(සුජිත් හේවාජුලිගේ)

පක්ෂ මාරු කළොත් මන්ත්‍රී ධුරය අහෝසි කෙරෙන පනත පාර්ලිමේන්තුවට ගෙන ඒම හොඳ දෙයක් හෙයින්  ඒ සඳහා තම පූර්ණ සහය  දෙන බව  ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නීතිඥ නාමල් රාජපක්ෂ මහතා පවසයි.

ජනතාව ඡන්දය ලබාදී පුද්ගලයකු පාර්ලිමේන්තුවට යවන්නේ පක්ෂය හා  නායකයා කෙරෙහි විශ්වාසය තබා යැයි ද නායකයා කෙරෙහි අවිශ්වාසයක් ඇතිවූ පමණින් පක්ෂය මාරුකිරීම සාධාරණ  බව තමන් නොසිතන්නේ යැයි ද ඔහු කීය.

පාර්ලිමේන්තු මන්ත්‍රී නාමල් රාජපක්ෂ මහතා මෙසේ ද පැවසුවේය.

“පක්ෂ මාරු කරන්න බැරි නීතිය ගේන්න ඕනෑ. අපේ කාලයේ ඒක ගෙනවා නම්, පොහොට්ටුවට තවමත් බලයේ ඉන්න තිබුණා. ආණ්ඩුව දෙදරනවා, හෙල්ලෙනවා කියලා දැනෙන කොට වුණත්  මාලිමා ආණ්ඩුව මේ පනත ගේන එක  හොඳයි. ඒක අැත්තටම විය යුතු දෙයක්.