පැල් රකින්න ගිය සිව්දරු මව අලි පහරින් මරුට

( සිසිර  කැලේගම)

තනියම අක්කරයක පමණ කුඹුරක් වැඩකර එය රැක ගැනීමට පැළක සිටි විවාහක සිව්දරු (74) වියේ පසු වු මවක වන අලි ප්‍රහාරයකට  ලක්ව අද  (29) මියගොස්  ඇතැයි ගල්ගමුව  පොලීසිය  කියයි.

මෙලෙස මරණයට  පත්ව ඇත්තේ ගල්ගමුව ,පොරතුකඩවල ලිපිනයේ පදිංචිව සිටි  එස්.ආර්.බී.ඩබ්ලිව්.එම්. චන්ද්‍රාවති කුමාරිහාමි නැමැත්තියක බව පොලීසිය  සඳහන්  කරයි.

ඇයගේ දරුවන්  හතර දෙනාම පිටත පදිංචිව  රැකියාවල නියැලෙන අතර ඇය පමණක් තනියම නිවසක වාසය කර තිබේ.

නිවසේ සිට මීටර් 500 ක් පමණ දුරින් යුත් අක්කරයක පමණ කුඹුරක වී වපුරා  එහි අස්වැන්න දින දෙකක් තිස්සේ  තනියම කපා එය පාගෙන ගෙට ගෙන යන තෙක්  පැල් රැකීමට ගොස් සිටිය දී තනි අලියා පහරදී ඇතැයි කියයි.