(විමුක්ති එස් රුද්‍රිගු- රොයිටර්)

අමෙරිකාවේ නිව්යෝර්ක් නුවර රූ රැජිනක්  සුඛෝපභෝගී  නිවාස සංකීර්ණයක ඉහළ මහළින්  පැන දිවි නසාගෙන ඇති බව වාර්තා වේ.

30 හැවිරිදි චෙස්ලී ක්‍රිස්ට් නමැති ඇය  මහල්  60 ක්  ඇති  එම නිවාස සංකීරණයේ 9 වැනි මහලේ ජීවත් වූ තැනැත්තියකි .ඇය  2002 වසරේ මිසිස් නෝර්ත් කැරොලයිනා සුරූපිනිය  ලෙස කිරුළු පැලඳී  අයෙකි .එමෙන්ම ඇය  වෘත්තිය නීතිඥවරියකි  .

ක්‍ර්‍රිිස්ට් ගේ  සිරුර උදෑසන 7.15 ට  පමණ නිවාස සංකීරණය අසල පිහිටි මං තීරුවක තිබියදී හමුවී ඇති අතර ඊට පෙර ඇය එම ගොඩනැගිල්ලේ 29වැනි මහලේ  සිටින අයුරු සමහරු දැක තිබේ.

ඇයගේ මරණය සම්බන්ධයෙන්  නිව්යෝර්ක් පොලිස් දෙපාර්තමේන්තුව නිවේදනය කර ඇත්තේ  එය  දිවි නසාගැනීමක් බවය. 

ක්‍රිස්ට් සිය දේපල  මවට පවරමින් ලිපියක් ලියා තබා  දිවිනසාගෙන  ඇති අතර, එම ලිපියේ මෙසේ සියදිවි නසා ගැනීමට හේතුවක් සදහන් කර නොමැති බව  මාධ්‍ය වාර්තා සඳහන් කරයි .

”අද දින ඔබට සාමය සහ නිදහස ගෙනෙනු ඇත,” යනුවෙන් ඇය විසින් සිය ඉන්ස්ටග්‍රෑම් පිටුවෙහි සඳහන් කර ඇත්තේ මියයෑමට සුළු මොහොතකට පෙරය.