(ඩයනා උදයංගනී)
රැකියා විරහිත උපාධිධාරීන්ට රැකියා ලබා දීමේදී වයස් සීමා කොන්දේසිය, සේවක අර්ථසාධක අරමුදල් හිමිවීම මත රැකියා නොලැබීම ආදී හේතු මත රැකියා අවස්ථා අහිමිවූ උපාධිධාරීන් සංවිධානය කළ උද්ඝෝෂණ හා සත්යග්රහ කිහිපයක් කොළඹ දී අද (5) පැවැත්විණි
අසාධාරණයට ලක්වූ උපාධිධාරීන්ට වහා රැකියා ලබා දෙන ලෙස ඇතුළු තවත් ඉල්ලීම් කිහිපයක් මුල්කරගනිමින් රැකියා විරහිත පාධිධාරී ඒකාබද්ධ මධ්යස්ථානය සංවිධානය කළ උද්ඝෝෂණයක් අද 5 පෙරවරුවේ කොටුව දුම්රිය ස්ථානය ඉදිරිපිට පැවැති අතර, රැකියාලාභී උපාධිධාරීන්ගේ ලැයිස්තුවේ නම් ඇතුළත්ව තිබී පසුව ඉවත් කෙරුණු උපාධිධාරීන් සංවිධානය කළ උද්ඝෝෂණයක් රාජ්ය සේවා, පළාත් සභා හා පළාත් පාලන අමාත්යාංශය ඉදිරිපිටදී පැවැත්විණි.
මීට අමතරව ගුරු පුරප්පාඩු පිරවීම සඳහා උපාධිධාරීන් බඳවා ගැනීමේදී වයස අවුරුදු 35ට වැඩි අය බඳවා නොගැනීම සම්බන්ධයෙන් විරෝධය පා සංවර්ධන නිලධාරී සේවා සංගමය ද බත්තරමුල්ල 'ඉසුරුපාය' අධ්යාපන අමාත්යාංශය ඉදිරිපිට දී උද්ඝෝෂණයක් සංවිධානය කර තිබිණි.
තම ඉල්ලීම් ඉටුවන තුරු අඛණ්ඩව විරෝධතා දක්වන බව ඒවාට එක්ව සිටි උපාධිධාරීහු පැවසූහ.
(ඡායාරූප: ජයමාල් චන්ද්රසිරි)
(ඡායාරූප ගයාන් අමරසේකර)
(ඡායාරූප: ළහිරු හර්ෂණ)
COMMENTS
Reply To:
Sisira - cb chds hcdsh cdshcsdchdhd
ඇත්තටම ඔය විදියට රජයේ රැකියා දෙන්න මේ රටට බැහැ. අනිත් අතට කිහිප දෙනෙකුට නීති විරෝධී ලෙස දෙන අධ්යක්ෂ තනතුරක් හැරෙන්නට රජයේ රැකියා අතෘප්තිකරයි. එයට හේතුව වැටුප් මදි නිසා නොවේ. ප්රධාන කරුණ නම් සැලැස්මක් නැතිව සතුටු සාමිච්චියේ කිරිබත් කන සංස්කෘතියට ලැදි අය වැඩිවීමත් අක්රමවත් උසස්වීමේ ක්රමයි. කාර්යාල සේව සහයකලාට මෙය හොඳ වුනාට උපාධිධාරීන්ට මෙය තම නිපුනතාවයන් අපතේ යැවීමකි.එතෙර පුහුණු ශ්රමික රැකියා ඉලක්ක කොටගෙන මොවුන්ට අවුරුදු දෙකක රැකියා අත්දැකීමට අවස්ථාව ලබාදෙන්න. රටේ මුදල් මින් ඉතිරිවනවා වගේම මිළ මුදල් යහමින් ඇති තරුණ උපාධිධරයන් මින් බිහිවේ.