(ප්‍රසාද් රුක්මල්)

උඩරට දුම්රිය මාර්ගයේ දෙමෝදර සහ ඇල්ල දුම්රිය ස්ථාන අතර දුම්රිය මාර්ගයට අද (27) අලුයම විශාල පයිනස් ගස්  කඩා වැටීම නිසා දුම්රිය ධාවනයට බාධා සිදුව ඇතයි දුම්රිය දෙපාර්තමේන්තුව පවසයි .

බදුල්ල සිට කොළඹ කොටුව බලා අද (27)අලුයම  ගමන් ආරම්භ කළ  උඩරට මැණිකේ දුම්රියේ රියදුරු දුර සිට මාර්ගයට කඩා වැටී තිබු ගස් දැක දුම්රිය නවතා ගැනිම නිසාවෙන් සිදු වීමට ගිය විශාල අනතුරක් වලකා ගැනිමට සමත් වූ බවත් දුම්රිය මගීන් පැවසූහ .

ඇල්ල පයිනස් වනරක්ශිතයේ හට ගත් ගින්නට හසුවී පිළිස්සී ගිය විශාල පයිනස් ගස් ්‍ මෙසේ දුම්රිය මාර්ගයට කඩා වැටීමෙන් දුම්රිය මාර්ගය අවහිර වී තිබින .