බදියුදීන්ගේ ව්‍යාපෘති නවතයි

සමස්ත ලංකා මක්කල් කොංග්‍රසයේ නායක පාර්ලිමේන්තු මන්ත්‍රී රිෂාඩ් බදියුදීන් මහතා දිස්ත්‍රික්ක 6 ක ආරම්භ කර ඇති රුපියල් මිලියන 200 කට වඩා වැඩි වටිනාකමකින් යුත් සංවර්ධන ව්‍යාපෘති කීපයක් ජනාධිපති ලේකම් කාර්යාලයේ මාර්ගෝපදේශ මත නවතා දමා ඇත.

මන්නාරම, වවුනියාව, මුලතිව්, පුත්තලම, ත්‍රිකුණාමලය සහ මඩකලපුව යන දිස්ත්‍රික්කවල සංවර්ධන ව්‍යාපෘති ආරම්භ කිරීම සඳහා පාර්ලිමේන්තු මන්ත්‍රී රිෂාඩ් බදියුදීන් මහතා මීට පෙර අනුමැතිය ලබාගෙන තිබිණි. ඉතා ඉක්මනින් සංවර්ධනය විය යුතු බවට අදාළ දිස්ත්‍රික්කවල ජනතාව, ග්‍රාම සංවර්ධන සමිති, සුබසාධන සංගම් සහ අනෙකුත් ප්‍රජා මූලික සංවිධානවල ඉල්ලීම් මත පදනම්ව ව්‍යපෘති ආරම්භ කළ බව ඒ පිළිබඳ අදහස් දක්වමින් බදියුදීන් මහතා ප්‍රකාශ කළේය.

කෙසේ නමුත් පසුගිය බ්‍රහස්පතින්දා දින අදාළ දිස්ත්‍රික්ක හයේ ලේකම්වරුන්ට ජනාධිපති ලේකම් කාර්යාලයේ ගණකාධිකාරී එස්.ඒ.පී. කුමාරි මහත්මිය මාර්ගෝපදේශ සපයා ඇත්තේ අදාළ ව්‍යපෘති අත් හිටුවන ලෙසත් ඒ සඳහා වෙන්කළ ප්‍රතිපාදන වහාම ක්‍රියාත්මකවන පරිදි නැවත ජනාධිපති ලේකම් කාර්යාලයට යොමුකරන ලෙසත්ය.

එලෙස මාර්ගෝපදේශ නිකුත් කරමින් යොමුකළ ගණකාධිකාරී එස්.ඒ.පී. කුමාරි මහත්මියගේ අත්සනින් යුත් ලිපිය දිස්ත්‍රික් ලේකම්වරුන්ට ලැබීමෙන් පසු පාර්ලිමේන්තු මන්ත්‍රී රිෂාඩ් බදියුදීන් මහතා ජනාධිපතිවරයාට ලිපියක් යොමු කරමින් දන්වා ඇත්තේ ඉදිරි ජනාධිපතිවරණයේදී සජිත් ප්‍රේමදාස මහතාට සහාය ලබා දීමට ගත් තීරණය හේතුවෙන් සංවර්ධන ව්‍යාපෘති අත්හිටුවීමට ජනාධිපති ලේකම් කාර්යාලය තීරණය කළේදැයි සැකයක් පවතින බවයි.

එසේම ජනාධිපතිවරයාගේ අනුදැනුමකින් තොරව ඇතැම් පුද්ගලයන් සහ නිලධාරීන් සදාචාර විරෝධීව මෙවැනි ක්‍රියාමාර්ගයක් ගෙන ඇතැයි තමන් විශ්වාස කරන බවත් දිස්ත්‍රික් ලේකම්වරුන්ට ලබාදී ඇති මාර්ගෝපදේශයන් අවලංගු කරමින් සංවර්ධන ව්‍යාපෘති නැවත ආරම්භ කිරීමට අදාළ නිලධාරීන්ට උපදෙස් ලබා දෙන ලෙස ජනාධිපතිවරයාගෙන් ඉල්ලා සිටින බවත් පාර්ලිමේන්තු මන්ත්‍රී රිෂාඩ් බදියුදීන් මහතා ජනාධිපතිවරයාට යොමුකළ ලිපියේ සඳහන් වේ.

සංවර්ධන ව්‍යාපෘති නැවත ආරම්භ කිරීමට ඉඩ ලබා නොදුනහොත් අකැමැත්තෙන් හෝ මැතිවරණ කොමිෂන් සභාවට මේ සම්බන්ධව පැමිණිලි කිරීමට සිදුවන බවත් අදාළ දිස්ත්‍රික්කවල ලේකම්වරුන්ට ලබාදී ඇති මාර්ගෝපදේශ මැතිවරණ නීති උල්ලංඝනය කිරීමක් බවට තමන් විශ්වාස කරන බවත් බදියුදීන් මහතා ජනාධිපතිවරයාට යොමුකළ ලිපියේ දැක්වේ.

(සන්ඩේ ටයිම්ස්)

අදහස් (12)

බදියුදීන්ගේ ව්‍යාපෘති නවතයි

Harsha Monday, 19 August 2024 10:08 AM

රනිල්ට සහය දුන්නෙ නැත්තං වෙන දේ දැක්ක නෙ

: 109 51

fairoos Monday, 19 August 2024 12:10 PM

දැන් එතකොට ඔබතුමා කපපු ගස් ටික හිටවලා ඉවරද ?

: 7 134

Janahitha Tuesday, 20 August 2024 08:16 AM

ඡන්ද පදනම මත විල්පත්තුව මුස්ලිම් ජනතාවට දුන්නේ බැසිල් සහ පොදු පෙරමුණ අනෙක් අයත් එය කරගෙන ගියා 67 ලක්ෂයක් බහුතරය අනුමැතිය දුන්නා රිෂාඩ් කළේ ජේන් ඒ නැහැ තනියම...

: 0 0

රංබොඩ Monday, 19 August 2024 01:43 PM

පැත්තකට විතරක් බර මේ මිනිසුන් මෙච්ච කාලයක් බලයේ ඉන්නවා. එන එන නායකයා මොවුන්ට හොරා කන්න සහාය දෙනවා. ඒ හොර රංචුවම තමයි මේ පාරත් එහෙට මෙහෙට පණින්නෙ.

: 2 66

සන්ක Monday, 19 August 2024 03:41 PM

අපි නම් සජිත්ට ඡන්දෙ දෙන්නෙ නැත... ඒ ඇයි? සමඟි ජන බලවේගය ඇතුලේ ඉතාම සමබර කන්ඩායමක් නිර්මාණය වෙලා තියෙනවා. විල්පත්තුව කපපු රිෂාඩ් බදුර්දීන් ඉන්නවා

: 2 56

සෙනෙවිරත්න Monday, 19 August 2024 04:26 PM

සන්ක, ඔව් ඔට්ටු කාරයෝ ක්‍රිකට් වලට බැහැලා කියපු අර්ජුනත් ඔට්ටු දාන තිලංගත් සජිත් ළඟ, ටිං ටිං ක්‍රමයට සජිත් ප්‍රශ්න විසඳනවා කියපු පාඨලිත් එයා ළඟ...

: 0 0

Prabha Monday, 19 August 2024 05:45 PM

රනිල් කියන්නේ කවදත් නීතිය ගණන් ගත්තේ නැති කෙනෙක්...!

: 0 0

chandima Monday, 19 August 2024 09:01 PM

විල්පත්තුවේ කැලේ කපන එකත් නැවැත්තුවාද?

: 0 0

විදුර වික්‍රම Monday, 19 August 2024 10:15 PM

ගෙදර වැඩට හිටපු ළමයා ඉබේ ගිනි අරගෙන... මෙයා මෙයාගේ ගෑණි එළියේ.. මාර නීති... එල්ලුම් ගහ මොවුන්ට තමයි...

: 0 0

Sam Gamage Monday, 19 August 2024 11:12 PM

මේ මනුස්සයා ළඟට එන ඕනේම කෙනෙක් ගන්නවනේ... ප්‍රමාණයට වඩා තත්වය බලන්න ළමයා...

: 0 0

Raman Tuesday, 20 August 2024 05:37 AM

බදියුදින්ට මම පොඩ්ඩක්වත් කැමති නෑ. නමුත් මේවා නවත්වනවානම් කළුතර පැත්තේ අලි සබ්‍රි කරන ඒවත් නවත්වන්න. ඔහුට අලුතින් ඇමතිකමකුත් දුන්නා. දැන් වැඩි දවසක් නෑ ඔහුගේ ජනතාව වැඩියෙන් ඉන්න පැත්තේ ඔහුගේ මහ ගෙවල් කිට්ටුව පාරවල් කාපට් කරා. අලි සබ්රිගේ නමත් ගහලා තිබුණා. කළුතර නගරයට දකුණින් තිබෙන වෙට්ටුමකඩ හන්දිය සහ කටුකුරුන්ද ප්‍රදේශ පුරා දැන් අලි සබ්‍රිගේ වැඩ තියෙන්නේ. ඇත්ත රනිල්ට සහාය දක්වන අයට තිබෙන වරප්‍රසාද තමයි මේ. එතකොට මන්නාරම පරිප්පු කන්න ඕනෑ රනිල්ට එරෙහිව යනවාට?

: 0 0

අරවින්ද මොනරවිල Tuesday, 20 August 2024 07:55 AM

ඔයා රනිල්ගෙන් සල්ලී පාස්කර ගත්තේ රනිල්ට සපොර්ට් කරනවා කියලා පොරොන්දු වෙලාද? මුලින්ම ඒක රටට කියලා ඉන්න. තමන්ට සපොර්ට් නොකර එකෙක්ට සල්ලි දෙන්න තරම් රනිල් මෝඩයෙක් නොවෙයි.

: 0 0

ඔබේ අදහස් එවන්න

දියත

සබරගමුව සරසවියේ තවත් සිසුන් 4ක් පොලිසියට බාරවෙති

2025 මැයි මස 05 31 0

සබරගමුව විශ්වවිද්‍යාලයේ නවක වඳය ලබා දිමෙි සිද්ධියට සම්බන්ද තවත් ජේෂ්ඨ සිසුන් 04කු අද (05) සවස අත්අඩංගුවට ගෙන ඇතැයි සමනල වැව පොලිසිය පවසයි.

අගුණකොළේ බන්ධනාගාරයේ රැඳවියා මැරුවාදැයි සැකයක්

2025 මැයි මස 05 124 0

අගුණකොළපැලැස්ස බන්ධනාගාරයේදී මියගිය රැදවියා බන්ධනාගර රෝහලේ රදවා සිටියදී ඔහුගේ කළහකාරී හැසිරීම හේතුවෙන් අනෙක් රැදවියන්ගේ යම් පහර කෑමකට ලක්ව ඇති බවට

කොටස් වෙළෙඳපොළ හෙට කලින් වහයි

2025 මැයි මස 05 38 0

කොළඹ කොටස් වෙළෙඳපොළ ගණුදෙනු පළාත් පාලන මැතිවරණය හේතුවෙන් හෙට (6) පෙරවරු 9.30 සිට පස්වරු 12.30 දක්වා පමණක් ක්‍රියාත්මක වන බව එම වෙළෙඳපොළ පවසයි.

ලංකාව - වියට්නාමය අතර ගිවිසුම් පහක්

2025 මැයි මස 05 189 0

ශ්‍රී ලංකාව හා වියට්නාමය අතර ක්ෂේත්‍ර කිහිපයකට අදාලව අවබෝධතා ගිවිසුම් 4ක් හා එකඟතා ගිවිසුමකට අත්සන් තැබීම ජනාධිපති අනුර කුමාර දිසානායක හා වියට්නාම්

අල්ලසක් ගත් වවුනියා ඩිපෝවේ ලොක්කෙකු රිමාන්ඩ්

2025 මැයි මස 05 159 0

මගියෙකුට ටිකට් පතක් ලබා නොදී මුදල් ලබා ගැනීමෙන් සේවය අහිමි වූ බස් කොන්දොස්තරවරයෙකුට යළි රැකියාව ලබාදීමේ ලිපිය නිකුත් කිරීමට රුපියල් ලක්ෂයක අල්ලසක් ල

ඩෙංගු, චිකන් ගුන්යා රෝගීන්ගේ වැඩිවීමක්

2025 මැයි මස 05 148 0

මෙරටින් චිකන් ගුන්යා ඩෙංගු සහ ඉන්ෆ්ලුවෙන්සා රෝගීන් වාර්තාවීම සීඝ්‍රයෙන් ඉහළ ගොස් ඇතැයි සෞඛ්‍ය අංශ පවසයි.