(අංජුල මහික වීරරත්න)
විගමණික ශ්රමිකයින්ට ශ්රි ලංකා විදේශ සේවා නියුක්ති කාර්යාංශය මගින් සිංහල හා දමිල අලුත් අවුරුද්ද වෙනුවෙන් රුපියල් 10,000 ක මුදලක් ලබාදෙන බව පවසා බොරු ප්රචාරයක් යවා ඇතැයි විදේශ සේවා නියුක්ති කාර්යාංශය පවසයි.
විදේශ රටක සිට ක්රියාත්මක කරන Youtube නාලිකාවක් මගින් මෙම ප්රචාරය සිදුකර ඇතැයි ද කාර්යාංශය කියයි.
විගමණික ශ්රමිකයින්ගේ ගමන් බලපත්රයේ පිටපතක්, දිවයිනේ පිහිටි ඕනෑම කාර්යාංශයේ කාර්යාලයකට යොමුකරන ලෙස අදාළ වීඩියෝව මගින් ප්රචාරය කර තිබෙන බව කියන කාර්යංශය එවැනි නිවේදනයක් කිසිඳු අවස්ථාවක නිකුත් කර නොමැති අතර, වංචනික ක්රියාවට හසුනොවන ලෙස මහජනතාවගෙන් ඉල්ලා සිටින බවද පවසයි.
මෙවැනි බොරු ප්රචාර යවන අයට එරෙහිව ඉදිරියේ දී නීතිය ක්රියාත්මක කරන බවද කාර්යාංශය වැඩිදුරටත් සඳහන් කරයි.
COMMENTS
කොහොමත් විදේශ සේවා එකෙන් එහෙම දෙයක් නොකරන වග කවුරුත් දන්න නිසා ඒ ගැන කළබල විය යුතු නෑ.
විදේශ සේවා නියුක්ති කාර්යාංශය ශ්රමිකයන් සූරාකන, පස්සෙන් එලවාගෙන ගිහින් දඩ ගහන, එම මුදලින් නිලධාරීන් පෝෂණය වන ආයතනයක් මිසක්, ශ්රමිකයාට ප්රතිලාභයක් නොවන ආයතනයක් බව කවුරුත් දනිති. මේ බව කොරෝනා ව්යවසන අවස්ථාවේ පැහැදිලිවම දකින්න ලැබුණා. නමුත් මෙවැනි බොරු කියා අසරණ ශ්රමිකයා නිකරුනේ රස්තියාදු කරන ඉතා පහත් ක්රියාවකි..
රජයේ අනුමත ගාස්තුවට වඩා තුන් හතර ගුණයක් රුමේනියාවට සයිප්රස් ඇතුළුව රටවල් ගණනාවකට අය කරනවා.. කිසිඳු නීතිමය පියවරක් නෑ. මේවාට විරුද්ධව අල්ලස් කොමිසමට පැමිණිලි කිරීමට හැකියාව ජනතාව දැනුවත් කිරීම යහපත්ය...