(අංජුල මහික වීරරත්න)

බිඳ වැටී ඇති පශු සම්පත් සංවර්ධන අංශය යළි නඟා සිටුවීම සඳහා ඉන්දීය රජයේ පූර්ණ සහයෝගය ලබා දීමට මෙරට ඉන්දීය මහකොමසාරිස් ගෝපාල් භග්ලේ මහතා එකඟත්වය පළ කළ බව කෘෂිකර්ම අමාත්‍ය මහින්ද අමරවීර මහතා පැවසීය.

ජනාධිපති රනිල් වික්‍රමසිංහ මහතාගේ ප්‍රධානත්වයෙන් පැවැති සාකච්ඡාවක දී ගෝපාල් බග්ලේ මහතා අදාල එකඟතාවය පළ කර තිබේ.

ඉන්දියාවේ නවදිල්ලිහි දී පෑවත්වෙන The First Global Conference on International year of Millet සම්මන්ත්‍රණය සදහා ශ්‍රී ලංකාව නියෝජනය කරමින් කෘෂිකර්ම අමාත්‍ය මහින්ද අමරවීර මහතා සහභාගී වූ අතර එහි දී ඉන්දියාවේ ප්‍රමුඛ කිරි හා කිරි ආශ්‍රිත නිෂ්පාදන සමාගමක් වන Mother Dairy කර්මාන්ත ශාලාව කෘෂිකර්ම අමාත්‍යවරයාගේ නිරීක්ෂණයට ලක් විය.

දිනකට කිරි ලීටර් ලක්ෂ 50ක් පමණ මෙම කර්මාන්ත ශාලාව ආශ්‍රිතව කිරි හා කිරි නිෂ්පාදන කර්මාන්තය සඳහා භාවිතා කරයි.