(අංජුල මහික වීරරත්න)

ශ්‍රී ලංකාවේ කෘෂිකාර්මික පර්යේෂණ ප්‍රතිපත්ති සභාව සහ මැලේසියාවේ කෘෂිකාර්මික පර්යේෂණ හා සංවර්ධන ආයතනය අතර ක්‍රියාකාරී සැලැස්මක් අත්සන් තැබීමට කැබිනට් අනුමැතිය ලැබී ඇත.

මැලේසියාවේ කෘෂිකාර්මික පර්යේෂණ හා සංවර්ධන ආයතනය සහ ශ්‍රී ලංකාවේ කෘෂිකාර්මික පර්යේෂණ ප්‍රතිපත්ති සභාව අතර විද්‍යාත්මක සහයෝගිතාව විධිමත්ව පවත්වා ගෙන යාමේ අරමුණින් 2016 වර්ෂයේ දී අත්සන් කරනු ලැබූ අවබෝධතා ගිවිසුම තවත් වසර පහකින් දීර්ඝ කිරීම පිණිස 2023-05-29 දින පැවැති අමාත්‍ය මණ්ඩල රැස්වීමේ දී අනුමැතිය ලබා දී ඇත. 

එකී අවබෝධතා ගිවිසුම අනුව, දෙපාර්ශ්වය අතර වසර පහක් (05) සඳහා ක්‍රියාකාරී සැලැස්මක් අත්සන් තැබීම පිණිස එකඟතාවකට පැමිණ තිබේ. එකී ක්‍රියාකාරී සැලැස්ම අත්සන් තැබීම පිණිස කෘෂිකර්ම, පශු සම්පත්, ඉඩම සහ වාරිමාර්ග අමාත්‍යවරයා  ඉදිරිපත් කළ යෝජනාව සඳහා අමාත්‍ය මණ්ඩලයේ එකඟතාව ලබා දීමට තීරණය කරන ලදී.