(නිමල කොඩිතුවක්කු)

ජනතාව ඉල්ලා සිටින මැතිවරණය ලබා නොදුන්නොත් මහපාරේ ප්‍රජාතන්ත්‍රවාදී සාමකාමී අරගලයක් සිදු කර මැතිවරණය කෙසේ හෝ ලබා ගන්නා බව විපක්ෂ නායක සජිත් ප්‍රේමදාස මහතා පැවසීය.

මැතිවරණය ලැබෙන තුරු මහ පාරේ අඛණ්ඩ ජන අරගලයක් ආරම්භ කර රටේ ජනතාවගේ සර්වජන ඡන්ද බලය ලබා ගන්නා බවත් විපක්ෂ නායකවරයා සඳහන් කළේය.

රට විනාශ කළ රාජපක්ෂලා අරගලයකින් එලවා දැමුවත් ඉන්පසුව පත් වූ රාජපක්ෂ හෙවනැලි ආණ්ඩුව සහ රාජපක්ෂලාගේ රූකඩයක් වූ ජනාධිපතිවරයා තව දුරටත් රට විනාශ මුඛයට ඇදගෙන ගිය බවත් කඹුරුපිටියේ දී පැවති ජන හමුවකට එක්වෙමින් ඔහු පැවසීය.