(සුජිත් හේවාජුලිගේ සහ  අංජුල මහික වීරරත්න)

ශ්‍රී ලංකාවේ ව්‍යාපාර පහසු කිරීමේ දර්ශකයේ අගය ඉහළ නැංවීම සම්බන්ධයෙන් පැන නැඟී ඇති ප්‍රායෝගික ගැටලු හා දුෂ්කරතා අධ්‍යයනය කිරීමට සහ  ඒ පිළිබඳව යෝජනා හා නිර්දේශ ඉදිරිපත් කිරීමට වන පාර්ලිමේන්තු විශේෂ කාරක සභාවට සාමාජික  මන්ත්‍රීවරුන් පත් කර ඇතැයි කතානායක මහින්ද යාපා අබේවර්ධන මහතා පාර්ලිමේන්තුවට අද (16) දැනුම් දුන්නේය.

ඒ අනුව එම කමිටුවේ සභාපතිවරයා ලෙස පත්කරනු ලැබ සිටින්නේ කොළඹ දිස්ත්‍රික් මන්ත්‍රී  මධුර විතානගේ මහතාය.

නසීර් අහමඩ්,  අරවින්ද් කුමාර් නීතිඥ අනුර ප්‍රියදර්ශන යාපා, ධර්මලිංගම් සිද්ධාර්ථන්,  මොහමඩ් මුසම්මිල් , චමින්ද වි‍ජේසිරි,  වරුණ ලියනගේ,  සංජීව එදිරිමාන්න, නාලක බණ්ඩාර කෝට්ටේගොඩ කෝකිලා ගුණවර්ධන , ලලිත් වර්ණ කුමාර යන අය කමිටුවේ සෙසු සාමාජිකයෝ වෙති.

කතානායකවරයා  මෙම නිවේදනය කළේ සභාවේ කටයුතු ආරම්භයේදීය.