(ටි. එල්. ජව්ෆර්කාන්)

කාත්තන්කුඩි පොලිස් වසමට අයත් මඩකලපුවේ ආරයම්පතිහි පිහිටි ප්රිසිද්ධ පෞද්ගලික ඇඟලුම් කම්හලකට අයත් බස් රථයක පිටුපස රෝදයට යටවී තුන් හැවිරිදි පිරිමි ළමයෙකු ඊයේ (30) සවස ජීවිතක්ෂයට පත් වූ බව කාත්තන්කුඩි පොලිසිය පවසයි. 

මෙලෙස ජීවිතක්ෂයට පත්ව ඇත්තේ ආරියම්පති ප්ර දේශයේ පදිංචිව සිටි ප්රාසාද් රිකේෂ්වරම් නැමති තුන්හැවිරිදි පිරිමි ළමයෙකි.

මියගිය දරුවා ඇඟලුම් කම්හලේ සේවය කරන තම මව සමඟ ඇඟලුම් කම්හල නැරඹීමට ගොස් ඇති අතර මවගේ පිටුපසින් පැමිණි දරුවා එම ඇඟලුම් කම්හල ඉදිරිපිට නවතා තිබූ බස් රථයක පිටුපස රෝදයට යටවි මියගොස් ඇති බව පොලිසිය පවසයි.

කාත්තන්කුඩි පොලිසිය වැඩිදුර පරීක්ෂණ පවත්වයි.