(ඉන්දිකා රාමනායක සහ ශ්‍රීනාත් ප්‍රසන්න ජයසූරිය)

ඩෙල්ෆ්ට් ජැටිය ආසන්නයේ නිවසක් තුළ කපා කොටා ඝාතනය කළ පුද්ගලයන් පස් දෙනෙකුගේ මළ සිරුරු අද (22) දහවල් සොයාගත් බව පොලිසිය පවසයි.

මියගිය පිරිස අතර පිරිමි පුද්ගලයන් දෙදෙනකු සහ සහ කාන්තාවන් තිදෙනකු සිටින බවත්, ඔවුන් ඥාතීන් බවත් පොලිසිය කියයි.

මෙම පිරිස අතර නිවසේ අඹු සැමි යුවළ ද සිටින බව පොලීසිය පවසයි.

සිද්ධියෙන් තවත් කාන්තාවක් බරපතළ කැපුම් තුවාල ලබා යාපනය රෝහලේ ප්‍රතිකාර ලබමින් පසුවෙයි.

මෙම ඝාතන ඊයේ (21) රාත්‍රියේ හෝ අද (22)සිදුකරන්නට ඇති බවට පොලීසිය සැකකරයි.

ඝාතනයට ලක්වූ සියලු පිරිස වයස අවුරුදු 60 ට වැඩි පිරිසක් බවත්, ඝාතනයට ලක් වූ අඹුසැමි යුවළට අමතරව සෙසු පිරිස කෝවිලේ උත්සවයකට පැමිණ සිටි ඥාතීන් පිරිසක් වන බව පොලිසිය කියයි.