(විමුක්ති එස් රුද්‍රිගු)

පලස්තීන සහ ඊශ්‍රායල වැසියන්ගේ මානව හිමිකම් ආරක්ෂා කරන ලෙස ඉල්ලමින් නව ජනතා පෙරමුණ මෙරට එක්සත් ජාතීන්ගේ කාර්යාලය ඉදිරිපිට විරෝධතාවයක නිරත විණ.

එහිදී ත්‍රස්තවාදී ක්‍රියා නතර කිරීමට මෙන්ම දෙරටේ ජනතාවගේ ජීවත් වීමේ අයිතිය තහවුරු කිරීමට මැදහත් වන ලෙස එක්සත් ජාතීන්ගේ සංවිධානයෙන් විරෝධතාකරුවන් ඉල්ලා සිටියේය.එසේම දෙරටේ සිවිල් වැසියන් අමු අමුවේ ඝාතනය කිරීමද නතර කිරීමටද මැදහත් වන ලෙස එක්සත් ජාතීන්ගේ සංවිධානයෙන් ඔවුන් ඉල්ලීමක් කළේය.

පලස්තීනය සහ ඊශ්‍රායලය සඳහා දෙබිඩි පිළිවෙතක් අනුගමනය නොකරන ලෙසද විරෝධතාකරුවන් එක්සත් ජාතීන්ගේ සංවිධානයට දැනුම් දුන්නේය.එසේම ඉතා ඉක්මණින් මෙම ගැටලුවට මැදහත් වන ලෙස ජාත්‍යන්තර අධිකරණයෙන් විරෝධතාකරුවන් ඉල්ලීමක්ද කළේය.

(ඡායාරූප: ශාන්ත රත්නායක)