(ආරියරත්න රණබාහු)

මේ වන විට ජාතික ජන බලවේගයට එරෙහිව විවිධ අසත්‍යය චෝදනා සහ මිථ්‍යා කථා සමාජය තුළ පැතිරවීමට ඇතැම් පිරිස් කටයුතු කරන බැවින් ඒවාට අසු නොවන ලෙස ජනතාවගෙන් ඉල්ලා සිටින බව එම පක්ෂයේ නායක  ජනාධිපති අපේක්ෂක පාර්ලිමේන්තු මන්ත්‍රී අනුර කුමාර දිසානායක මහතා  අද(19) පැවැති මාධ්‍ය හමුවකදී පැවසීය

පසුගිය දිනක දකුණු පළාතේපැවති මාලිමාවේප්‍රචාරක රැලි වලට අති විශාල ජනතාවක් රොද බැඳ ගත්  ආකාරය  දැකීමෙන් සතුරු පාර්ශවය ඉතාවේගයෙන් කලබල වී ඇතැයි පැවසූ දිසානායක මහතා එම නිසාම ඔවුන් තම පක්ෂයට එල්ල කරන ප්‍රහාර සහ  අභූත චෝදනා වැඩිකර ඇතැයිද කීය.

එයින් එක් පිරිසක් නගන  ප්‍රධාන චෝදනා අතර තම පක්ෂය බලයට පැමිණියහොත් පෙරහැරවල් තහනම් කිරීම ආගමික හා සංස්කෘතික උත්සව   පැවැත්වීමට ඉඩ නොදීම කර්මාන්ත ශාලා සහ ව්‍යාපාර පවරා ගැනීම ආදිය බව කී  දිසානායක මහතා  මේවා පට්ටපල් බොරු බවත් මේ රටේ පවත්ව න. ඕනෑම ආගමික සංස්කෘතික කටයුත්තක් පවතින ආකාරයෙන් නිදහස්ව පැවැත්වීමට ඉඩ දෙන බවද ව්‍යාපාර සහ  කර්මාන්තශාලා  දියුණු කිරීම සඳහා රජයක් මඟින් කළ යුතු සියලු ආධාර උපකාර කරන බවද පැවසීය.

ජාතික ජන බලවේගය ජයග්‍රහණය කිරීමෙන් පසු කිසිදු ප්‍රතිවිරුද්ධ පාක්ෂිකයෙකුට නියතුඩක හෝ හානියක් වීමට නොතබන බවද ඒ සියලු වගකීම පක්ෂයක් ලෙස භාරගන්නා බවද හෙතෙම අවධාරණය කළේය.

බත්තරමුල්ල පැලවත්ත ජනතා විමුක්ති පෙරමුණේ ප්‍රධාන කාර්යාලයේ අද පෙරවරුවේ පැවති මාධ්‍ය හමුවේදී ඒ මහතා මෙම අදහස් පළ කළේය