(යොහාන් භාසුර)

දුම්රිය නීති උල්ලංඝණය කරමින් දුම්රිය තුළ යාචක වෘත්තියේ සහ වෙළෙදාමේ යෙදුණු පුද්ගලයන් 15ක් පසුගිය සති දෙක තුළ භාරයට ගෙන අධිකරණයට ඉදිරිපත් කළ බව දුම්රිය දෙපාර්තමේන්තුවේ උසස් නිලධාරියෙක් පැවසීය.

මෙම පුද්ගලයන්ට යාචක වෘත්තියේ සහ වෙළෙදාමේ යෙදීම සඳහා දුම්රිය සීමාවට ඇතුල්වීම තහනම් කරමින් අධිකරණය තහනමක් පැනවූ බවත් මෙම පුද්ගලයන් අවස්ථා දෙකකදී මුහුදුබඩ මාර්ගයේ සහ ප්‍රධාන මාර්ගයේදී භාරයට ගත් බවත් බව ද දුම්රිය දෙපාර්තමේන්තුව කියයි.

දුම්රිය ආරක්‍ෂක අධිකාරී අනුර ප්‍රේමරත්න මහතා ඇතුළු නිලධාරීහූ මෙම මෙහෙයුම් ක්‍රියාත්මක කළහ.