(රෝෂන් තුෂාර)

පුත්තලමේ සිට කොළඹ බලා පැමිණි දුම්රිය මැදිරියක වැසිකිලීයේ  දින කිහිපයක් වයස ඇති බිළිඳු මළ සිරුරක් තිබී සොයා ගත් බව කොළඹ අතිරේක මහේස්ත්‍රාත් කසුන් කාංචන දිසානායක මහතා ඉදිරියේ කරුණු දක්වමින් දෙමටගොඩ පොලිසිය   පැවසීය.

දෙමටගොඩ පොලිසියේ පොලිස් සැරයෙන් කුලතුංග (47091)මහතා කරුණු දක්වමින් කියා සිටියේ අද උදෑසන 10.36ට මරදාන්ට ළඟා වූ දුම්රියේ වැසිකිළියක මෙම බිළිඳු මළ සිරුර තිබී ඇති බවය.

දෙමටගොඩ  දුම්රිය අංගනයේ නවතා තැබූ දුම්රිය   කම්කරුවන් විසින්  පිරිසිදු කරන අවස්ථාවේදී මෙම බිලි බිළිඳු මලසිරුර සිලි බෑග් එකක දමා තිබියදී සොයාගෙන ඇති බව පොලිසියට පැමිණිලි කර ඇති බවද පැවසීය.

ඉදිරිපත් වූ කරුණු සලකා බැලූ අතිරේක මහේස්ත්‍රාත්වරයා බිළිඳු මල සිරුර සම්බන්ධයෙන් මරණ පරීක්ෂණය සිදු කර වාර්තාවක් අධිකරණයට ඉදිරිපත් කරන ලෙසට නියෝග කළේය.