකවරයා කීය.